Prabhas: విరాళం ఇవ్వడంలోనూ ప్రభాస్ బాహుబలే... అల్లు అర్జున్ కూడా - ఈ హీరోలు ఏపీ, తెలంగాణకు ఎన్నేసి కోట్లు ఇచ్చారంటే?
AP Floods 2024: ఆన్ స్క్రీన్ మాత్రమే కాదు, ఆఫ్ స్క్రీన్ కూడా తాను బాహుబలి అని మరోసారి తన చర్యల ద్వారా చెప్పారు. ఏపీ, తెలంగాణలో వరద ప్రభావిత ప్రాంతాల్లో సహాయక చర్యలకు ఆయన ఎన్ని కోట్లు ఇచ్చారో తెలుసా?
రెబల్ స్టార్ ప్రభాస్ ఆన్ స్క్రీన్ మాత్రమే కాదు... ఆఫ్ స్క్రీన్ కూడా బాహుబలి. ఈ పాన్ ఇండియా స్టార్ హీరో మనసు నిజ జీవితంలోనూ 'బాహుబలి' అంత పెద్దది. ఈ రోజు తెలుగు రాష్ట్రాల్లో భారీ వర్షాలు, వరద ప్రభావిత ప్రాంతాల్లో రెండు రాష్టాల ప్రభుత్వాలు భారీ ఎత్తున చేపడుతున్న సహాయక చర్యలకు ఆయన విరాళం ప్రకటించారు.
రెండు కోట్లు ఇచ్చిన ప్రభాస్...
ఐదు కోట్లు ఇచ్చారనేది ఫేక్!
ఏపీ, తెలంగాణ ముఖ్యమంత్రి సహాయ నిధికి ప్రభాస్ ఐదు కోట్లకు ఇచ్చారని, ఇరు ప్రభుత్వాలకు రెండేసి కోట్లు చొప్పున సాయం అందించారని బుధవారం ఉదయం నుంచి జోరుగా ప్రచారం జరిగింది. కొన్ని న్యూస్ ఛానళ్లు సైతం నిజానిజాలు ఏమిటి? అనేది నిర్ధారించుకోకుండా కథనాలు ప్రసారం చేశాయి. అయితే... అవన్నీ ఫేక్ న్యూస్ ప్రభాస్ టీమ్ వివరణ ఇచ్చింది. కాసేపటి తర్వాత ప్రభాస్ రెండు కోట్లు విరాళం ఇచ్చారనే విషయం వెల్లడించారు.
Darling #Prabhas announced 2 Crores to Telugu states. 👏👏
— Suresh PRO (@SureshPRO_) September 4, 2024
1 CR each to Telangana & Andhra Pradesh flood victims. 🙏#TeluguStatesFloods #AndhraPradesh #Telangana pic.twitter.com/VsvYIhpQP7
విరాళాలు వెల్లడిలో అల్లు అర్జున్ సైతం
ఐకాన్ స్టార్ అల్లు అర్జున్ సైతం బుధవారం తన విరాళం ఎంత అనేది అనౌన్స్ చేశారు. ఏపీ ముఖ్యమంత్రి సహాయ నిధికి రూ. 50 లక్షలు, తెలంగాణ ముఖ్యమంత్రి సహాయ నిధికి రూ. 50 లక్షలు ఇచ్చారు. మొత్తం మీద ఆయన విరాళం కోటి రూపాయలు.
I'm saddened by the loss and suffering caused by the devastating rains in Andhra Pradesh and Telangana. In these challenging times, I humbly donate ₹1 crore in total to the CM Relief Funds of both states to support the relief efforts. Praying for everyone's safety 🙏.…
— Allu Arjun (@alluarjun) September 4, 2024
టాలీవుడ్ హీరోల్లో హయ్యస్ట్ డొనేషన్!
తెలుగు చిత్ర పరిశ్రమ నుంచి మంగళవారం ఉదయం నుంచి విరాళాల వెల్లువ మొదలైంది. తొలుత మ్యాన్ ఆఫ్ మాసెస్ ఎన్టీఆర్ కోటి ఇస్తున్నట్లు అనౌన్స్ చేశారు. ఆ తర్వాత విశ్వక్ సేన్, దర్శకుడు వెంకీ అట్లూరి చెరొక రూ. 10 లక్షల చొప్పున విరాళం వచ్చింది. త్రివిక్రమ్, చినబాబు, నాగవంశీ కలిసి రూ. 30 లక్షలు, సిద్ధూ జొన్నలగడ్డ రూ. 30 లక్షలు ఇచ్చారు.
గాడ్ ఆఫ్ మాసెస్ నందమూరి బాలకృష్ణ, సూపర్ స్టార్ మహేష్ బాబు, ఏపీ డిప్యూటీ సీఎం - పవర్ స్టార్ పవన్ కల్యాణ్ సైతం కోటి చొప్పున విరాళాలు ఇస్తున్నట్టు నిన్న (మంగళవారం) అనౌన్స్ చేశారు. హీరోయిన్ అనన్య నాగళ్ల రూ. 5 లక్షలు, యాంకర్ స్రవంతి చొక్కారపు రూ. లక్ష విరాళం ప్రకటించారు. టాలీవుడ్ ప్రముఖులు ఇచ్చిన విరాళాలు అన్నిటిలో హయ్యస్ట్ డొనేషన్ ప్రభాస్ దే.
టాప్ హెడ్ లైన్స్
ట్రెండింగ్ వార్తలు
