Pushpa 2 Censor Review: పుష్ప 2 సెన్సార్ బోర్డు రివ్యూ... అల్లు అర్జున్ సినిమాలో హైలైట్స్ ఏంటో తెలుసా?

Pushpa 3 Is Confirmed or Not?: 'పుష్ప 2' సెన్సార్ పూర్తి అయ్యింది. మరి, బోర్డు మెంబర్స్ ఇచ్చిన రివ్యూ, ఇంకా ల్యాబ్ రిపోర్ట్ ఏంటి? 'పుష్ప 3' ఉందా? లేదా? అనే వివరాలు తెలుసుకోండి.

'పుష్ప 2'లో అల్లు అర్జున్

Source : https://www.youtube.com/watch?v=g3JUbgOHgdw

Pushpa 2 Censor Report: 'పుష్ప 2' సెన్సార్ రివ్యూ వచ్చేసింది. ఐకాన్ స్టార్ అల్లు అర్జున్ సినిమాకు సెన్సార్ బోర్డు నుంచి వచ్చిన రిపోర్ట్ ఎలా ఉంది? సినిమాలో హైలైట్స్ ఏం ఉన్నాయి? అనేది చూస్తే... 

జపాన్ ఎపిసోడ్‌తో 'పుష్ప 2' మొదలు!
'పుష్ప: ది రైజ్' ప్రారంభం గుర్తుందా? టైటిల్ కార్డుల్లో జపాన్ ప్రస్తావన ఉంటుంది. ఈ సారి జపాన్ ఎపిసోడ్‌తో 'పుష్ప 2: ది రూల్'ను ప్రారంభించారని సెన్సార్ రిపోర్ట్ ద్వారా తెలుస్తోంది. నవంబర్ 28న (గురువారం) 'పుష్ప 2' సెన్సార్ పూర్తి అయ్యింది. యు/ఎ సర్టిఫికెట్ వచ్చింది. దాంతో సినిమా నిడివి 3 గంట‌ల 20 నిమిషాలు అనేది కూడా కన్ఫర్మ్ అయ్యింది.

ఆల్మోస్ట్ అరగంట జాత‌ర ఎపిసోడ్... కేక!
'పుష్ప: ది రూల్'లో జాతర ఎపిసోడ్ గురించి ముందు నుంచి యూనిట్ వర్గాలు చాలా గొప్పగా చెబుతున్నాయి. సెన్సార్ సభ్యులు సైతం ఆ ఎపిసోడ్ సూపర్ ఉందని చెప్పినట్టు సమాచారం. ఆల్మోస్ట్ 25 నిమిషాల నుంచి అరగంట పాటు సాగే ఆ ఎపిసోడ్ సినిమా మొత్తానికి హైలైట్ అవుతుందట. ప్రేక్షకులు పెట్టిన టికెట్ డబ్బులకు ఆ జాత‌ర ఎపిసోడ్ పైసా వ‌సూల్ అనిపిస్తుందట.

క్లైమాక్స్‌లో మాస్ అప్పీల్... మరి ఫ్యామిలీలకు?
మాస్ అప్పీల్‌తో సాగిన‌ 'పుష్ప 2' క్లైమాక్స్ ఫైట్‌ ఆడియన్స్ అందరికీ అడ్రినల్ రష్ ఇస్తుందని, ఆ యాక్షన్ సీక్వెన్సులో విలన్ కాళ్లూ చేతులు హీరో నరికే సన్నివేశాలు ఉంటాయని తెలిసింది. అక్కడ రక్తపాతం బి, సి సెంటర్ ప్రేక్షకులకు - నార్త్ ఇండియాలో ఉత్తరప్రదేశ్, బీహార్ వంటి ప్రాంతాల్లో మాస్ జనాలను బాగా నచ్చే అవకాశం ఉందని చెబుతున్నారు.

'పుష్ప 2'లో యాక్షన్ డోస్ ఎక్కువ ఉన్నప్పటికీ... అల్లు అర్జున్, రష్మిక మధ్య సీన్లు కుటుంబ ప్రేక్షకులకు నచ్చేలా సుకుమార్ తీశారట. పుష్పరాజ్ - శ్రీ‌వ‌ల్లి మ‌ధ్య ఎమోష‌నల్ బాండింగ్ - ఆ సీన్లు కుటుంబ ప్రేక్ష‌కుల్ని థియేట‌ర్ల‌కు ర‌ప్పించ‌డం ఖాయంగా క‌నిపిస్తోందని అంటున్నారు. 

పుష్ప 3 ఉందని చెప్పారు! కానీ... నో విజువల్స్!
'పుష్ప 1: ది రైజ్'ను మించి 'పుష్ప 2: ది రూల్' ఘన విజ‌యాన్ని సాధిస్తుంద‌ని ఆల్రెడీ సినిమా చూసిన జనాలు చెబుతున్నారట. అంతే కాదు... 'పుష్ప 2'కు సీక్వెల్ కూడా ఉందట. 'పుష్ప 2: ది రూల్' ఎండింగ్ తర్వాత 'పుష్ప 3' గురించి చెప్పారట. జస్ట్ టైటిల్ కార్డు మాత్రమే వేసి ఊరుకున్నారట. అప్పుడు వీడియో గ్లింప్స్ లేదా విజువల్స్ వంటివి ఏమీ లేవట.

డిసెంబర్ 4న అమెరికాలో, డిసెంబర్ 5న ఇండియాలో థియేటర్లలోకి వస్తున్న ఈ సినిమాలో రష్మిక హీరోయిన్. ఇందులో మలయాళ స్టార్ ఫహాద్ ఫాజిల్, కన్నడ స్టార్ డాలీ ధనుంజయ, టాలీవుడ్ సీనియర్ స్టార్ జగపతి బాబు, ఇంకా సునీల్, అనసూయ భరద్వాజ్, జగదీశ్ ప్రతాప్ బండారి తదితరులు నటించారు. ఈ సినిమాకు దేవి శ్రీ ప్రసాద్ స్వరకర్త.