Mohan Lal: మూడు సినిమాలు... 238 కోట్ల బడ్జెట్, మరి కలెక్షన్స్? ఈ ఏడాది మోహన్ లాల్ లాభం ఎంత?

Mohan Lal 2025 Movies Result: ఈ ఏడాది (2025లో) మోహన్ లాల్ మూడు సినిమాలు చేశారు. ఆ సినిమాలకు ఎంత ఖర్చు అయ్యింది? అవి ఎన్ని కోట్లు కలెక్ట్ చేశాయి? అనేది తెలుసుకోండి. 

మూడు సినిమాలతో మోహన్ లాల్ కు వచ్చింది ఎంత? ఆయన సక్సెస్ రేషియో ఎంత?

Source : Mohanlal Instagram

సూపర్ స్టార్ మోహన్ లాల్ (Mohan Lal) సినిమాలు చూడటానికి అభిమానులు ఎంతో ఆసక్తిగా ఎదురుచూస్తుంటారు. 2025లో ఆయన నటించిన మూడు సినిమాలు విడుదల అయ్యాయి. అవి 'ఎల్2: ఎంపురాన్', 'తుడారం' & 'హృదయపూర్వం'. ఈ మూడు చిత్రాలకు బాక్సాఫీస్ వద్ద అద్భుతమైన స్పందన లభించింది. ఈ ఏడాది (2025లో) నిర్మాతలకు ఆయన ఎంత లాభం తెచ్చిపెట్టారో తెలుసుకుందాం.

బాక్సాఫీస్ ట్రేడ్ పోర్టల్ కొయిమొయి నివేదిక ప్రకారం... మోహన్ లాల్ మూడు సినిమాల బడ్జెట్ రూ. 238 కోట్లు. ఈ సినిమాల ద్వారా మొత్తం 268.89 కోట్ల రూపాయలను ఆయన సంపాదించారు. దీనితో ఆయనకు 30 కోట్ల రూపాయల లాభం వచ్చింది. ఇది పెట్టుబడిపై సుమారు 12.9% రాబడి. 'ఎల్2: ఎంపురాన్' బాక్సాఫీస్ వద్ద మంచి వసూళ్లు సాధించినప్పటికీ... సినిమా బడ్జెట్ చాలా ఎక్కువగా ఉండటంతో రికవరీ చేయలేకపోయిందని టాక్. ఈ మూడు సినిమాల కలెక్షన్ల లెక్కల ప్రకారం... 2025లో మోహన్ లాల్ సక్సెస్ రేషియో 66.6 శాతం ఉంది.

హృదయపూర్వం లాభం @ 10 కోట్లు
'హృదయపూర్వం' చిత్రానికి IMDBలో 6.7 రేటింగ్ లభించింది. ఈ సినిమా జియో హాట్‌స్టార్‌లో స్ట్రీమ్ అవుతోంది. ఈ చిత్రం 40.12 కోట్ల నెట్ కలెక్షన్ సాధించింది. గ్రాస్ కలెక్షన్ 47.34 కోట్లు. ఈ సినిమా 30 కోట్ల బడ్జెట్‌తో తెరకెక్కింది. ఈ సినిమా లాభం 10.12 కోట్లు. పెట్టుబడిపై రాబడి 33.73 శాతం. ఈ చిత్రం ప్రపంచవ్యాప్తంగా 76.59 కోట్ల వసూళ్లు సాధించింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Mohanlal (@mohanlal)

ఎల్2: ఎంపురాన్ @ 59 శాతం రికవరీ

'ఎల్2: ఎంపురాన్' చిత్రానికి IMDBలో 6.2 రేటింగ్ లభించింది. ఈ సినిమాను కూడా మీరు జియో హాట్‌స్టార్‌లో చూడవచ్చు. ఈ సినిమా 180 కోట్ల బడ్జెట్‌తో తెరకెక్కింది. ఈ చిత్రం 106.77 కోట్ల నెట్ కలెక్షన్ సాధించింది. గ్రాస్ కలెక్షన్ 125.83 కోట్లు. సినిమా బడ్జెట్‌లో 59 శాతం రికవరీ అయ్యింది. ఈ చిత్రం ప్రపంచవ్యాప్తంగా 268.23 కోట్ల వసూళ్లు సాధించింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by M Renjith (@rejaputhravisualmedia)

తుడారం @ 237 కోట్లు!

'తుడారం'చిత్రానికి IMDBలో 8.5 శాతం రేటింగ్ లభించింది. ఈ సినిమా జియో స్టార్‌లో స్ట్రీమ్ అవుతోంది. ఈ సినిమా 28 కోట్ల బడ్జెట్‌తో తెరకెక్కింది. అద్భుతమైన వసూళ్లు సాధించింది. ఈ చిత్రం 122 కోట్ల నెట్ కలెక్షన్ సాధించింది. గ్రాస్ కలెక్షన్ 143.96 కోట్లు. ఈ సినిమా 93.56 కోట్ల లాభం సంపాదించింది. అంతే కాకుండా.... 334.14 శాతం పెట్టుబడిపై రాబడి లభించింది. ఈ సినిమా సూపర్ డూపర్ హిట్ అయింది. ఈ చిత్రం ప్రపంచవ్యాప్తంగా 237.76 కోట్ల వసూళ్లు సాధించింది.