Drishyam 3 Collection Day 2: 'దృశ్యం 3' కలెక్షన్స్ తగ్గాయ్... మోహన్ లాల్ మూవీకి రెండు రోజుల్లో ఎన్ని కోట్లు వచ్చాయంటే?

Drishyam 3 Box Office Collection Day 2: మోహన్ లాల్ లేటెస్ట్ సినిమా 'దృశ్యం 3'కి మొదటి రోజు ఫ్లాప్ టాక్ వచ్చినా మంచి కలెక్షన్స్ వచ్చాయి. అయితే రెండో రోజు ఈ సినిమా కలెక్షన్స్ తగ్గాయి. 

'దృశ్యం 2' సినిమాకు రెండో రోజు కలెక్షన్స్ ఎలా ఉన్నాయి? ఎన్ని కోట్లు వచ్చాయి? అంటే...

Source : https://www.instagram.com/p/DYe4iHaxk-6/

మోహన్ లాల్ (Mohanlal), దర్శకుడు జీతూ జోసెఫ్ కలయికలో వచ్చిన లేటెస్ట్ సినిమా 'దృశ్యం 3' (Drishyam 3). మొదటి రోజు ఫ్లాప్ టాక్ వచ్చినా బాక్సాఫీస్ దగ్గర సత్తా చాటుతోందీ సినిమా. థియేటర్లలో విడుదలైన రెండో రోజున కలెక్షన్లలో కొంత డ్రాప్ కనిపించినప్పటికీ... ప్రపంచ వ్యాప్తంగా భారీ వసూళ్లను రాబడుతోంది. వీకెండ్ కంప్లీట్ అయ్యేసరికి వంద కోట్ల క్లబ్బులో చేరే అవకాశం ఉంది. రెండు రోజుల్లో ఈ సినిమా ఎంత కలెక్ట్ చేసింది? అనేది చూస్తే...

'దృశ్యం 3' @ 75 కోట్లు!
'దృశ్యం 3' సినిమాకు రెండో రోజు వచ్చిన కలెక్షన్స్ తగ్గాయి. సాధారణంగా వీకెండ్ అంటే శని, ఆది వారాల్లో ఎక్కువ కలెక్ట్ చేయాలి. కానీ, ఈ సినిమా రెండో రోజు డ్రాప్ అవ్వడానికి మెయిన్ రీజన్ మొదటి రోజు వచ్చిన టాక్. రెండో రోజు ఎంత కలెక్ట్ చేసింది? అనేది చూస్తే...  

• ఇండియాలో రెండో రోజు 'దృశ్యం 3' రూ. 11.05 కోట్ల నెట్ కలెక్షన్లు సాధించింది.
• మొదటి రోజు ఇండియాలో ఈ సినిమా రూ. 15.85 కోట్లు వసూలు చేసింది. రెండో రోజుకు 30.3 శాతం డ్రాప్ అయ్యాయి.
• ఇండియాలో 'దృశ్యం 3'కు రెండు రోజుల నెట్ కలెక్షన్లు చూస్తే రూ. 26.90 కోట్లు. గ్రాస్ కలెక్షన్స్ విషయానికి వస్తే... రూ. 31.18 కోట్లు.
• ఓవర్సీస్ మార్కెట్లలో 'దృశ్యం 3' దూకుడు కనబడుతోంది. మొదటి రోజు 25 కోట్ల గ్రాస్ రాబడితే... రెండో రోజు విదేశాల నుంచి రూ. 20 కోట్ల గ్రాస్ కలెక్ట్ చేసింది. దాంతో రెండు రోజుల టోటల్ ఓవర్సీస్ గ్రాస్ రూ. 45 కోట్లకు చేరింది.
• రెండు రోజుల్లో 'దృశ్యం 3' వరల్డ్ వైడ్ గ్రాస్ రూ. 76.18 కోట్లకు చేరింది.

మలయాళంలో ఆక్యుపెన్సీ బావుంది...
మిగతా రాష్ట్రాల్లో తగ్గిన 'దృశ్యం 3' జోరు!
కేరళలో 'దృశ్యం 3' ఘన విజయం సాధించిందని చెప్పాలి. మొదటి రెండు రోజుల్లో వచ్చిన కలెక్షన్లలో అత్యధిక శాతం అక్కడ నుంచి వచ్చినవే. 

• మలయాళంలో రెండో రోజు 'దృశ్యం 3' సినిమాకు రూ. 9.85 కోట్ల నెట్ కలెక్షన్లు వచ్చాయి.
• కేరళలో ఆక్యుపెన్సీ 61 శాతం ఉంది.
• మలయాళం మినహా ఇతర భాషల విషయానికి వస్తే... తమిళంలో 38.05 శాతం, తెలుగులో 18.42 శాతం, కన్నడలో 17.58 శాతం ఆక్యుపెన్సీ నమోదైంది.
• 'దృశ్యం 3' చిత్రానికి రెండో రోజు తెలుగులో 70 లక్షలు, తమిళంలో 40 లక్షలు, కన్నడలో 10 లక్షల నెట్ కలెక్షన్స్ వచ్చాయి. 

మోహన్ లాల్ పుట్టినరోజు మే 21న సినిమా విడుదలైంది. అభిమానులతో కలిసి మూవీ చూశారు. థియేటర్‌లో ప్రేక్షకుల స్పందన ఆయన కళ్లల్లో నీళ్లు తిరిగాయి. ఆ వీడియోలు సోషల్ మీడియాలో వైరల్ అయ్యాయి. ఈ సినిమాలో మీనా, హన్సిబా హాసన్, ఎస్తర్ అనీల్ నటించారు.