Ola Cab - Bad Experience: ఓలా క్యాబ్ ఎక్కిన హీరోయిన్, ఏసీ ఆపేసిన డ్రైవర్

హీరోయిన్ శ్రద్ధా శ్రీనాథ్ ఓలా క్యాబ్ లో ప్రయాణం చేశారు. అప్పుడు తనకు ఎదురైన పరిస్థితిని ఆమె సోషల్ మీడియాలో పంచుకున్నారు.

శ్రద్ధా శ్రీనాథ్

Shraddha Srinath: కథానాయిక శ్రద్ధా శ్రీనాథ్ ఉన్నారు కదా! 'జెర్సీ'లో నానికి జంటగా నటించారు. రీసెంట్‌గా ఆమె ఓలా క్యాబ్‌లో జర్నీ చేశారు. సాధారణంగా కొంత మంది హీరోయిన్లు క్యాబ్ జర్నీ చేస్తారు. అయితే... శ్రద్ధా శ్రీనాథ్‌కు ఓలా జర్నీలో వింత అనుభవం ఎదురు అయ్యింది. ఆమె అలా క్యాబ్ ఎక్కారు. కానీ, ఏసీ ఆన్‌లో లేదు. ఆఫ్‌లో ఉందని గమనించిన శ్రద్ధా శ్రీనాథ్... ఆన్ చేయమని అడిగితే చేయడానికి డ్రైవర్ నిరాకరించాడని ఆమె తెలిపారు.

"పెట్రోల్ / డీజిల్ రేట్లు పెరగడం వల్ల నా క్యాబ్ డ్రైవర్ ఏసీ ఆన్ చేయడానికి నిరాకరించాడు.  కొంత డబ్బు అయినా ఆదా చేయాలని అనుకుంటున్న డ్రైవర్ ను నేను నిందించడం లేదు. ఓలా క్యాబ్ వాళ్ళ సంపాదనను దోచుకుంటోంది" అని ఇన్‌స్టాగ్రామ్ స్టోరీస్‌లో శ్రద్ధా శ్రీనాథ్ పోస్ట్ చేశారు. అంతకు ముందు ఎయిర్ పోర్ట్‌లో ఎదురైన వింత అనుభవాన్ని కూడా ఆమె నెటిజన్స్‌తో షేర్ చేసుకున్నారు.

ఎయిర్ పోర్ట్‌లో శ్రద్దా శ్రీనాథ్‌ను చూసిన ఒక మహిళ 'జెర్సీ'లో హీరోయిన్ అని గుర్తు పట్టారట. అయితే... ఆమె పేరు ఆమెకు గుర్తు లేదట. దాంతో శ్రద్ధా దాస్ అనడంతో  అవాక్కవడం శ్రద్ధా శ్రీనాథ్ వంతు అయ్యింది. "ఎయిర్ ఇండియా చెక్ ఇన్ కౌంటర్ దగ్గర ఒక మహిళ నన్ను చూసి గుర్తు పట్టారు. కానీ, నా పేరు పలకలేకపోయారు. ఆవిడతో 'శ్రద్ధా' అని చెప్పాను. 'అవును. శ్రద్ధా! శ్రద్ధా దాస్' అని అనడంతో 'కాదు. ఆమె (శ్రద్ధా దాస్) వేరే నటి. నేను శ్రద్ధా శ్రీనాథ్' అని చెప్పాను. అప్పుడు 'ఎస్. ఆఫ్ కోర్స్. నిన్ను ఎలా మరిచిపోగలను' అన్నారు. ఓకే. కూల్" అని శ్రద్ధా శ్రీనాథ్ పోస్ట్ చేశారు.  ఇంకొక ప్యాసింజర్ ఇన్‌స్టాగ్రామ్‌లో తనను ట్యాగ్ చేస్తూ పోస్ట్ చేయమని ఇబ్బంది పెట్టారట. 

ప్రస్తుతం రెండు కన్నడ సినిమాల్లో శ్రద్ధా శ్రీనాథ్ నటిస్తున్నారు. ఓ తెలుగు సినిమా కూడా చేస్తున్నారు. ఆ సినిమాకు ఆమె తెలుగులో డబ్బింగ్ చెప్పారు. "ఇక నుంచి తెలుగులో నేను నటించే సినిమాల్లో నా గొంతు వినడానికి రెడీగా ఉండండి" అని శ్రద్ధా శ్రీనాథ్ తెలిపారు. 'జెర్సీ' తర్వాత 'కృష్ణ అండ్ హిజ్ లీల' సినిమా తెలుగులో శ్రద్ధా శ్రీనాథ్ కు మంచి పేరు తెచ్చింది.