RC16 Movie: రామ్ చరణ్ - బుచ్చిబాబు సానా సినిమాకు కాస్ట్యూమ్ డిజైనర్‌గా తమిళియన్ - ఆయన ఎవరో తెలుసా?

తమిళ సినిమా పరిశ్రమలో కాస్ట్యూమ్ డిజైనర్ గా మంచి గుర్తింపు తెచ్చుకున్న ఎగన్ ఏకాంబరం తొలిసారి తెలుగు సినిమాకు పనిచేయబోతున్నారు. రామ్ చరణ్, బుచ్చిబాబు సినిమాతో టాలీవుడ్ లోకి ఎంట్రీ ఇస్తున్నారు.

రామ్ చరణ్, బుచ్చిబాబు సానా సినిమాకు కాస్ట్యూమ్ డిజైనర్ గా ఎగన్ ఏకాంబరం

Source : Aegan Ekambaram/Instagram

Ram Charan And Buchibabu Saana Movie ‘RC16’: ఎగన్ ఏకాంబరం... తెలుగు సినిమా అభిమానులకు పెద్దగా పరిచయం లేకపోయినా, తమిళ ఇండస్ట్రీలో అందరికీ సుపరిచితం. కోలీవుడ్ లో ఎన్నో బ్లాక్ బస్టర్ హిట్ చిత్రాలకు ఆయన కాస్ట్యూమ్ డిజైనర్ గా పని చేశారు. రీసెంట్ గా ‘తంగాలాన్‘ చిత్రానికి ఆయనే కాస్ట్యూమ్ డిజైనర్ గా వ్యవహరించారు. ఈ సినిమా కోసం రూపొందించిన దుస్తులు అందరినీ ఆకట్టుకున్నాయి. తమిళ పరిశ్రమలో మంచి గుర్తింపు తెచ్చుకున్న ఎగన్ ఏకాంబరం... తొలిసారి తెలుగు సినిమా కోసం పని చేయబోతున్నారు. ఈ విషయాన్ని స్వయంగా ఆయనే సోషల్ మీడియా వేదికగా వెల్లడించారు.

‘RC 16’కి పని చేయడం సంతోషంగా ఉంది- ఎగన్ ఏకాంబరం

దర్శకుడు బుచ్చిబాబు సాన, మెగా పవర్ స్టార్ రామ్ చరణ్ కాంబోలో తెరకెక్కనున్న ‘RC16’ సినిమాకు కాస్ట్యూమ్ డిజైనర్ గా చేస్తున్నట్లు ఏకాంబరం వెల్లడించారు. “తొలిసారి తెలుగు సినిమా కోసం పని చేస్తున్నారు. టాలీవుడ్ లో పని చేయాలని చాలా కాలంగా ఎదురు చూస్తున్నాను. ఇన్నాళ్లకు ఆ కోరిక నెరవేరింది. ప్రస్తుతం ఈ సినిమా పనులు కొసాగుతున్నాయి. ఇంత అద్భుతమైన అవకాశాన్ని అందించిన దర్శకుడు బుచ్చిబాబు సానకు ధన్యవాదాలు. టాలీవుడ్ స్టార్ హీరో రామ్ చరణ్ తో కలిసి పని చేసే అవకాశం రావడం పట్ల సంతోషంగా ఉంది. ఇంత కాలం తమిళం సంప్రదాయాల గురించి మాత్రమే పట్టించుకున్న నేను, ఇప్పుడు తెలుగువారి సంప్రదాయాలు వస్త్రధారణ గురించి తెలుసుకునే అవకాశం కలిగింది. ఇది నాకు మంచి ఛాన్సుగా భావిస్తున్నాను. ప్రాజెక్ట్ ‘RC16’ పని చేయడం మర్చిపోలేని అనుభూతిని మిగుల్చుతుందని భావిస్తున్నాను” అని తన ఇన్ స్టా వేదికగా రాసుకొచ్చారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Aegan Ekambaram (@ekambaramaegan)

స్పోర్ట్స్‌ బ్యాక్‌ డ్రాప్‌ లో తెరకెక్కనున్న ‘RC 16’

బుచ్చిబాబు, రామ్ చరణ్ కాంబోలో రాబోతున్న ‘RC 16’కు సంబంధించి ప్రస్తుతం ప్రీ ప్రొడక్షన్ పనులు జరుగుతున్నాయి. ఈ సినిమాను బుచ్చిబాబు స్పోర్ట్స్‌ బ్యాక్‌ డ్రాప్‌ లో తెరకెక్కించనున్నట్లు తెలుస్తోంది. ప్రముఖ నిర్మాణ సంస్థ మైత్రీ మూవీ మేకర్స్‌ ఈ మూవీని ప్రతిష్టాత్మకంగా నిర్మిస్తోంది. ఆస్కార్ విన్నింగ్ మ్యూజిక్ డైరెక్టర్ ఏఆర్‌ రెహమాన్ సంగీతం అందిస్తున్నారు. ఈ మూవీలో రామ్‌ చరణ్‌  సరసన జాన్వీ కపూర్‌ హీరోయిన్ గా నటిస్తోంది.

‘గేమ్ ఛేంజర్’ బిజీలో రామ్ చరణ్

ప్రస్తుతం రామ్ చరణ్ ‘గేమ్‌ ఛేంజర్‌’ సినిమా షూటింగ్ లో బిజీగా ఉన్నారు. తమిళ స్టార్ డైరెక్టర్ శంకర్‌ ఈ సినిమాను ప్రతిష్టాత్మకంగా తెరకెక్కిస్తున్నారు. పొలిటికల్‌ యాక్షన్ థ్రిల్లర్‌ గా ఈ మూవీ రూపొందుతోంది. ప్రముఖ నిర్మాత దిల్ రాజు ఈ సినిమాను భరీ బడ్జెట్ తో నిర్మిస్తున్నారు. ఈ మూవీ డిసెంబర్ లో ప్రేక్షకుల ముందుకు వచ్చే అవకాశం ఉంది.