War 2 Movie Release Date: ఎన్టీఆర్, హృతిక్ రోషన్ 'వార్ 2' మూవీ రిలీజ్ డేట్ వచ్చేసింది - అఫీషియల్ అనౌన్స్‌మెంట్‌తో ఫ్యాన్స్ సంబరాలు

War 2 Movie: ఎన్టీఆర్, హృతిక్ రోషన్ అవెయిటెడ్ మూవీ 'వార్ 2' అప్ డేట్స్ కోసం ఫ్యాన్స్ ఆసక్తిగా ఎదురుచూస్తున్నారు. వారందరినీ సర్ ప్రైజ్ చేస్తూ ఈ సినిమా రిలీజ్ డేట్‌పై మేకర్స్ అధికారిక ప్రకటన ఇచ్చారు.

వార్ 2 మూవీ రిలీజ్ డేట్ వచ్చేసింది

Source : Twitter (X)

NTR Hrithik Roshan War 2 Movie Release Date: టాలీవుడ్ స్టార్ హీరో ఎన్టీఆర్ (NTR), బాలీవుడ్ టాప్ హీరో హృతిక్ రోషన్ (Hrithik Roshan) ప్రధాన పాత్రల్లో నటిస్తోన్న అవెయిటెడ్ మూవీ 'వార్ 2' (War 2). ఈ మూవీ అప్ డేట్స్ కోసం ఫ్యాన్స్ ఆతృతగా ఎదురుచూస్తున్నారు. తాజాగా, ఈ సినిమా రిలీజ్ డేట్‌పై సస్పెన్స్ నెలకొనగా.. దీనిపై అఫీషియల్ అనౌన్స్‌మెంట్ వచ్చేసింది. 

'వార్ 2' రిలీజ్ అప్పుడే..

మ్యాన్ ఆఫ్ మాసెస్ ఎన్టీఆర్ (NTR) ఈ సినిమాతో బాలీవుడ్‌లోకి ఎంట్రీ ఇస్తున్నారు. ఈ చిత్రాన్ని ఇండిపెండెన్స్ డే స్పెషల్‌గా ఆగస్టు 14న రిలీజ్ చేస్తారని ఎప్పటి నుంచో ప్రచారం సాగుతోంది. అయితే, ఇటీవల హృతిక్ రోషన్‌కు గాయం కావడంతో షూటింగ్‌కు బ్రేక్ పడిందని.. అనుకున్న టైంకు మూవీ రిలీజ్ కాదేమో అనే అనుమానాలు తలెత్తాయి. ఈ క్రమంలో రిలీజ్ డేట్‌పై మేకర్స్ సోషల్ మీడియా వేదికగా ఫుల్ క్లారిటీ ఇచ్చేశారు.

Must say… you have set it up brilliantly even before we have started our marketing of #War2 🔥😎💥😱💪 ... there will be mayhem in cinemas on 14 August 2025, worldwide… 😈⚠️‼️🚨🤯 https://t.co/eVmQRLLJtG

— Yash Raj Films (@yrf) March 16, 2025

యష్ రాజ్ ఫిల్మ్స్ (Yash Raj Films) స్పై యూనివర్స్ గురించి ఓ నెటిజన్ పోస్ట్ పెడుతూ 'వార్ 2' మూవీ గురించి ప్రస్తావించాడు. దీనిపై స్పందించిన సదరు నిర్మాణ సంస్థ.. 'ఇది తప్పకుండా చెప్పాల్సిందే. మేము వార్ 2 మార్కెటింగ్  ప్రారంభించక ముందే మీరు దాన్ని అద్భుతంగా సెటప్ చేశారు. ఈ మూవీ ప్రపంచవ్యాప్తంగా ఈ ఏడాది ఆగస్ట్ 14న థియేటర్లలో అల్లకల్లోలం సృష్టిస్తుంది.' అంటూ రాసుకొచ్చారు. దీంతో అనుకున్న టైంకే సినిమా రిలీజ్ చేస్తున్నారని.. ఫ్యాన్స్ ఆనందం వ్యక్తం చేస్తున్నారు.

పవర్ ఫుల్ 'రా' ఏజెంట్‌గా ఎన్టీఆర్..?

హృతిక్ రోషన్, టైగర్ ష్రాఫ్ హీరోలుగా తెరకెక్కిన స్పై థ్రిల్లర్ మూవీ 'వార్'. ఈ సినిమా బాక్సాఫీస్ వద్ద సంచలన విజయం సాధించగా.. దీనికి సీక్వెల్‌గా వార్ 2 వస్తోంది. ఈ సినిమాలో ఎన్టీఆర్, హృతిక్ ప్రధాన పాత్రలు పోషిస్తుండగా.. ఎన్టీఆర్ రా ఏజెంట్‌గా కనిపించనున్నట్లు తెలుస్తోంది. అయితే, ఏజెంట్ పాత్రలన్నింటి కంటే ఈ మూవీలో ఆయన రోల్ డిఫరెంట్‌గా ఉండనున్నట్లు సినీ వర్గాల సమాచారం. ఈ మూవీతోనే ఎన్టీఆర్ బాలీవుడ్‌లోకి ఎంట్రీ ఇస్తున్నారు. ఈ సినిమాకు అయాన్ ముఖర్జీ దర్శకత్వం వహిస్తుండగా.. ఆదిత్య చోప్రా నిర్మిస్తున్నారు. ఇప్పటికే షూటింగ్ చివరి దశలో ఉండగా.. చెప్పిన సమయానికే మేకర్స్ మూవీని రిలీజ్ చేస్తున్నారు. 

ఈ సినిమా తర్వాత ఎన్టీఆర్, ప్రశాంత్ నీల్ చిత్రం షూటింగ్‌లో పాల్గొననున్నట్లు తెలుస్తోంది. 'ఎన్టీఆర్‌నీల్' వర్కింగ్ టైటిల్‌తో మూవీ రూపొందుతుండగా.. మైత్రీ మూవీ మేకర్స్ (Mythri Movie Makers), ఎన్టీఆర్ ఆర్ట్స్ సంస్థలు సంయుక్తంగా నిర్మిస్తున్నాయి. 

మరిన్ని చదవండి

పవర్ ఫుల్ పోలీస్ ఆఫీసర్‌‌ Vs కొడుకు కోపం - ఈ తల్లీకొడుకుల కథేంటో?, 'అర్జున్ సన్నాఫ్ వైజయంతి' టీజర్ చూశారా!