Hari Hara Veera Mallu: 'హరిహర వీరమల్లు' నుంచి 'కొల్లగొట్టినాదిరో' సాంగ్ ప్రోమో రిలీజ్ - పవర్ స్టార్‌ ఫ్యాన్స్ మనసులు కొల్లగొట్టేస్తుందిగా..

Pawan Kalyan Movie: పవన్ 'హరిహర వీరమల్లు' నుంచి సెకండ్ సింగిల్ 'కొల్లగొట్టినాదిరో' సాంగ్ ప్రోమోను మేకర్స్ తాజాగా రిలీజ్ చేశారు. ఫుల్ సాంగ్‌ను ఈ నెల 24న రిలీజ్ చేయనున్నారు.

హరిహర వీరమల్లు నుంచి సాంగ్ ప్రోమో రిలీజ్

Source : Twitter (X)

Pawan Kalyan's Hari Hara Veera Mallu Movie Kollgottinadiro Song Promo: పవర్ స్టార్ పవన్ కల్యాణ్ (Pawan Kalyan) హీరోగా మోస్ట్ అవెయిటెడ్ యాక్షన్ అడ్వెంచర్ మూవీ 'హరిహర వీరమల్లు' (Hari Hara Veera Mallu). ఈ మూవీకి జ్యోతికృష్ణ దర్శకత్వం వహిస్తుండగా.. నిధి అగర్వాల్ హీరోయిన్‌గా నటిస్తున్నారు. చిత్రాన్ని 2 భాగాలుగా తెరకెక్కిస్తుండగా ఫస్ట్ పార్ట్‌ను 'స్వార్డ్ వర్సెస్ స్పిరిట్' పేరుతో ప్రేక్షకుల ముందుకు తీసుకువస్తున్నారు. ఆస్కార్ విన్నర్ ఎం.ఎం.కీరవాణి మూవీకి సంగీతం అందిస్తుండగా.. ఇప్పటికే విడుదలైన ఫస్ట్ సింగిల్ 'మాట వినాలి' పాటకు అద్భుతమైన రెస్పాన్స్ వచ్చింది. ఈ పాటను పవన్ కల్యాణ్ స్వయంగా పాడారు. ఈ మూవీ నుంచి సెకండ్ సింగిల్ 'కొల్లగొట్టినాదిరో' పాటను ఈ నెల 24న విడుదల చేస్తామని మేకర్స్ ఇప్పటికే ప్రకటించారు. తాజాగా.. ఆ సాంగ్ ప్రోమోను విడుదల చేసి ఫ్యాన్స్‌కు సర్ ప్రైజ్ ఇచ్చారు.

Get ready for a blast of mass beats and the ultimate swag of Powerstar @PawanKalyan! 🔥#HHVM 2nd Single song promo is out now ❤️‍🔥#Kollagottinadhiro - https://t.co/3O4MeCXMaE#UdaaKeLeGayi - https://t.co/ssk1LrWdH4#EmmanasaParichutta - https://t.co/d2hDkTTyRZ… pic.twitter.com/mY5tbHnMPo

— Hari Hara Veera Mallu (@HHVMFilm) February 21, 2025

'కొరకొర మీసాలతో.. కొదమ కొదమ అడుగులతో.. కొంటె కొంటె జనుగులతో..' అంటూ సాగే జానపద గీతం ప్రోమో ఆకట్టుకుంటోంది. మీసాలు తిప్పుతూ లిరిక్స్‌కు అనుగుణంగా పవన్ శ్వాగ్ చూసి ఫ్యాన్స్ ఫుల్ ఖుష్ అవుతున్నారు. ఫుల్ సాంగ్ కోసం వెయిటింగ్ అంటూ కామెంట్స్ చేస్తున్నారు. ఈ పాటలో పవన్‌తో పాటు అనసూయ, పూజిత పొన్నాడ కలిసి కాలు కదిపారు. చంద్రబోస్ లిరిక్స్ రాయగా.. మంగ్లీ ఆలపించారు. ఆమెతో పాటు రాహుల్ సిప్లిగంజ్, రమ్యబెహరా, యామిని ఘంటసాల కూడా ఈ పాటకు గొంతు కలిపినట్లు తెలుస్తోంది. పూర్తి పాట ఈ నెల 24న మధ్యాహ్నం 3 గంటలకు రిలీజ్ చేయనున్నారు. ఈ మూవీలో బాబీ డియోల్, అనుపమ్ ఖేర్, నోరాహి ఫతేహి, విక్రమ్ జీత్, జిషుసేన్ గుప్తా కీలక పాత్రలు పోషిస్తున్నారు. మెగా సూర్య ప్రొడక్షన్స్ బ్యానర్‌పై ఏఎం రత్నం సమర్పణలో ఎ.దయాకర్ రావు నిర్మిస్తున్నారు.

పీరియాడిక్ యాక్షన్ అడ్వెంచర్ మూవీగా తెరకెక్కుతోన్న 'హరిహర వీరమల్లు'.. క్రిష్ జాగర్లమూడి, జ్యోతికృష్ణ దర్శకత్వంలో రూపుందుతోంది. అయితే, క్రిష్ సినిమాకు సగానికి పైగా దర్శకత్వం వహించారు. కొన్ని కారణాల వల్ల ఆయన తప్పుకోవడంతో మిగిలిన భాగానికి నిర్మాత ఏఎం రత్నం కుమారుడు జ్యోతికృష్ణ దర్శకత్వం వహిస్తున్నారు. 2 భాగాలుగా ఈ చిత్రాన్ని తెరకెక్కిస్తుండగా.. రెండో పార్ట్ మొత్తాన్ని జ్యోతికృష్ణ తెరకెక్కిస్తారు. కీలక పాత్రలు పోషిస్తున్నారు. ఈ సినిమాను మార్చి 28న రిలీజ్ చేస్తామని మేకర్స్ ఇప్పటికే ప్రకటించారు. ప్రస్తుతం పవన్ ప్రజా పాలనలో బిజీగా ఉండడంతో అనుకున్న టైంకు మూవీ రిలీజ్ చేస్తారా..? లేదా..? అనే దానిపై సందేహాలు నెలకొనగా.. చెప్పిన టైంకే రిలీజ్ చేస్తామని మేకర్స్ ఇటీవల స్పష్టత ఇచ్చారు.