Vignesh Shivan : LIK మూవీకి ఓటీటీలో సూపర్ రెస్పాన్స్ - నెగిటివ్ రివ్యూస్పై నయనతార భర్త ఎమోషనల్
Vignesh Shivan Reaction : నెగిటివ్ ప్రచారం వల్ల డైరెక్టర్స్ కలలు ముక్కలవుతాయని అన్నారు డైరెక్టర్ విఘ్నేష్ శివన్. ప్రదీప్ రంగనాథన్ LIK ఓటీటీలో సూపర్ రెస్పాన్స్ అందుకుంటుందని చెప్పారు.
Director Vignesh Shivan Strong Reaction About Negative Reviews : సినిమాపై కొందరు కావాలనే నెగిటివ్ రివ్యూస్ ఇస్తున్నారని అభిప్రాయపడ్డారు ప్రముఖ డైరెక్టర్, నయనతార భర్త విఘ్నేష్ శివన్. ప్రదీప్ రంగనాథన్, కృతిశెట్టి ప్రధాన పాత్రల్లో నటించిన లవ్ ఎంటర్టైనర్ LIK మూవీ రిజల్ట్పై ఆయన ఆవేదన వ్యక్తం చేశారు. సోషల్ మీడియా వేదికగా ఓ ఎమోషనల్ నోట్ షేర్ చేశారు.
ఓటీటీలో సూపర్ రెస్పాన్స్
థియేటర్లలో నెగిటివ్ రివ్యూస్ వచ్చినా ఓటీటీలో సూపర్ రెస్పాన్స్ అందుకుందని చెప్పారు విఘ్నేశ్ శివన్. సినిమా అదిరిపోయిందని... నెగిటివ్ రివ్యూస్ చూసి సినిమా చూడలేదని చాలామంది తనకు మెసేజ్ చేసినట్లు తెలిపారు. ఇంత మంచి సినిమాకు ఎందుకు నెగిటివ్ ప్రచారం చేశారో తెలియడం లేదంటూ తనను ప్రశ్నించారని అన్నారు. ఉద్దేశపూర్వకంగా రాసే నెగిటివ్ రివ్యూస్ దర్శకుల కలలు ముక్కలు చేస్తాయని రాసుకొచ్చారు.
నెగిటివిటీ వల్లే...
'ఆన్ లైన్లో విపరీతమైన నెగిటివ్ ప్రచారం వల్లే LIK థియేటర్లలో చూడడం మిస్ అయ్యామంటూ చాలా మంది నాకు మెసేజ్ చేస్తున్నారు. కొన్ని సినిమాలు నెగిటివిటీని తట్టుకుని నిలబడతాయి. కొన్ని నిలబడలేవు. ఇండస్ట్రీలో ప్రభావవంతమైన సపోర్ట్ లేని సినిమాల విషయానికొస్తే... ప్రజాభిప్రాయం వాటి రిజల్ట్ను పూర్తిగా మార్చేస్తుంది. సినిమాను విమర్శించడమే కాకుండా కావాలని రాసే రివ్యూస్ ఆడియన్స్ను కన్ఫ్యూజ్కు గురి చేస్తాయి. డైరెక్టర్స్ కలలు ముక్కలు చేస్తాయి.
LIK బాక్సాఫీస్ ఫలితాన్ని నేను ఇప్పటికీ పూర్తిగా జీర్ణించుకోలేకపోతున్నా. దాని నుంచి బయటకు రాలేకపోతున్నా. మంచి టాక్తో సూపర్ ఓపెనింగ్ వీకెండ్ తర్వాత కథ ఇంత త్వరగా మారిపోవడం చాలా బాధేసింది. చాలా కష్టపడి దాన్ని రూపొందించాం. ఇంకా మంచి రెస్పాన్స్ దక్కాల్సి ఉందని ఇప్పటికీ అనిపిస్తోంది.' అంటూ ఇన్ స్టాలో పోస్టే చేశారు విఘ్నేష్.
Also Read : Suriya : సూర్య సక్సెస్ జోష్ - మ్యూజిక్ డైరెక్టర్ To ఎడిటర్కు ఖరీదైన కార్లు... ఇండస్ట్రీలోనే ఫస్ట్ టైం
'అదే ఆశతో జీవిస్తున్నా'
ఎన్నో సవాళ్లను అధిగమించిన తర్వాత మూవీ రిజల్ట్ ఇలా చూడడం ఎంతో బాధగా ఉందని చెప్పారు విఘ్నేశ్. 'ఇలాంటి సినిమాను ప్రేక్షకుల ముందుకు తీసుకురావడం వెనుకున్న పోరాటం చాలామందికి తెలియదు. దీన్ని నిర్మించడం కష్టం. రిలీజ్ చేయడం ఇంకా కష్టం. మొదట్లో మంచి రెస్పాన్స్ రాకపోయినా ఆ తర్వాత అద్భుతమైన చిత్రాలుగా నిలిచిన మూవీస్ చరిత్రలో ఎన్నో ఉన్నాయి. ఇది కూడా అలాగే నిలిచిపోతుందన్న ఆశతో జీవిస్తున్నా.' అంటూ రాసుకొచ్చారు.
వరుస హిట్లతో దూసుకెళ్తోన్న కోలీవుడ్ యంగ్ హీరో ప్రదీప్ రంగనాథన్కు LIKతో బ్రేక్ పడింది. ఫస్ట్ డే నుంచే ప్లాఫ్ టాక్ తెచ్చుకుంది. విఘ్నేశ్ శివన్ దర్శకత్వం వహించగా... ఎస్ జే సూర్య, గౌరీ కిషన్, యోగిబాబు తదితరులు కీలకపాత్రలు పోషించారు. అనిరుథ్ రవిచందర్ మ్యూజిక్ అందించారు. థియేటర్లలో అంత రెస్పాన్స్ రాకపోయినా... మే 6 నుంచి అమెజాన్ ప్రైమ్ వీడియోలో స్ట్రీమింగ్ అవుతూ మంచి రెస్పాన్స్ అందుకుంది.
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
