Actress Priyamani : కాస్ట్లీ కార్ కొన్న ప్రియమణి - కాస్ట్ ఎంతో తెలిస్తే షాక్ అవ్వాల్సిందే!

Priyamani : సీనియర్ నటి ప్రియమణి ఓ లగ్జరీ కారు కొనుగోలు చేసింది. అందుకు సంబంధించిన ఫోటోలు నెట్టింట వైరల్ అవుతున్నాయి.

కొత్త కారుతో ప్రియమణి ఫ్యామిలీ(Image Credit : Mercedes-Benz Auto Hangar India Pvt Ltd/Instagram)

Actress Priyamani Owns a Costly Car: సౌత్ సీనియర్ నటి ప్రియమణి ప్రస్తుతం చేతి నిండా ఆఫర్లతో బిజీ బిజీగా గడుపుతోంది. హీరోయిన్ గా కెరీర్ ముగిసింది అనుకుంటున్న సమయంలో 'ఫ్యామిలీ మ్యాన్' వెబ్ సిరీస్ ఆమెకి మంచి బూస్ట్ ఇచ్చింది. దాంతో సెకెండ్ ఇన్నింగ్స్ స్టార్ట్ చేసి వరుస అవకాశాలతో దూసుకుపోతోంది. ఓవైపు సినిమాలు మరోవైపు వెబ్ సిరీస్‌లు అంటూ క్షణం తీరిక లేకుండా గడుపుతోంది.

ఓవైపు అగ్ర హీరోల సినిమాల్లో కీలక పాత్రల్లో నటిస్తున్న ఈమె మరోవైపు లీడ్ రోల్స్‌లో వెబ్ సిరీస్‌లు కూడా చేస్తోంది. గత ఏడాది షారుఖ్ ఖాన్ లాంటి స్టార్ హీరోతో కలిసి 'జవాన్' సినిమాలో కీ రోల్ ప్లే చేసిన విషయం తెలిసిందే. ప్రస్తుతం సౌత్ తో పాటు నార్త్ లోనూ భారీ ఆఫర్స్ అందుకుంటోంది. ఇలా వరుస సినిమాలు చేస్తూ భారీ రెమ్యునరేషన్ అందుకుంటూ ఇండస్ట్రీలో బిజీయేస్ట్ హీరోయిన్ గా దూసుకుపోతున్న ప్రియమణి తాజాగా ఓ లగ్జరీయస్ కాస్ట్లీ కారుని కొనుగోలు చేసింది. అందుకు సంబంధించిన ఫోటోలు నెట్టింట వైరల్ అవుతున్నాయి.

మెర్సిడెస్ బెంజ్ కార్ కొన్న ప్రియమణి.. కాస్ట్ ఎంతంటే?

ప్రియమణి తాజాగా ఓ కాస్ట్లీ కార్  కొనుగోలు చేసింది. ఆమె కొన్న కారు పేరు 'మెర్సిడెజ్ బెంజ్ GLC'. అత్యాధునిక ఫీచర్స్ కలిగిన ఈ కారు ధర సుమారు రూ. 74 లక్షల వరకు ఉంది. కొత్త కారు కొన్న సంతోషంలో ఫ్యామిలీ మెంబర్స్ తో కలిసి కార్ షోరూమ్ లోనే కేక్ కట్ చేసింది. ఆ తర్వాత కొత్త కారుతో ఫోటోలు దిగింది. ఈ ఫోటోలను సదరు కారు సంస్థ వాళ్ళు సోషల్ మీడియాలో పోస్ట్ చేశారు. ప్రియమణి కొత్త కార్ కి సంబంధించిన ఫోటోలు నెట్టింట వైరల్ అవుతున్నాయి. కాగా ఇప్పటికే ప్రియమణికి పలు లగ్జరీ కార్లు ఉన్నట్లు తెలుస్తోంది. ఇలాంటి లేటెస్ట్ ఫ్యూచర్స్ తో కలిగిన కాస్ట్లీ కార్స్ ని కొనడం ప్రియమణికి కొత్తేమి కాదు.

ఓటీటీలో మంచి రెస్పాన్స్ అందుకున్న 'భామా కలాపం 2'

2022 సంవత్సరంలో విడుదలైన 'భామాకలాపం' చిత్రం ఓటీటీలో విడుదలై ఎంత పెద్ద సక్సెస్ అయిందో అందరికీ తెలిసిందే. దానికి కొనసాగింపుగా 'భామా కలాపం 2' సినిమాను ఇటీవలే ఓటీటీలో రిలీజ్ చేశారు. ఫిబ్రవరి 16 నుంచి ఈ మూవీ నేరుగా ఆహాలో ఓటీటీలో స్ట్రీమింగ్ అవుతోంది. రిలీజ్ అయిన 24 గంటల్లోనే సినిమాకు భారీ స్థాయిలో వ్యూస్ వచ్చాయి. తాజాగా ఈ సినిమా 100 మిలియన్ స్ట్రీమింగ్ నిమిషాలు దాటేసిందని 'ఆహా' ఓటీటీ సంస్థ అధికారికంగా ప్రకటించింది. స్ట్రీమింగ్‌కు వచ్చిన వారంలోనే 'భామాకలాపం 2' వంద మిలియన్ స్ట్రీమింగ్ వ్యూస్ ని క్రాస్ చేసినట్లు 'ఆహా' తెలిపింది. కాగా 'భామాకలాపం 2'కి కొనసాగింపుగా 'భామాకలాపం 3' కూడా రానుందని మూవీ ఎండింగ్‌లో చూపించారు. అంతేకాదు మొదటి రెండు భాగాల్లో హౌస్ వైఫ్ గా అలరించిన ప్రియమణి పార్ట్-3 లో సీక్రెట్ రా ఏజెంట్ గా కనిపించనుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Mercedes-Benz Auto Hangar India Pvt Ltd (@autohangar)