Nagarjuna: ధనుష్, శేఖర్ కమ్ముల కోసం ఖాకీ చొక్కా వేసిన నాగార్జున!

Nagarjuna Role In Kubera Movie: ధనుష్ హీరోగా శేఖర్ కమ్ముల దర్శకత్వం వహిస్తున్న సినిమా 'కుబేర'. అందులో కింగ్ నాగార్జున ఇంపార్టెంట్ రోల్ చేస్తున్నారు. ఆయన క్యారెక్టర్ ఏమిటనేది రివీల్ అయ్యింది.

నాగార్జున

కోలీవుడ్ స్టార్, ఉత్తమ నటుడిగా జాతీయ అవార్డు అందుకున్న ధనుష్ (Dhanush) హీరోగా సెన్సిబుల్ సినిమాల డైరెక్టర్ శేఖర్ కమ్ముల (Sekhar Kammula) తీస్తున్న సినిమా 'కుబేర' (Kubera Movie). ఇందులో టాలీవుడ్ కింగ్, పాన్ ఇండియా యాక్టర్ అక్కినేని నాగార్జున మరో హీరో. ప్రజెంట్ సినిమా షూటింగ్ శరవేగంగా జరుగుతోంది. ఇందులో కింగ్ క్యారెక్టర్ ఏమిటనేది రివీల్ అయ్యిందని ఫిలిం నగర్ టాక్.

'కుబేర' సినిమాలో పోలీసుగా చేస్తున్న నాగార్జున!
Nagarjuna Turns Cop for Kubera Movie: ఇప్పటి వరకు లవ్ స్టోరీలు, ఎమోషనల్ ఫ్యామిలీ డ్రామాలు, యూత్ ఫుల్ సినిమాలు తీసిన శేఖర్ కమ్ముల... 'కుబేర'తో రూట్ చేంజ్ చేశారు. ఫస్ట్ టైమ్ ఆయన యాక్షన్ ఫిలిం చేస్తున్నారు. ముంబై మురికివాడలు, ధారవి నేపథ్యంలో సినిమాను తెరకెక్కిస్తున్నారు. ఇందులో నాగార్జునను పోలీసుగా చూపిస్తున్నారట. నాగార్జున పోలీస్ అంటే తెలుగు ప్రేక్షకులకు 'శివమణి' గుర్తుకు వస్తుంది. అందులో పూరి జగన్నాథ్ బాగా చూపించారు. మరి, శేఖర్ కమ్ముల ఎలా చూపిస్తారో?

'కుబేర'లో ఖాకీ చొక్కా వేసి నాగార్జున ఏం చేశారు? అనేది ప్రస్తుతానికి సస్పెన్స్. నాగార్జునది మాఫియా డాన్ రోల్ అని మొదట ప్రచారం జరిగినా అందులో నిజం లేదట. హీరో రోల్ విషయానికి వస్తే... ధారవికి చెందిన యువకుడిగా ధనుష్ క్యారెక్టర్ డిజైన్ చేసినట్లు టాక్.

'కుబేర' షూటింగ్ ప్రజెంట్ హైదరాబాద్ సిటీలో జరుగుతోంది. కొన్ని రోజుల క్రితం యూనిట్ బ్యాంకాక్ వెళ్లి వచ్చింది. అక్కడ కీలకమైన సన్నివేశాలు షూటింగ్ చేసి వచ్చారు. ఇప్పుడు హైదరాబాదులో ధనుష్, నాగార్జునతో పాటు ప్రధాన తారాగణం మీద కీలక సన్నివేశాలు తీస్తున్నారట.

'కుబేర' చిత్రాన్ని  నారాయణ్ దాస్ కె నారంగ్ ఆశీస్సులతో... సోనాల్ నారంగ్ సమర్పణలో శేఖర్ కమ్ములకు చెందిన అమిగోస్ క్రియేషన్స్ సంస్థతో కలిసి శ్రీ వెంకటేశ్వర సినిమాస్ ఎల్‌ఎల్‌పి (ఏషియన్ గ్రూప్ యూనిట్) పతాకంపై సునీల్ నారంగ్, పుస్కూర్ రామ్ మోహన్ రావు ప్రొడ్యూస్ చేస్తున్నారు. ఇందులో నేషనల్ క్రష్ రష్మికా మందన్న హీరోయిన్.

అందరూ బ్లాక్ బస్టర్ హిట్స్ తర్వాత చేస్తున్న సినిమా!
'కుబేర' సినిమాకు ముందు శేఖర్ కమ్ముల దర్శకత్వం వహించిన  'ఫిదా', 'లవ్ స్టోరీ' బాక్సాఫీస్ బరిలో భారీ విజయాలు సాధించాయి. అయితే, ఆ రెండూ రొమాంటిక్ సినిమాలు. ఇప్పుడు తీస్తున్నది యాక్షన్ సినిమా. మరి, ఈ సినిమా రిజల్ట్ ఎలా ఉంటుందో? సంక్రాంతికి సక్సెస్ ఫుల్ సినిమా 'నా సామి రంగ' తర్వాత నాగార్జున నటిస్తున్న సినిమా ఇది. ధనుష్ కూడా సంక్రాంతికి తమిళంలో భారీ వసూళ్లు సాధించిన 'కెప్టెన్ మిల్లర్' సినిమా చేశారు. అది తెలుగులో ఆలస్యంగా విడుదల అయ్యింది. కానీ, అంత సక్సెస్ కాలేదు.