Shamshera Teaser: షంషేరా - గిరిజన తెగ రక్షణకు కత్తి దూసిన వీరుడు, ర‌ణ్‌బీర్ సినిమా టీజర్ చూశారా?

ర‌ణ్‌బీర్ కపూర్ నటించిన పీరియాడిక్ సినిమా 'షంషేరా' టీజర్ విడుదలైంది. చూశారా?

'షంషేరా'లో ర‌ణ్‌బీర్ కపూర్ (Image Courtesy: YRF / YouTube)

మాస్... ఊర మాస్... బహుశా ర‌ణ్‌బీర్ కపూర్ (Ranbir Kapoor) కు 'షంషేరా' ఊర మాస్ సినిమా కావచ్చు! ఎందుకంటే... ఈ బాలీవుడ్  హీరో ఇప్పటి వరకు చేసిన సినిమాలన్నీ క్లాస్ టచ్ ఉన్నవే! 'షంషేరా' టీజర్ (Shamshera Movie Teaser) చూస్తే... మాసీగా ఉంది. హీరో లుక్ దగ్గర నుంచి కలర్ టోన్ వరకూ ప్రతి అంశంలో మాస్ కనిపించింది.
 
'షంషేరా' టీజర్ ప్రారంభమే... ప్రాచీన కాలంలో కొండల అంచున, లోయ ప్రాంతాల్లో ఇల్లు ఏ విధంగా ఉండేవో, అటువంటి వాటిని చూపించారు. కొందరు గిరిజనులను బంధించి హింసించడమూ చూపించారు. 'తన జాతి (గిరిజన తెగ)ని కాపాడటం కోసం ఒక లెజెండ్ (వీరుడు) ఎదుగుతాడు' అంటూ ర‌ణ్‌బీర్‌ను చూపించారు. 

'శ్వాసలో తుఫాను వేగం... చూపులో డేగకు ఉండేటటువంటి నిఘా... అతడిని ఎవరూ ఆపలేరు' అంటూ హీరో ఎలివేషన్ ఇచ్చారు. కరణ్ మల్హోత్రా దర్శకత్వంలో ఆదిత్యా చోప్రా నిర్మించిన చిత్రమిది. జూలై 22న హిందీతో పాటు తెలుగు, తమిళ భాషల్లో విడుదల కానుంది. ఈ నెల 24న టీజర్ విడుదల చేయనున్నట్టు తెలిపారు.

'షంషేరా' సినిమాలో వాణీ కపూర్ హీరోయిన్. సంజయ్ దత్ కీలక పాత్రలో నటించారు. టీజర్‌లో వాణీని చూపించలేదు కానీ... సంజయ్ దత్‌ను చూపించారు. ఆయన లుక్ కొత్తగా ఉంది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Yash Raj Films (@yrf)