Colours Swathi: అతన్ని ఇష్టపడుతున్నా, అతను నాకు కావాలి - కలర్స్ స్వాతి మనసు దోచింది ఎవరో తెలుసా?

సుమ అడ్డా ప్రోగ్రాంలో ఈ వారం 'మంత్ ఆఫ్ మధు' మూవీ టీమ్ సందడి చేశారు. ఈ క్రమంలోనే షోలో కలర్స్ స్వాతి తన క్యూట్ మాటలతో అందరినీ ఆకట్టుకుంది. ప్రస్తుతం ఈ ప్రోమో నెట్టింట వైరల్ అవుతుంది.

Image Credit: Swathi/Instagram

ఈటీవీలో ప్రతి శనివారం బుల్లితెర ప్రేక్షకులకు వినోదాన్ని పంచుతున్న షో 'సుమా అడ్డ'. బుల్లితెర ప్రముఖ యాంకర్ సుమ ఈ షో ని తనదైన హోస్టింగ్ తో ముందుకు తీసుకెళ్తున్నారు. సుమ ఏ షో చేసినా బుల్లితెర ఆడియన్స్ ఎగబడి చూస్తుంటారు. అలా సుమ అడ్డా షో కి కూడా ఆడియన్స్ లో మంచి క్రేజ్ ఉంది. ప్రతివారం ప్రత్యేక సెలబ్రిటీ టీం తో సుమా చేసే సందడి అంతా ఇంతా కాదు. సెలబ్రిటీలపై సుమా వేసే పంచులు, సెటైర్లు మధ్య మధ్యలో ఫన్నీ టాస్కులు ఆద్యంతం ఆకట్టుకుంటాయి. ఈ క్రమంలోనే ఈ వారం సుమ అడ్డా ఎపిసోడ్లో 'మంత్ ఆఫ్ మధు' మూవీ టీం సందడి చేసింది.

తాజాగా ఈ ఎపిసోడ్ కు సంబంధించిన ప్రోమో విడుదలవగా ప్రస్తుతం సోషల్ మీడియాలో ప్రోమో వైరల్ అవుతుంది. ఒకప్పుడు టీవీలో యాంకర్ గా రాణిస్తూ హీరోయిన్గా మంచి గుర్తింపు తెచ్చుకున్న కలర్స్ స్వాతి చాలా ఏళ్ల తర్వాత సుమ అడ్డా షోలో సందడి చేసింది. ఎప్పటిలాగే గలగల మాటలతో తన స్మైల్ తో ఆకట్టుకుంది. ఒకసారి ప్రోమోని గమనిస్తే.. 'నా షో కి రావడానికి ఎంత టైం పట్టింది నీకు?' అని సుమ స్వాతిని అడగగా, అందుకు స్వాతి బదిలిస్తూ.." మీరే నన్ను అసలు పిలవలేదు. నన్నంతా ఫుల్ ఇగ్నోర్ చేశారు. లవ్ ఇవ్వలేదు నాకు" అంటూ ఎంతో క్యూట్ గా చెప్తుంది. దాంతో సుమ స్వాతిని హగ్ చేసుకుంటుంది.

ఆ తర్వాత నవీన్ గారు ఎలా ఉన్నారు? అని అడిగితే.. "తను ఎప్పుడూ జెంటిల్మెన్’’ స్వాతి చెబుతుంది. దానికి సుమా, ‘‘తను జెంటిల్మెన్ అయితే మరి మన హీరో నాని ఏంటి?’’ అంటూ పంచ్ వేస్తుంది. దాంతో షో లో ఉన్న వారంతా నవ్వేశారు. అనంతరం స్వాతి తో కలిసి సుమ ఓ సీన్ ని రీక్రియేట్ చేశారు. అందులో భాగంగా ‘‘ఎట్టి పరిస్థితుల్లోనైనా సరే నువ్వు పెళ్లి చేసుకోవాల్సిందే? ఎంతసేపు సుబ్బారావును చేసుకుంటా? సుబ్బారావు చేసుకుంటా? అంటే ఎక్కడి నుంచి తీసుకురావాలి? అని సుమ అనగానే..  "మరి ఆ పేరులోనే వైబ్రేషన్స్ ఉన్నాయి. నీకు అర్థం అవ్వదు" అంటూ ‘అష్టచెమ్మ’ మూవీ సీన్‌ను రీక్రియేట్ చేసింది స్వాతి. దానికి సుమ ఏంటి? సుబ్బారావు పేరులో వైబ్రేషన్స్ ఉన్నాయా? అని అనగానే షోలో నవ్వులు విరిసాయి.

ఆ తర్వాత షోలో పాల్గొన్న రవికాంత్ కుర్చీలో కూర్చుని ఉండగా "ఈ అబ్బాయి పేరు ఏంటో కనుక్కో?’’ అని సుమ చెబుతుంది. దానికి స్వాతి, 'పేరుతో ఇప్పుడు సంబంధం లేదు పిన్ని. నేను ఆల్రెడీ పడిపోయాను. అంతా అయిపోయింది’’ అని సిగ్గుపడుతూ చెప్తుంది. ఇక ప్రోమో చివర్లో.. "అఫీషియల్‌గా చెప్పేస్తున్నా ఏంటంటే, నాకు రవికాంత్ మీద పెద్ద క్రష్ ఉంది. నాకు రవికాంత్ కావాలి" అని స్వాతి చెప్తుండగా సుమాతో పాటు షోలో ఉన్న వాళ్లంతా ఒక్కసారిగా షాక్ అయిపోయారు.

ప్రస్తుతం ఈ ప్రోమో వైరల్ అవుతుండగా, ఫుల్ ఎపిసోడ్ సెప్టెంబర్ 30న ఈటీవీలో ప్రసారం కానుంది. ఇక 'మంత్ ఆఫ్ మధు' సినిమా విషయానికొస్తే.. శ్రీకాంత్ నాగోతి  దర్శకత్వం వహిస్తున్న ఈ చిత్రంలో నవీన్ చంద్ర, కలర్స్ స్వాతి, శ్రేయ నవీలే ప్రధాన పాత్రలు పోషిస్తున్నారు. ఇటీవల విడుదలైన ట్రైలర్ కి మంచి రెస్పాన్స్ రాగా అక్టోబర్ 6న ఈ చిత్రం ప్రేక్షకుల ముందుకు రానుంది.

Join Us on Telegram: https://t.me/abpdesamofficial