Ranbir Kapoor: ఖరీదైన కారు కొన్న రణబీర్ కపూర్ - ధర ఎంతో తెలుసా?
Ranbir Kapoor New Car: రణబీర్ కపూర్ దగ్గర ఇప్పటికే పలు లగ్జరీ కార్లు ఉండగా.. అందులో తాజాగా మరొకటి యాడ్ అయ్యింది. తాజాగా తన కొత్త కారులో ముంబాయ్ రోడ్లపై షికార్లు కొడుతూ కనిపించాడు రణబీర్.
Ranbir Kapoor Buys New Car: కొందరు సినీ సెలబ్రిటీలకు కార్లు అంటే విపరీతమైన క్రేజ్ ఉంటుంది. అందుకే సక్సెస్ వచ్చిన ప్రతీసారి కొత్త కొత్త బ్రాండ్ల కార్లను కొంటూ వాటిపై ప్రేమను బయటపెడుతుంటారు. తాజాగా రణబీర్ కపూర్ కూడా అదే చేశాడు. కొత్త కారుతో ముంబాయ్ రోడ్లపై షికారు చేస్తున్న రణబీర్.. ఫోటోగ్రాఫర్ల కంటపడ్డాడు. ఆ కారు చాలా బాగుందంటూ అసలు అది ఏ మోడల్, ఎంత ప్రైజ్ అని తెలుసుకోవడంలో నెటిజన్లు బిజీ అయిపోయారు. సినీ సెలబ్రిటీలు ఉపయోగించే కార్లంటే కచ్చితంగా ధర కోట్లలోనే ఉంటుంది. అలాగే రణబీర్ కపూర్ గ్యారేజ్‌లో చేరిన ఈ కొత్త కారు ధర ఏంటో తెలుసుకోవాలని ఫ్యాన్స్ సెర్చ్ చేయడం మొదలుపెట్టారు.
లగ్జరీ కార్లు..
రణబీర్ కపూర్.. కొత్త జెట్ బ్లాక్ బెంట్లే కాంటినెంటల్ కారును కొనుగోలు చేశాడు. ఆ కారుతో తను రోడ్లపై చక్కర్లు కొడుతున్న వీడియో ప్రస్తుతం సోషల్ మీడియాలో వైరల్‌గా మారింది. అయితే ఈ వీడియోలో రణబీర్‌తో పాటు కారులో ఎవరూ లేనట్టుగా కనిపిస్తోంది. కారులో తను ఒక్కడే బాండ్రా రోడ్లపై షికారు చేస్తూ కనిపించాడు. సెర్చ్ చేసి చూస్తే ఈ కారు ధర రూ.8 కోట్లు అని తెలిసింది. ఇప్పటికే రణబీర్ కపూర్ కార్ల కలెక్షన్‌లో ఎన్నో లగ్జరీ కార్లు ఉండగా.. అందులో బెంట్లీ కాంటినెంటల్ కూడా యాడ్ అయ్యింది. రణబీర్‌కు మాత్రమే కాదు.. ఆలియా భట్ దగ్గర కూడా లగ్జరీ కార్ల కలెక్షన్ ఉంది. వీరిద్దరి కార్ల విలువే ఎన్నో కోట్లలో ఉంటుందని బాలీవుడ్ సమాచారం.
View this post on Instagram
కొత్త ఇల్లు కోసం..
కార్లు మాత్రమే కాదు.. ఆలియా, రణబీర్ కపూర్ కలిసి కొత్త ఫ్లాట్‌ను కూడా తీసుకోవాలనే ఆలోచనలో ఉన్నారు. గత కొంతకాలంగా వారు ముంబాయ్‌లోని పలు కన్‌స్ట్రక్షన్ సైట్స్‌కు వెళ్లి కొత్త ఇంటి కోసం వెతుకుతున్నారు. గత వారం కూడా ఒక కన్‌స్ట్రక్షన్ సైట్‌లో రణబీర్ కపూర్ కనిపించిన ఫోటోలు సోషల్ మీడియాలో వైరల్ అయ్యాయి. ఇందులో రణబీర్‌తో పాటు తన తల్లి నీతూ కపూర్ కూడా ఉన్నారు. ప్రస్తుతం రణబీర్, ఆలియా.. తమ కూతురు రాహా కపూర్‌తో కలిసి బాండ్రాలోని వాస్తు అనే అపార్ట్‌మెంట్‌లో ఉంటున్నారు. రెండేళ్ల క్రితం పెళ్లి చేసుకున్న వీరిద్దరూ పెళ్లి తర్వాతే ఎక్కువ బిజీ అయ్యారు. అంతే కాకుండా వివాహం తర్వాతే రణబీర్, ఆలియా ఎక్కువ సక్సెస్ చూస్తున్నారు.
ఇద్దరూ బిజీ..
సినిమాల విషయానికొస్తే.. రణబీర్ కపూర్ చివరిగా ‘యానిమల్’ చిత్రంలో కనిపించి బాక్సాఫీస్ రికార్డులు బ్రేక్ చేశాడు. సందీప్ రెడ్డి వంగా దర్శకత్వంలో తెరకెక్కిన ఈ మూవీ ప్రపంచవ్యాప్తంగా వేల కోట్లలో కలెక్షన్స్ సాధించింది. ఈ సినిమాపై ఎన్నో విమర్శలు వచ్చినా కూడా కలెక్షన్స్ విషయంలో తన సత్తా చాటి అన్ని విమర్శలకు చెక్ పెట్టింది. ప్రస్తుతం రణబీర్.. భారీ బడ్జెట్‌తో తెరకెక్కుతున్న ‘రామాయణ్’లో రాముడి పాత్రలో నటించడానికి సిద్ధమయ్యాడు. ఆలియా విషయానికొస్తే.. తను హీరోయిన్‌గా మాత్రమే కాకుండా నిర్మాతగా కూడా బిజీ అయ్యింది. ప్రస్తుతం ఆలియా.. సంజయ్ లీలా భన్సాలీ దర్శకత్వంలో ‘లవ్ అండ్ వార్’ మూవీ చేయడానికి సిద్ధమయ్యింది.
టాప్ హెడ్ లైన్స్
ట్రెండింగ్ వార్తలు
