Rishab Shetty : రిషబ్ శెట్టి ఇన్ స్టా అకౌంట్ క్లియర్ - కాంతార హీరో ఫాలో అవుతున్న ఆ ఇద్దరు ఎవరంటే?
Rishab Shetty Reaction : కన్నడ స్టార్ రిషబ్ శెట్టి ఇన్ స్టా అకౌంట్ రీసెంట్‌గా ట్రెండ్ అయిన సంగతి తెలిసిందే. హోంబలే ఫిల్మ్స్‌తో పాటు ఇద్దరిని అన్ ఫాలో చేయడం హాట్ టాపిక్‌గా మారింది.
Rishab Shetty Instagram Followers List : కన్నడ స్టార్ రిషబ్ శెట్టి ఇన్ స్టా అకౌంట్ గురించే గత మూడు రోజులుగా చర్చ సాగుతోంది. ఆయన తన ఇద్దరు కో స్టార్స్‌ను అన్ ఫాలో చేయడం సోషల్ మీడియాలో పెద్ద చర్చకే దారితీసింది. మరి ఆయన ఎవరిని ఫాలో అవుతున్నారనే ఆసక్తి అందరిలోనూ నెలకొంది.
ఇద్దరిని మాత్రమే...
రిషబ్ శెట్టి కేవలం రెండు అకౌంట్స్ మాత్రమే ఫాలో అవుతున్నారు. ఒకటి తన భార్య ప్రగతి శెట్టిది, రెండోది తన ప్రొడక్షన్ హౌస్ 'రిషబ్ శెట్టి ఫిల్మ్స్'ను ఫాలో అవుతున్నారు. ఇది నెట్టింట మరో హాట్ టాపిక్‌గా మారింది. అంతకు ముందు కాంతార ఫ్రాంచైజీతో సంబంధం ఉన్న తన సహచర నటుల అకౌంట్స్ ఆయన అన్ ఫాలో చేశారు.
హోంబలే ఫిల్మ్స్ సంస్థ ఖాతాతో పాటు నటుడు రాజ్ బి శెట్టి, హీరోయిన్ రుక్మిణి వంసత్ అకౌంట్స్ అన్ ఫాలో చేశారు. దీంతో గతంలో హోంబలే ఫిల్మ్స్‌తో విభేదాలు ఉన్నాయన్న వార్తలకు మరింత బలం చేకూరింది. అయితే, హోంబలే ఫిల్మ్స్ అధినేత విజయ్ కిరంగదూర్‌ను మాత్రం అప్పుడు అన్ పాలో చేయలేదు. కానీ, రీసెంట్‌గా దాదాపు అన్నీ అకౌంట్స్ అన్ ఫాలో చేయడంపై మరో కొత్త చర్చ తెరపైకి వచ్చింది.
Also Read : నేనేం చేసినా కామెంట్స్ వస్తూనే ఉంటాయి - అదే నా డ్రీమ్... మెగా డాటర్ నిహారిక రియాక్షన్
కాంతార 3 ఉంటుందా?
రిషబ్ శెట్టి స్వీయ దర్శకత్వంలో వచ్చిన కాంతార ఫ్రాంచైజీ బాక్సాఫీస్ వద్ద సంచలన విజయం సాధించాయి. గతేడాది వచ్చిన కాంతార చాప్టర్ 1 రికార్డు కలెక్షన్స్ సాధించింది. దీనికి సీక్వెల్ కూడా క్లైమాక్స్‌లోనే అనౌన్స్ చేశారు. ప్రతిష్టాత్మక హోంబలే ఫిల్మ్స్ ఈ మూవీస్ నిర్మించింది. మరి, రిషబ్‌కు, ఈ సంస్థకు విభేదాలు వచ్చాయన్న వార్తల నేపథ్యంలో కాంతార 3 పరిస్థితి ఏంటి అనే దానిపై అందరిలోనూ సస్పెన్స్ నెలకొంది.
ఫస్ట్ రెండు పార్టులను మించి మూడో పార్ట్ ఉంటుందని ఫ్యాన్స్ భారీ ఎక్స్‌పెక్టేషన్స్ పెట్టుకోగా... ఈ మూవీ ఎప్పటి నుంచి ట్రాక్ ఎక్కనుంది? అనే దానిపై క్లారిటీ రావాల్సి ఉంది. హోంబలేతో విభేదాలున్నాయన్న ప్రచారంపై రిషబ్ శెట్టి రియాక్ట్ అయితే తప్ప క్లారిటీ వచ్చే ఛాన్స్ లేదు. ఆయన ఎప్పుడు స్పందిస్తారో అని అందరూ ఎదురు చూస్తున్నారు. ప్రస్తుతం రిషబ్... ప్రశాంత్ వర్మ దర్శకత్వంలో జై హనుమాన్ మూవీలో హనుమంతుడి పాత్ర పోషిస్తున్నారు. ఈ మూవీ షూటింగ్ శరవేగంగా సాగుతోంది.
టాప్ హెడ్ లైన్స్
ట్రెండింగ్ వార్తలు
