Sankranthiki vasthunnam: వెంకటేష్ 'సంక్రాంతికి వస్తున్నాం'లో రమణ గోగుల పాట - 18 ఏళ్ళ తర్వాత హిట్ కాంబో రిపీట్

Sankranthiki vasthunnam First Single: వెంకటేష్, అనిల్ రావిపూడి కలయికలోని ‘సంక్రాంతికి వస్తున్నాం’ సినిమాలో ఫస్ట్ సాంగ్‌ను రమణ గోగుల పాడారు. వెంకీ, గోగుల కాంబో 18 ఏళ్ల తర్వాత రిపీట్ అయ్యింది.

వెంకీ మూవీలో రమణ గోగుల స్పెషల్ సాంగ్

Source : Social Media

Venkatesh - Ramana Gogula Combo: టాలీవుడ్ సీనియర్ నటుడు విక్టరీ వెంకటేష్ హీరోగా క్రేజీ డైరెక్టర్ అనిల్ రావిపూడి కాంబోలో వస్తున్న తాజా చిత్రం ‘సంక్రాంతికి వస్తున్నాం’. ప్రస్తుతం ఈ సినిమాకు సంబంధించి షూటింగ్ శరవేగంగా కొనసాగుతోంది. ఈ నేపథ్యంలో చిత్ర బృందం అదిరిపోయే అప్ డేట్ ఇచ్చింది.   

వెంకీ మూవీ కోసం రమణ గోగుల స్పెషల్ సాంగ్

సుమారు 18 ఏండ్ల తర్వాత ప్రముఖ సంగీత దర్శకుడు రమణ గోగుల ‘సంక్రాంతికి వస్తున్నాం’ సినిమా కోసం పని చేస్తున్నారు. వెంకీ - రమణ కాంబోలో బోలెడు హిట్ సాంగ్స్ వచ్చాయి. ఇప్పుడు ఆ వింటేజ్ మేనియాను కంటిన్యూ చేసేందకు రమణ గోగులతో ఈ సినిమా సంగీత దర్శకుడు భీమ్స్ సిసిరోలియో ఓ పాటను పాటిస్తున్నారు. ఈ విషయాన్ని దర్శకుడు అనిల్ రావిపూడి సోషల్ మీడియా వేదికగా వెల్లడించారు. “సంక్రాంతికి వస్తున్నాం’ సినిమాలో రమణ గోగుల స్పెషల్ సాంగ్ పాడుతున్నారు. సుమారు 18 ఏళ్ల తర్వాత వెంకటేష్ - రమణ గోగుల హిట్‌ కాంబోలో పాట రాబోతోంది.ఈ సినిమా నుంచి రాబోయే ఫస్ట్ సింగిల్ సాంగ్ కూడా ఇదే” అని అని చెప్పుకొచ్చారు.

రమణ గోగుల గురించి...

తెలుగు సినిమా పరిశ్రమలో మ్యూజిక్ డైరెక్టర్ గా, సింగర్‌గా రమణ గోగుల తనకంటూ ఓ ప్రత్యేక గుర్తింపు తెచ్చుకున్నారు. ‘తమ్ముడు’, ‘బద్రి’, ‘జానీ’, ‘లక్ష్మీ’, ‘యోగి’ లాంటి సినిమాలకు ఆయన సంగీతం అందిచారు. ఈ సినిమాల్లో ఆయన పాడిన పాటలు సంగీత ప్రియులను ఎంతగానో ఆకట్టుకున్నాయి. ప్రస్తుతం పలు రకాల వ్యాపారాలు చేస్తున్నారు. సుమారు 18 సంవత్సరాల తర్వాత ఆయన మరోసారి గాయకుడిగా ప్రేక్షకుల ముందుకు రాబోతున్నారు. ఈ సాంగ్ కోసం సంగీత ప్రియులు ఎంతగానో ఎదురు చూస్తున్నారు.

A special song calls for a very special singer to bring the magic to life❤️‍🔥

After 18 Long years, Bringing back the blockbuster vintage combo of Victory @VenkyMama and @RamanaGogula for a chartbuster tune composed by #BheemsCeciroleo 💥

-- https://t.co/HWcxIst1F3… pic.twitter.com/LGW5gGNLUR

— Sri Venkateswara Creations (@SVC_official) November 13, 2024

అరకులో చివరి షెడ్యూల్ షూటింగ్

ప్రస్తుతం ‘సంక్రాంతికి వస్తున్నాం’ సినిమాకు సంబంధించిన లాస్ట్ షెడ్యూల్ షూటింగ్ కొనసాగుతోంది. అరకులో కీలక సన్నివేశాలను చిత్రీకరిస్తున్నారు. ఈ సినిమాను దర్శకుడు అనిల్ ఔట్ అండ్ ఔట్ కమర్షియల్ ఎంటర్ టైనర్ గా తెరకెక్కిస్తున్నారు. ఇప్పటికే ఈ సినిమా నుంచి విడుదలై పోస్టర్లు మూవీపై భారీగా అంచనాలు పెంచాయి. ఈ సినిమా ట్రయాంగిల్ క్రైమ్ థ్రిల్లర్ గా రూపొందుతున్నట్లు తెలుస్తోంది. ఈ చిత్రంలో వెంకటేష్ పోలీస్ అధికారిగా కనిపించనున్నారు. మీనాక్షి చౌదరి, ఐశ్వర్య రాజేష్ హీరోయిన్లుగా నటిస్తున్నారు. ఈ సినిమాకు సంబంధించిన డబ్బింగ్ పనులు కూడా కొనసాగుతున్నాయి.

శ్రీ వేంకటేశ్వర క్రియేషన్స్‌ పతాకంపై దిల్‌ రాజు ఈ చిత్రాన్ని ప్రతిష్టాత్మకంగా నిర్మిస్తున్నారు. సీనియర్ నటులు రాజేంద్ర ప్రసాద్, సాయి కుమార్‌ సహా పలువురు ఈ చిత్రంలో కీలక పాత్రలు పోషిస్తున్నారు. సమీర్ రెడ్డి సినిమాటోగ్రఫీని చూసుకుంటున్నారు. ఎఎస్ ప్రకాష్ ప్రొడక్షన్ డిజైనర్ కాగా, తమ్మిరాజు ఎడిటింగ్ బాధ్యతలు నిర్వహిస్తున్నారు. వి వెంకట్ యాక్షన్ సన్నివేశాలకు కొరియోగ్రఫీ చేస్తున్నారు. భీమ్స్ సిసిరోలియో సంగీతం అందిస్తున్నారు. ఈ సినిమా వచ్చే ఏడాది సంక్రాంతికి ప్రేక్షకుల ముందుకు రానుంది.