Project K Title : ప్రభాస్, దీపిక సినిమా టైటిల్ 'కాలచక్రం'- కె మీనింగ్ అదేనా?

Project K Movie Title announcement : ప్రభాస్ హీరోగా నాగ్ అశ్విన్ హీరోగా తెరకెక్కిస్తున్న 'ప్రాజెక్ట్ కె' టైటిల్ ఈ నెల 21న అనౌన్స్ చేయనున్నారు. అయితే... 'కె' అంటే కాలచక్రం అని టాక్.   

'ప్రాజెక్ట్ కె' టైటిల్, ప్రభాస్

పాన్ ఇండియా రెబల్ స్టార్ ప్రభాస్ (Prabhas) హీరోగా తెరకెక్కుతున్న సైన్స్ ఫిక్షన్ ఫిల్మ్ (Project K Movie). ఇందులో 'కె' అంటే ఏమిటి? ఆ పదానికి అర్థం ఏమిటి? తెలుసుకోవాలని ప్రభాస్ అభిమానులతో పాటు ప్రేక్షకులు చాలా ఆసక్తిగా ఎదురు చూస్తున్నారు. భారతీయ కాలమానం ప్రకారం ఈ నెల 21న ఉదయం ఒంటి గంట నుంచి రెండున్నర గంటల మధ్యలో అనౌన్స్ చేయనున్నారు. అయితే... టైటిల్ లీక్ అయినట్లు తెలుస్తోంది. 

కె అంటే కాలచక్రం?
Project K Title : 'ప్రాజెక్ట్ కె'లో కె... అంటే 'కాలచక్రం' (KaalChakra) అని జోరుగా హుషారుగా ప్రచారం జరుగుతోంది. టైమ్ ట్రావెల్ నేపథ్యంలో తెరకెక్కుతోన్న సినిమా కనుక ఆ టైటిల్ అయితే బావుంటుందని ఫిక్స్ అయ్యారట. 

కాలంలో వెనక్కి వెళ్లడం, ముందుకు రావడం వంటి అంశాల నేపథ్యంలో 'ప్రాజెక్ట్ కె' సినిమా రూపొందుతోంది. కృష్ణుడి చేతిలో సుదర్శన చక్రం ఉంటుంది. మరి, ఈ కాలచక్రం చేసే మాయ ఏమిటో? వెండితెరపై చూడాలి. సృష్టిలో విధ్వంస శక్తులను కథానాయకుడు ఎదుర్కోవడంలో కాలచక్రం పాత్ర ఏమిటి? అనేది ప్రస్తుతానికి సస్పెన్స్. కె అంటే కాలచక్రమా? కదా? అనేది మరో ఆరు రోజుల్లో తెలుస్తుంది. 

Project K Means : 'ప్రాజెక్ట్ కె' చిత్రానికి 'మహానటి' ఫేమ్ నాగ్ అశ్విన్ దర్శకత్వం వహిస్తున్నారు. ఇందులో ప్రభాస్ జోడీగా దీపికా పదుకోన్ నటిస్తున్నారు. ప్రస్తుతం ఆమె హైదరాబాద్ సిటీలో ఉన్నారు. షూటింగ్ చేస్తున్నారు.  జూలై 19 నుంచి అమెరికాలోని శాన్ డియాగోలో జరిగే కామిక్ కాన్ వేడుకల్లో 'ప్రాజెక్ట్ కె' టైటిల్, ఇంకా గ్లింప్స్ విడుదల చేయడానికి సన్నాహాలు చేశారు. జూలై 20న టైటిల్ ఏమిటో వెల్లడించనున్నారు. ఇండియన్ టైమింగ్ ప్రకారం జూలై 21న టైటిల్ రిలీజ్. ఆ కార్యక్రమం కోసం ప్రభాస్‌, దీపికా పదుకోన్ సహా చిత్ర బృందంలో కీలక సభ్యులు పాల్గొంటారు. అందుకోసమే ఈ షెడ్యూల్ వారంలో ఎండ్ చేయనున్నారు. ఆల్రెడీ 'ప్రాజెక్ట్ కె' టీ షర్టులు అందుబాటులోకి వచ్చాయి. వాటితో అమితాబ్, ఇంకా అభిమానులు హల్ చల్ చేస్తున్నారు. 

'ప్రాజెక్ట్ కె'లో ఇండియన్ ఫిల్మ్ ఇండస్ట్రీ లెజెండ్స్‌లో ఒకరైన అమితాబ్ బచ్చన్ ఓ ప్రధాన పాత్ర చేస్తున్నారు. ఇటీవల లోక నాయకుడు కమల్ హాసన్ కూడా ఈ సినిమాలో నటిస్తున్నట్లు వెల్లడించారు. 'ప్రాజెక్ట్ కె'లో ప్రభాస్ (Prabhas)కు ధీటైన ప్రతినాయకుడిగా కమల్ హాసన్ (Kamal Haasan) నటించనున్నారని కొన్ని రోజులుగా వినపడుతోంది. విలన్ అని చిత్ర బృందం చెప్పలేదు గానీ సినిమాలో కమల్ ఉన్నారని కన్ఫర్మ్ చేసింది. దాంతో ఆయన పాత్ర ఎలా ఉంటుంది? ప్రభాస్, కమల్ మధ్య సన్నివేశాలు ఎలా ఉండబోతున్నాయి? అని ప్రేక్షకులు ఆలోచించడం మొదలు పెట్టారు.

ఈ సినిమాలో దిశా పటానీ కూడా కీలక పాత్రలో నటిస్తున్నారు. వైజయంతి మూవీస్ పతాకంపై ప్రముఖ నిర్మాత సి. అశ్వనీ దత్ నిర్మిస్తున్నారు. సంతోష్ నారాయణన్ సంగీతం అందిస్తున్నారు. వచ్చే ఏడాది సంక్రాంతికి కానుకగా జనవరి 12న సినిమా విడుదల చేయనున్నారు.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial