Hari Hara Veera Mallu: పవన్ ఫ్యాన్స్‌కు గుడ్ న్యూస్ - 'హరిహర వీరమల్లు'పై బిగ్ అప్ డేట్

Pawan Kalyan: పవర్ స్టార్ పవన్ కల్యాణ్ 'హరిహర వీరమల్లు'పై ఓ క్రేజీ న్యూస్ చక్కర్లు కొడుతోంది. ఆదివారం నుంచి ఈ మూవీ షూటింగ్‌లో పవన్ పాల్గొంటున్నారని.. వారం రోజుల్లోపే కంప్లీట్ చేస్తారని తెలుస్తోంది.

హరిహర వీరమల్లు నుంచి బిగ్ అప్డేట్

Source : https://x.com/KJagadeesh_JSP/

Pawan Kalyan Joined In Hari Hara Veera Mallu Shooting: పవర్ స్టార్ పవన్ కల్యాణ్ (Pawan Kalyan) మోస్ట్ అవెయిటెడ్ పీరియాడికల్ యాక్షన్ అడ్వెంచరస్ మూవీ 'హరిహర వీరమల్లు' (Hari Hara Veera Mallu). ఫ్యాన్స్‌తో పాటు ప్రపంచవ్యాప్తంగా మూవీ లవర్స్ ఈ సినిమా కోసం ఎంతో ఆసక్తిగా ఎదురుచూస్తున్నారు. ఇప్పటికే రిలీజ్ అయిన్ లుక్స్, గ్లింప్స్, సాంగ్స్ భారీ హైప్ క్రియేట్ చేశాయి. అయితే, ఈ మూవీ షూటింగ్ పెండింగ్ ఉండడంతో ఫ్యాన్స్‌లో కొంత నిరాశ నెలకొంది. ఈ క్రమంలో వారికి కిక్ ఇచ్చే న్యూస్ ఒకటి చక్కర్లు కొడుతోంది. 

షూటింగ్‌లో పవన్.. వారం రోజుల పాటు..

ఏపీ డిప్యూటీ సీఎంగా పవన్ కల్యాణ్ ప్రస్తుతం ప్రజా పాలనలో బిజీగా మారారు. ఈ క్రమంలో ఆయనపై చిత్రీకరించాల్సిన కీలక సన్నివేశాలు పెండింగ్‌లో పడ్డాయి. అయితే.. తాజా సమాచారం ప్రకారం పవన్ తాను చేయాల్సిన సినిమాలు త్వరగా పూర్తి చేయాలని భావిస్తున్నారట. ఇందులో భాగంగానే 'హరిహర వీరమల్లు' షూటింగ్ పూర్తి చేసేందుకు ఆయన నిర్ణయం తీసుకున్నట్లు తెలుస్తోంది.

ఆదివారం నుంచి పవన్ షూటింగ్‌లో పాల్గొంటున్నారనే టాక్ వినిపిస్తోంది. ఈ నెల 7 లేదా 8 వరకూ షూటింగ్ కంప్లీట్ చేయాలని మూవీ టీం ప్లాన్ చేస్తుందట. పవన్ షూటింగ్ పూర్తి కావడంతో పోస్ట్ ప్రొడక్షన్ పనులు పూర్తి చేసేందుకు మూవీ టీం రెడీ అవుతోంది. ఇక ఈ నెల 9న మూవీని ప్రేక్షకుల ముందుకు తీసుకొస్తామని ఇది వరకే టీం అధికారిక ప్రకటన ఇచ్చింది. మరి రిలీజ్ డేట్‌పైనా క్లారిటీ రావాల్సి ఉంది. పవన్ షూటింగ్ పూర్తై.. అన్నీ సక్రమంగా జరిగితే త్వరలోనే 'హరిహర వీరమల్లు' ప్రేక్షకుల ముందుకు రానుంది.

పీరియాడిక్ యాక్షన్ అడ్వెంచర్‌గా తెరకెక్కుతోన్న ఈ మూవీకి ప్రముఖ నిర్మాత ఏఎం రత్నం కుమారుడు జ్యోతికృష్ణ దర్శకత్వం వహిస్తున్నారు. పవన్ సరసన నిధి అగర్వాల్ హీరోయిన్‌గా నటిస్తున్నారు. బాబీ డియోల్, అనుపమ్ ఖేర్, నోరాహి ఫతేహి, విక్రమ్ జీత్, జిషుసేన్ గుప్తా, సునీల్, నాజర్, కబీర్ సింగ్, సుబ్బరాజు తదితరులు కీలక పాత్రలు పోషిస్తున్నారు. నిర్మాత ఏఎం రత్నం సమర్పణలో మెగా సూర్య ప్రొడక్షన్ బ్యానర్‌పై ఎ.దయాకర్‌రావు మూవీని నిర్మిస్తున్నారు. 

రెండు భాగాలుగా మూవీని తెరకెక్కిస్తుండగా.. ఫస్ట్ పార్ట్ 'స్వార్డ్ వర్సెస్ స్పిరిట్' పేరుతో రిలీజ్ చేయనున్నారు. మొదటి భాగాన్ని సగానికి పైగా క్రిష్ జాగర్లమూడి దర్శకత్వం వహించగా.. అనివార్య కారణాలతో ఆయన డైరెక్షన్ బాధ్యతల నుంచి తప్పుకొన్నారు. దీంతో మిగిలిన భాగంతో పాటు సెకండ్ పార్ట్‌ను జ్యోతికృష్ణ డైరెక్ట్ చేయనున్నారు. 

పవన్ డిప్యూటీ సీఎంగా పదవీ బాధ్యతలు స్వీకరించిన తర్వాత రిలీజ్ కాబోయే ఫస్ట్ మూవీ ఇదే కావడంతో భారీ క్రేజ్ నెలకొంది. హరిహర వీరమల్లుగా పవర్ ఫుల్ పాత్రలో ఆయన్ను చూసేందుకు ఫ్యాన్స్‌తో పాటు మూవీ లవర్స్ ఎంతో ఈగర్‌గా వెయిట్ చేస్తున్నారు.

మరిన్ని చదవండి

స్టైల్ స్టైల్‌గా ఐకాన్ స్టార్ - అట్లీ మూవీ కోసం ఎన్టీఆర్, మహేష్ బాబు ఫిట్‌నెస్ ట్రైనర్