Rakasa Collection : రాకాస సూపర్ కలెక్షన్స్ - ఫస్ట్ వీకెండ్ అదరగొట్టేసిందిగా...

Rakasa Box Office : లేటెస్ట్ హారర్ కామెడీ రాకాస బాక్సాఫీస్ వద్ద దూసుకెళ్తోంది. ఫస్ట్ వీకెండ్ సూపర్ కలెక్షన్స్‌తో మూడు రోజుల్లోనే రూ.15 కోట్ల క్లబ్‌లో చేరింది.

రాకాస ఫస్ట్ వీకెండ్ కలెక్షన్స్

Source : https://www.instagram.com/p/DWsvuG0EeYM/

Sangeeth Sobhan's Rakasa Box Office First Weekend Collection : యంగ్ హీరో సంగీత్ శోభన్, నయన్ సారిక జంటగా నటించిన రీసెంట్ హారర్ కామెడీ రాకాస బాక్సాఫీస్ వద్ద ఫస్ట్ వీకెండ్ అదరగొట్టింది. పాజిటివ్ టాక్‌తో దూసుకెళ్తోన్న మూవీ 3 రోజుల్లోనే 15 కోట్ల క్లబ్‌లో చేరిపోయింది.

వీకెండ్ కలెక్షన్స్ ఎంతంటే?

ఈ మూవీ శుక్రవారం ప్రేక్షకుల ముందుకు రాగా మూడు రోజుల్లోనే వరల్డ్ వైడ్‌గా రూ.15.80 కోట్ల గ్రాస్ కలెక్షన్స్ సాధించింది. ఈ మేరకు మూవీ టీం అఫీషియల్‌గా అనౌన్స్‌ చేసింది. ప్రీయియర్లతో పాటు మంచి ఓపెనింగ్స్ సాధించిన మూవీ అదే జోష్ కంటిన్యూ చేస్తోంది. ఫస్ట్ డే రూ.5.6 కోట్లు కలెక్ట్ చేయగా.. రెండో రోజు రూ.4.7 కోట్ల గ్రాస్ కలెక్ట్ చేసింది.

ఇక మూడో రోజు రూ.5.5 కోట్ల గ్రాస్ కలెక్షన్స్ సాధించింది. ఇండియావ్యాప్తంగా రూ.7.92 కోట్ల నెట్ కలెక్షన్స్ సాధించినట్లు సమచారం. అటు ఓవర్సీస్‌లోనూ $284K (దాదాపు రూ.2.64 కోట్లు) కలెక్షన్స్‌తో సత్తా చాటింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Pinkelephantpictures (@pinkelephantpictures)

 

 

 

 

 

View this post on Instagram

 

 

 

 

 

 

 

 

 

 

 

A post shared by @atharvanabhadrakalipictures

ఈ మూవీకి మానస శర్మ దర్శకత్వం వహించగా... సంగీత్, నయన్‌లతో పాటు గెటప్ శ్రీను, వెన్నెల కిశోర్, తనికెళ్ల భరణి, బ్రహ్మాజీ, అన్నపూర్ణ, అమన్, అనూప్ సింగ్ ఠాకూర్, జబర్దస్త్ ఫేం రోహిణి, వాసు ఇంటూరి, నైంటీస్ ఫేం రోహన్ తదితరులు కీలకపాత్రలు పోషించారు. జీ స్టూడియోస్ సమర్పణలో పింక్ ఎలిఫెంట్ పిక్చర్స్ బ్యానర్‌పై ఉమేష్  కుమార్ బన్సల్‌తో కలిసి నిహారిక కొణిదెల నిర్మించారు.

స్టోరీ ఏంటంటే?

అనగనగా ఓ ఊరి కోటలో రాక్షసుడు. వందేళ్లకోసారి నిద్ర లేస్తాడు. రాక్షసుడి నుంచి మూడు హెచ్చరిక వచ్చిన తర్వాత గ్రామస్థులంతా కలిసి ఓ వ్యక్తిని సెలక్ట్ చేసి కోటలోకి రాక్షసుడికి ఆహారంగా పంపుతారు. అలా చేయకుంటే ఊరు నాశనం అవుతుందని గ్రామస్థుల నమ్మకం. మరోవైపు, వీరబాబు అలియాస్ వీరు (సంగీత్ శోభన్) తన లవర్ కోసం అమెరికా నుంచి ఊరికి వస్తాడు. అయితే, అప్పటికే ఆమె పెళ్లి ఫిక్స్ అయ్యిందని తెలిసి తన ఫ్రెండ్ బాలు (గెటప్ శ్రీను)తో కలిసి అది చెడగొట్టేందుకు ప్లాన్ చేస్తుంటాడు.

అలా తన చిన్న నాటి ఫ్రెండ్ సుబ్బలక్ష్మి (నయన్ సారిక)లను కలుస్తాడు. వీరి మధ్య ప్రేమ చిగురిస్తుంది. అయితే, ఊహించని విధంగా కోటలో రాక్షసునికి ఆహారంగా వీరును ఎంపిక చేస్తారు గ్రామస్థులు. ఆ తర్వాత ఏం జరిగింది? తమ ఫ్రెండ్‌ను కాపాడుకునేందుకు బాలు, సుబ్బలక్ష్మి ఏం చేశారు? అసలు వీరూ ఆ రాక్షసుడి బారి నుంచి ఎలా బయటపడ్డాడు? అనేది తెలియాలంటే మూవీ చూడాల్సిందే.

మరిన్ని చదవండి

ఆ ఓటీటీలోకి ప్రదీప్ రంగనాథన్ LIK - ఎప్పుడు స్ట్రీమింగ్ కావొచ్చంటే?