OG First Single: 'ఓజీ' ఫస్ట్ సింగిల్ రెడీ - పవర్ స్టార్ బర్త్‌ డేకు సాంగ్ రిలీజ్ డేట్ అనౌన్స్‌మెంట్
Pawan Kalyan Birthday: పవర్ స్టార్ పవన్ కల్యాణ్ పుట్టినరోజు సెప్టెంబర్ 2న. ఆ రోజు అభిమానులకు ఓ కానుక ఇస్తున్నట్టు డీవీవీ మూవీస్ తెలియజేసింది.
పవర్ స్టార్ పవన్ కల్యాణ్ (Pawan Kalyan) పుట్టినరోజు అంటే అభిమానులకు పండుగ రోజు. ఆ పండక్కి వాళ్లకు ఓ బహుమతి ఇవ్వడానికి రెడీ అయ్యింది డీవీవీ మూవీస్. ఈ రోజు ఓ గుడ్ న్యూస్ చెప్పింది. అది ఏమిటంటే...
ఫస్ట్ సాంగ్ రిలీజ్ ఎప్పుడో చెబుతాం
పవన్ కల్యాణ్ హీరోగా డీవీవీ మూవీస్ సంస్థ నిర్మిస్తున్న సినిమా 'ఓజీ'. They Call Him OG అనేది ఫుల్ టైటిల్. 'సాహో' ఫేమ్ సుజీత్ దర్శకత్వం వహిస్తున్న చిత్రమిది. పవన్ అభిమానులకు ఆయన పుట్టిన రోజు కానుకగా 'ఓజీ' సినిమాలో తొలి పాటను విడుదల చేసే తేదీని రేపు (సెప్టెంబర్ 2, సోమవారం) వెల్లడిస్తామని డీవీవీ మూవీస్ ట్వీట్ చేసింది.
The ‘POWER’ packed ‘FIRE’ celebrations are about to begin in just a few more hours… ❤️❤️ #OG is not just a film it’s a celebration for all….To make this special day even bigger we’ve put in every effort to bring something huge on September 2nd. Due to the ongoing circumstances… pic.twitter.com/FTimMmNtXW
— DVV Entertainment (@DVVMovies) September 1, 2024
'ఓజీ'కి సెన్సేషనల్ సూపర్ హిట్ మ్యూజిక్ డైరెక్టర్ తమన్ (Music Director Thaman) సంగీత దర్శకత్వం వహిస్తున్నారు. ఆల్రెడీ 'హంగ్రీ చీతా' అంటూ గ్లింప్స్‌లో ఆయన వినిపించిన సాంగ్ అభిమానులకు సూపర్ కిక్ ఇచ్చింది. దాంతో ఫస్ట్ సాంగ్ రిలీజ్ కోసం అభిమానులు ఎంతో ఆసక్తిగా ఎదురు చూస్తున్నారు. మరి, ఫస్ట్ సాంగ్ ఎప్పుడు రిలీజ్ చేస్తారో రేపు తెలుస్తుంది.
'ఓజీ' సినిమాలో పవన్ సరసన ప్రియాంక అరుల్ మోహన్ నటిస్తున్నారు. వారిద్దరి మీద ఓ పాటను కూడా తెరకెక్కించారు. ఆ సాంగ్ రిలీజ్ చేస్తారా? లేదంటే మరొక సాంగ్ వస్తుందా? అనేది త్వరలో తెలుస్తుంది. పవన్ డేట్స్ ఇవ్వడంతో త్వరలో ఈ సినిమా లేటెస్ట్ షెడ్యూల్ స్టార్ట్ చేయడానికి రెడీ అవుతున్నారు. వచ్చే ఏడాది ఈ సినిమా విడుదల చేయడానికి సన్నాహాలు చేస్తున్నారు.
టాప్ హెడ్ లైన్స్
ట్రెండింగ్ వార్తలు
