Pushpa 2: 'పుష్ప 2', 'దంగల్' కలెక్షన్లను దాటేసి థియేటర్లలో దుమ్మురేపుతున్న మూవీ... 9 రోజుల్లో 700 కోట్ల సామి

ఇండియన్ సినిమా చరిత్ర ఇంకా 2000 కోట్ల దగ్గరే ఉంది. కానీ హీరో హీరోయిన్లు లేకుండానే ఓ సినిమా రిలీజ్ అయిన 9 రోజుల్లోనే ఏకంగా 7000 కోట్లు కొల్లగొట్టిందన్న విషయం తెలుసా మీకు?

పుష్ప2, దంగల్ కంటే ఎక్కువ కలెక్షన్లు సాధించిన సినిమా ఏదో తెలుసా?

Source : ABPLIVE AI

హయ్యెస్ట్ కలెక్షన్స్ సాధించిన సినిమాలు అనగానే మనకు ముందుగా 'బాహుబలి' గుర్తొస్తుంది. ఇప్పుడు 'పుష్ప 2'. ఇది ఇండియన్ బాక్స్ ఆఫీసు కథ. కానీ విదేశాల్లో భారీ కలెక్షన్స్ రాబట్టిన మన సినిమాలు అనగానే 'దంగల్', 'పుష్ప 2' వంటి ఇండియన్ సినిమాలు సృష్టించిన అరాచకం గుర్తొస్తుంది. అమీర్ ఖాన్ 'దంగల్' మూవీ చైనాలో అత్యధిక వసూళ్లు సాధించిన సినిమాగా రికార్డును క్రియేట్ చేసింది. ఆ మూవీ రికార్డుని అల్లు అర్జున్ 'పుష్ప2' బ్రేక్ చేస్తుందని అందరూ ఊహించారు. అది జరగలేదనుకోండి. ఈ రోజు మాత్రం 2000 కోట్లు కాదు కేవలం 9 రోజుల్లోనే చైనా బాక్స్ ఆఫీసు దగ్గర 7000 కోట్లకు పైగా కలెక్షన్స్ వసూలు చేసిన సినిమా గురించి మాట్లాడుకుందాం. 

హీరో హీరోయిన్లు లేకుండానే 7000 కోట్లు
చైనీస్ బాక్స్ ఆఫీస్ వద్ద విధ్వంసం సృష్టిస్తున్న మూవీ హీరోహీరోయిన్లు లేకుండానే ఈ అరుదైన ఘనతను సాధించింది. జనవరి 29న రిలీజ్ అయిన యానిమేటెడ్ మూవీ 'నే ఝా 2' రికార్డులన్నింటినీ బద్దలు కొడుతూ ముందుకు దూసుకెళ్తోంది. ఈ మూవీకి ఇప్పటిదాకా 580 కోట్ల చైనీస్ యువాన్ల కలెక్షన్స్ వచ్చాయి. ఇండియన్ కరెన్సీలో ఈ లెక్క రూ. 7000 కోట్ల రూపాయలన్నమాట. లూనార్ న్యూ ఇయర్ సెలవుల సందర్భంగా 'నే ఝా 2' రిలీజ్ అయ్యి, రోజుకో కొత్త రికార్డును క్రియేట్ చేస్తోంది. ఇప్పటిదాకా చైనా సినిమా చరిత్రలో అత్యధిక వసూళ్లు సాధించిన చిత్రంగా ఈ మూవీ మరో కొత్త చరిత్రను సృష్టించింది. వన్ బిలియన్ డాలర్లు వసూలు చేసిందీ సినిమా.

‘NE ZHA 2’ is the first film in 2025 to cross $1 BILLION on its box office.

It’s also the first film ever to reach this mark from one country only, in China. pic.twitter.com/4snb16Uh5w

— The Hollywood Handle (@HollywoodHandle) February 8, 2025

జనవరి 29న రిలీజ్ అయిన ఈ మూవీ, మొదటి రోజునే 68 మిలియన్ డాలర్ల బ్లాక్ బస్టర్ ఓపెనింగ్ సాధించింది. కేవలం ఏడు రోజుల్లోనే దాదాపు 666 డాలర్ల మిలియన్లు వసూలు చేసి అందరికీ షాక్ ఇచ్చింది. 2021లో రిలీజ్ అయిన 'ది బ్యాటిల్ ఎట్ లేక్ చాంగ్జిన్' సినిమా ఇప్పటిదాకా అత్యధిక కలెక్షన్స్ సాధించిన చైనా సినిమాల లిస్ట్ లో అగ్రస్థానంలో ఉండగా, దాన్ని కూడా తాజాగా 'నే ఝా 2'  అధిగమించింది. అలాగే ఈ యానిమేటెడ్ ఫ్రాంచైజీ లో ఫస్ట్ పార్ట్ గా రిలీజ్ అయిన 'నే ఝా' రికార్డును కూడా బ్రేక్ చేసింది. 2019లో రిలీజ్ అయిన 'నే ఝా' మూవీ 722.5 మిలియన్ల డాలర్లు సంపాదించింది. అమెరికాలో ఈ రేంజ్ కలెక్షన్స్ ను కలెక్ట్ చేయడానికి 'స్టార్ వార్స్ : ది ఫోర్స్ అవేకన్స్' వంటి పెద్ద సినిమాకు ఏకంగా 18 రోజులు పట్టింది. కానీ 'నే ఝా 2' మాత్రం విడుదలైన 9 రోజుల్లోనే 7000 కోట్లు కొల్లగొట్టి ప్రపంచ సినిమా చరిత్రలో ప్రత్యేక స్థానాన్ని సంపాదించుకుంది. మరికొన్ని రోజుల్లోనే 'నే ఝా 2' కలెక్షన్స్ 12000 కోట్లు కూడా దాటే అవకాశం ఉందని అంచనా వేస్తున్నారు విశ్లేషకులు. 

పాపులర్ నవల ఆధారంగా 'నే ఝా 2' 
'నే ఝా 2' సినిమాను అంతర్జాతీయ మార్కెట్లో రిలీజ్ చేయడానికి సన్నాహాలు చేస్తున్నారు మేకర్స్. ఇదొక ఒక చైనీస్ యానిమేటెడ్ మూవీ. దీనికి జియావోజీ దర్శకత్వం వహించారు. 2019లో రిలీజ్ అయిన 'నే ఝా' అనే మూవీకి సీక్వెల్ గా వచ్చింది 'నే ఝా 2'. 2020లో రిలీజ్ అయిన జియాంగ్ జియా తర్వాత ఫెంగ్‌షెన్ ఫ్రాంచైజీలో మూడవ చిత్రం. ఈ మూవీని 16వ శతాబ్దపు క్లాసిక్ చైనీస్ నవల 'ఇన్వెస్టిచర్ ఆఫ్ ది గాడ్స్' ఆధారంగా రూపొందించారు.