Anasuya Bharadwaj : యాంకర్ అనసూయపై అశ్లీల కంటెంట్ - నిందితుడి అరెస్ట్

Anchor Anasuya : యాంకర్ అనసూయపై అసభ్యకర కంటెంట్ పోస్ట్ చేసిన వ్యక్తిని పోలీసులు అరెస్ట్ చేశారు. మరో నటిపై అసభ్యకర కామెంట్ చేసిన వ్యక్తిపైనా చర్యలు చేపట్టారు.

అనసూయపై అసభ్యకర కంటెంట్ పోస్ట్ చేసిన వ్యక్తి అరెస్ట్

Source : https://www.instagram.com/p/DTR53krk1X5/?img_index=14

Anasuya Bharadwaj Complaint Against Abusive Posts Against Her : ప్రముఖ యాంకర్, నటి అనసూయపై సోషల్ మీడియాలో అసభ్యకర పోస్టులు చేసిన వ్యక్తిని పోలీసులు అరెస్ట్ చేశారు. తన పరువుకు నష్టం కలిగించేలా, అశ్లీల కామెంట్స్, అభ్యంతరకర వీడియోలను సోషల్ మీడియాలో పోస్ట్ చేశారంటూ ఆమె సైబరాబాద్ క్రైమ్ పోలీసులకు ఫిర్యాదు చేసింది.

దీంతో కేసు నమోదు చేసిన పోలీసులు విచారించి నిందితున్ని అరెస్ట్ చేశారు. కడప జిల్లాకు చెందిన జనార్ధన్ ఈ అశ్లీల కంటెంట్ ప్రసార్ చేస్తున్నట్లు పోలీసులు గుర్తించినట్లు తెలుస్తోంది. హైదరాబాద్‌లో ఉంటూనే అనసూయపై AI వీడియోలు రూపొందించి అసభ్యకర కామెంట్స్‌తో పోస్ట్ చేసినట్లు సమాచారం.

మరో కేసులోనూ...

మరో నటిపై అసభ్యకర రీల్ చేసిన వ్యక్తిపైనా పోలీసులు కేసు నమోదు చేసి అరెస్ట్ చేశారు. సైబరాబాద్ క్రైమ్ పోలీసులు తెలిపిన వివరాల ప్రకారం... వెస్ట్ మారేడ్ పల్లికి చెందిన కొండాపురం అరుణ్ కుమార్ అనే ఆటో డ్రైవర్ యూట్యూబ్‌లో వీడియోస్, రీల్స్ చేసేవాడు. ఈ క్రమంలో ఓ ప్రముఖ నటి రీల్ చూసి అసభ్యకర కామెంట్ చేశాడు. సదరు హీరోయిన్ కంప్లైంట్ మేరకు కేసు నమోదు చేసిన పోలీసులు సాంకేతిక ఆధారాలతో సహా నిందితున్ని అరెస్ట్ చేశారు. సోషల్ మీడియాలో అసభ్యకర పోస్టులు చేస్తే చర్యలు తప్పవని పోలీసులు వార్నింగ్ ఇచ్చారు.

మరిన్ని చదవండి

ధనుష్ మూవీలో డ్రాగన్ బ్యూటీ? - క్రేజీ ఆఫర్ కొట్టేసిందిగా...