Game Changer Movie: వామ్మో, శంకర్ ప్లాన్ మామూలుగా లేదుగా, ‘గేమ్ ఛేంజర్’లో కనీవినీ ఎరుగని ఫైట్ సీన్

మెగా పవర్ స్టార్ రామ్ చరణ్, దర్శకుడు శంకర్ కలసి ఓ భారీ ప్రాజెక్టు చేస్తున్నారు. ‘గేమ్ ఛేంజర్’ పేరుతో ఈ సినిమా రూపొందుతోంది. చెర్రీ కెరీర్ లో 15వ చిత్రంగా తెరకెక్కుతోంది.  రీసెంట్ గా రామ్ చరణ్ పుట్టిన రోజు సందర్భంగా టైటిల్ అనౌన్స్ చేస్తారని మేకర్స్. ఈ టైటిల్ చాలా బాగుందంటూ మెగా అభిమానులతో పాటు, సినీ లవర్స్ కూడా సోషల్ మీడియాలో పోస్టులు పెట్టారు.  అటు శంకర్ సైతం ఈ సినిమాను ప్రతిష్టాత్మకంగా రూపొందిస్తున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Ram Charan (@alwaysramcharan)

ఏప్రిల్ 24 నుంచి క్లైమాక్స్ ఫైట్ షూటింగ్!

శంకర్ ఇటీవలే కమల్ హాసన్ చిత్రం ‘ఇండియన్ 2’కు సంబంధించి సౌత్ ఆఫ్రికాలో కీలక షెడ్యూల్ ను పూర్తి చేశారు. ప్రస్తుతం ఈ స్టార్ డైరెక్టర్ చెర్రీ, కియారా అద్వానీ కలిసి నటిస్తున్న ‘గేమ్ ఛేంజర్’పై ఫోకస్ పెట్టారు. సినీ పరిశ్రమ నుంచి అందుతున్న సమచారం ప్రకారం శంకర్ ‘గేమ్ ఛేంజర్’ సినిమాకు సంబంధించి క్లైమాక్స్ ను భారీ స్థాయిలో రూపొందిస్తున్నారట. ఈ క్లైమాక్స్ ఫైట్‌ను ఏప్రిల్ 24 నుంచి మొదలుపెట్టనున్నట్లు తెలుస్తోంది. ఈ గ్రాండ్ యాక్షన్ సీక్వెన్స్‌లో రామ్ చరణ్ ఏకంగా 1,000 మంది ఫైటర్స్‌ తో గొడవ పడనున్నట్లు తెలుస్తోంది. ‘KGF’ అన్బరీవ్ ఈ యాక్షన్ కొరియోగ్రఫీని పర్యవేక్షించనున్నారు. క్లైమాక్స్‌ చిత్రీకరణ కోసం శంషాబాద్‌ సమీపంలో ప్రత్యేక సెట్‌ వేశారు. ఈ షెడ్యూల్ మే 5 వరకు ఉంటుందని సమాచారం. ‘గేమ్ ఛేంజర్‌’ సినిమాలోని ఇతర ముఖ్య నటులు ఎస్‌జె సూర్య, నవీన్ చంద్ర,  జయరామ్ కూడా ఈ షెడ్యూల్‌లో పాల్గొంటారు. ఇక ఈ మూవీలో కియార అద్వానీ హీరోయిన్ గా నటిస్తోంది. థమన్ సంగీతం అందిస్తున్నారు. దిల్ రాజు భారీ బడ్జెట్ లో మూవీ ను నిర్మిస్తున్నారు.

సానా బుచ్చిబాబు దర్శకత్వంలో చెర్రీ సినిమా

మెగా పవర్ స్టార్ రామ్ చరణ్ 'గేమ్ చేంజర్' తర్వాత 'ఉప్పెన' ఫేమ్ సానా బుచ్చిబాబు దర్శకత్వంలో సినిమా చిత్రీకరణ మొదలు పెట్టనున్నారు. ఆ సినిమా సంగీత దర్శకుడిగా ఆస్కార్ పురస్కార గ్రహీత ఏఆర్ రెహమాన్ పేరు వినబడుతోంది. ఈ  సినిమా షూటింగ్ సెప్టెంబర్ నెలలో స్టార్ట్ అవుతుందని రామ్ చరణ్ గతంలో తెలిపారు. ఇందులో తనది పాత్ బ్రేకింగ్ క్యారెక్టర్ అన్నారు. 'రంగస్థలం' కంటే బెటర్ సబ్జెక్ట్ అండ్ క్యారెక్టర్ అని ఇండియా కాన్‌క్లేవ్‌లో రామ్ చరణ్ తెలిపారు. రామ్ చరణ్ - సానా బుచ్చి బాబు సినిమాతో సతీష్ కిలారు నిర్మాతగా పరిచయం అవుతున్నారు. ప్రముఖ నిర్మాణ సంస్థ మైత్రీ మూవీ మేక‌ర్స్ స‌గ‌ర్వ సమర్పణలో ఆయనకు చెందిన వృద్ధి సినిమాస్‌, సుకుమార్ రైటింగ్స్ పతాకాలపై నిర్మిస్తున్నారు.

Read Also: ఫైట్ సీన్స్‌లో సల్మాన్ నన్ను కొట్టనన్నారు - అందుకే జుట్టుకు రంగేసుకున్నా: జగపతిబాబు