KGF 2 Collection: 'ఆర్ఆర్ఆర్' కంటే ఎక్కువ, 2022 ఇండియన్ బాక్సాఫీస్‌లో టాప్ ప్లేస్ 'కెజియఫ్ 2'దే

యశ్ కథానాయకుడిగా నటించిన కన్నడ సినిమా 'కెజియఫ్ 2' సినిమా సరికొత్త రికార్డులు క్రియేట్ చేస్తోంది. బాక్సాఫీస్ హిస్టరీలో కొత్త చరిత్ర లిఖిస్తోంది.

'కెజియఫ్ 2'లో యశ్

KGF 2 Box Office Collection: హిస్టరీ... ఇండియన్ బాక్సాఫీస్ హిస్టరీలో 'కెజియఫ్ 2' సినిమా కొత్త రికార్డులు క్రియేట్ చేస్తోంది. యశ్ కథానాయకుడిగా ప్రశాంత్ నీల్ దర్శకత్వం వహించిన ఈ సినిమా వెయ్యి కోట్ల రూపాయలకు పైగా వసూలు చేసిన సంగతి తెలిసిందే. ఇప్పుడు వెయ్యి కాదు... 1100 కోట్ల రూపాయల మార్క్ క్రాస్ చేసింది. అంతే కాదు... రూ. 1200 కోట్లకు చేరువలో ఉంది. 

ఈ ఏడాది (2022)లో విడుదలైన సినిమాల్లో అత్యధిక వసూళ్లు సాధించిన సినిమాగా 'కెజియఫ్ 2' సరికొత్త చరిత్ర లిఖించింది. హిందీలో ఈ ఏడాది హయ్యస్ట్ ఓపెనింగ్ డే కలెక్షన్స్, ఓపెనింగ్ వీకెండ్ కలెక్షన్స్, ఫస్ట్ వీక్ రికార్డులు ఈ సినిమా పేరు మీద ఉన్నాయి. అంతే కాదు... రూ. 250 కోట్లు కలెక్షన్స్ మార్క్ చేరుకున్న సినిమాగా కూడా 'కెజియఫ్ 2' రికార్డ్ క్రియేట్ చేసింది.

'ఆర్ఆర్ఆర్'కు హిందీలో రూ. 270 కోట్లు వసూళ్లు రాగా... 'కెజియఫ్ 2'కు 412.8 కోట్లు వచ్చారు. ఇంకా సినిమా ఆడుతోంది. దీని కంటే ముందు 'బాహుబలి 2' మాత్రమే ఉంది. రూ. 510.99 కోట్ల వసూళ్లతో ప్రభాస్ సినిమా ఫస్ట్ ప్లేస్‌లో ఉంది. దానిని బీట్ చేస్తుందో? లేదో? గానీ... ఓవరాల్ కలెక్షన్స్ విషయంలో 'ఆర్ఆర్ఆర్'ను 'కెజియఫ్ 2' బీట్ చేసింది.

తమిళనాడులో 100 కోట్ల రూపాయలు వసూలు చేసిన తొలి కన్నడ సినిమాగా కూడా 'కెజియఫ్ 2' రికార్డ్ క్రియేట్ చేసింది. ప్రస్తుతం ఈ సినిమా వసూళ్లు రూ. 1160 కోట్లు. త్వరలో 1200 కోట్లు కలెక్ట్ చేసే అవకాశాలు ఉన్నాయి.

#KGFChapter2 WW Box Office

REFUSES to give up to new releases.

Week 1 - ₹ 720.31 cr
Week 2 - ₹ 223.51 cr
Week 3 - ₹ 140.55 cr
Week 4
Day 1 - ₹ 11.46 cr
Day 2 - ₹ 8.90 cr
Day 3 - ₹ 24.65 cr
Day 4 - ₹ 25.42 cr
Day 5 - ₹ 8.07 cr
Total - ₹ 1162.87 cr

— Manobala Vijayabalan (@ManobalaV) May 10, 2022