Sandeep Reddy Vanga: డర్టీ పీఆర్ గేమ్... పిల్లి చేష్టలు... 'స్పిరిట్' హీరోయిన్ ఇష్యూలో దీపికా పదుకోన్ మీద సందీప్ రెడ్డి వంగా ఫైర్

Sandeep Reddy Vanga vs Deepika Padukone: 'స్పిరిట్' నుంచి దీపికాను తీసేసి తృప్తి డిమ్రీని ఎంపిక చేయడంతో బాలీవుడ్ మీడియాలో నెగిటివ్ ఆర్టికల్స్ వస్తున్నాయి. దాంతో సందీప్ రెడ్డి వంగా ఫైర్ అయ్యారు.

దీపికా పదుకోన్ మీద సందీప్ రెడ్డి వంగా ఘాటుగా ట్వీట్ చేయడంలో ఇప్పుడు ఆవిడ ఏం బదులు ఇస్తుందోనని అందరూ ఆసక్తిగా ఎదురు చూస్తున్నారు. 

Source : ABPLIVE AI

'స్పిరిట్'లో రెబల్ స్టార్ ప్రభాస్, బాలీవుడ్ భామ దీపికా పదుకోన్ జంటగా నటించాలి. అయితే... ఆవిడ పెట్టిన కండిషన్స్ నచ్చక దర్శకుడు సందీప్ రెడ్డి వంగా మరొక హీరోయిన్ దగ్గరకు వెళ్లారు. 'యానిమల్'లో నటించిన తృప్తి డిమ్రీని సెలెక్ట్ చేశారు. సినిమాలో హీరోయిన్ ఒక్కరే అని, అదీ తృప్తి అని అనౌన్స్ చేశారు. 

దీపికా పదుకోన్ (Deepika Padukone)ను తీసేసి తృప్తి డిమ్రీ (Tripti Dimri)ని ఎంపిక చేసినప్పటి నుంచి బాలీవుడ్ మీడియాలో 'స్పిరిట్' మీద కాస్త నెగిటివ్ ఆర్టికల్స్ వస్తున్నాయి. ఇదొక అడల్ట్ రేటెడ్ సినిమా అని కథనాలు వండి వారుస్తున్నారు. అందుకే దీపికా పదుకోన్ నటించడం లేదన్నట్టు చెప్పుకొస్తున్నారు. సదరు వార్తల మీద దర్శకుడు ఆగ్రహం వ్యక్తం చేశారు. కథ మొత్తం లీక్ చేసినా తనకు ఏం పర్వాలేదని ఘాటుగా ట్వీట్ చేశారు.

డర్టీ పీఆర్ గేమ్... దీపికావి పిల్లి చేష్టలు!
Sandeep Reddy Vanga tweet on Deepika Padukone: దర్శకుడు సందీప్ రెడ్డి వంగా సోమవారం రాత్రి ఒక ట్వీట్ చేశారు. అందులో దీపికా పదుకోన్ పేరును ఎక్కడా ప్రస్తావించలేదు. కానీ, ఆవిడను ఉద్దేశించి ఆ ట్వీట్ చేశారని అది చదివిన జనాలు ఎవరికి అయినా సరే ఇట్టే అర్థం అవుతుంది. 

''నేను ఒక యాక్టర్‌కు కథ చెప్పానంటే... వాళ్ళ మీద హండ్రెడ్ పర్సెంట్ నమ్మకం ఉంచుతాను. మా మధ్య రాయనటువంటి ఒక అగ్రిమెంట్ ఉంటుంది. ఒక యంగ్ హీరోయిన్‌ను తక్కువ చేయడం, నా కథను బయట పెట్టడం ద్వారా నువ్వు (దీపికాను ఉద్దేశిస్తూ...) ఎటువంటి మనిషివో చెప్పావు. నీ ఫెమినిజం అంటే ఇదేనా? దర్శకుడిగా ప్రతి కథ వెనుక కొన్నేళ్ల కష్టం ఉంటుంది. ఫిల్మ్ మేకింగ్ అనేది నీకు ఎప్పటికీ అర్థం కాదు. ఒక పని చెయ్... ఈసారి కథ మొత్తం చెప్పేయ్. ఎందుకంటే... నాకు కొంచెం కూడా ఫరఖ్ పడదు. డర్టీ పీఆర్ గేమ్'' అని సందీప్ రెడ్డి వంగా ట్వీట్ చేశారు.

తన ట్వీట్ ఆఖరిలో సందీప్ రెడ్డి వంగా ఒక హిందీ సామెతను యాడ్ చేశారు. ''खुंदक में बिल्ली खंबा नोचे'' అని పేర్కొన్నారు. అంటే... ఎవరైనా సరే తాము అనుకున్నది సాధించలేనప్పుడు ఫ్రస్ట్రేషన్‌లో ఇష్టం వచ్చినట్టు చేస్తారని మీనింగ్ అన్నమాట. అదీ సంగతి! దీపికావి పిల్లి చేష్టలు అని ఆయన పేర్కొన్నారు.

When I narrate a story to an actor, I place 100% faith. There is an unsaid NDA(Non Disclosure Agreement) between us. But by doing this, You've 'DISCLOSED' the person that you are....
Putting down a Younger actor and ousting my story? Is this what your feminism stands for ? As a…

— Sandeep Reddy Vanga (@imvangasandeep) May 26, 2025

'యానిమల్'లో బెడ్ రూమ్ సీన్ విపరీతంగా వైరల్ అయ్యింది. ఆ సీన్ తీసిన టైంలో తృప్తి డ్రిమీ అనుమతి తీసుకున్నామని, ఆవిడ కంఫర్టబుల్ అని చెప్పిన తర్వాత తీశామని సందీప్ రెడ్డి వంగా తెలిపారు. పైగా, ఆ సన్నివేశంలో ఎలాంటి అసభ్యత ఉండదు. కళాత్మకంగా తీశారు. 'స్పిరిట్'లోనూ ఆ విధంగా తీస్తారని చెప్పవచ్చు. హీరోయిన్ ఛాన్స్ తనకు రాలేదని 'స్పిరిట్' మీద దీపికా పదుకోన్ విషం చిమ్మడం పట్ల ఆడియన్స్ నుంచి వ్యతిరేకత వ్యక్తం అవుతోంది. ఆవిడ ఆ విధంగా చేయడం సరికాదని టాలీవుడ్ జనాలు కామెంట్ చేస్తున్నారు.