Singer Mangli Case : మంగ్లీ కేసుతో నాకు ఎలాంటి సంబంధం లేదు - ఆ ప్రచారం బాధాకరం... డైరెక్టర్ వేణు రియాక్షన్

Venu Udugula Reaction : సింగర్ మంగ్లీ కేసుతో తనకు ఎలాంటి సంబంధం లేదని డైరెక్టర్ వేణు ఊడుగుల చెప్పారు. ఎఫ్ఐఆర్‌లో తన పేరును ఎక్కడా మెన్షన్ చేయలేదని క్లారిటీ ఇచ్చారు.

సింగర్ మంగ్లీ కేసుతో సంబంధం లేదన్న డైరెక్టర్ వేణు

Source : https://www.instagram.com/p/DULKokGCdD8/?img_index=3

Director Venu Udugula Clarification On Recent Allegations : సింగర్ మంగ్లీపై కేసు అంశం ఇప్పుడు హాట్ టాపిక్‌గా మారింది. డైరెక్టర్ వేణు ఊడుగులపై కూడా కేసు నమోదైందంటూ వార్తలు వచ్చాయి. దీనిపై ఆయన తాజాగా స్పందించారు. ఈ కేసుతో తనకు ఎలాంటి సంబంధం లేదంటూ ఇన్ స్టా వేదికగా పోస్ట్ పెట్టారు.

'నాకు ఎలాంటి సంబంధం లేదు'

'మంగ్లీ కేసుతో లింక్ చేస్తూ నా పేరుపై సోషల్ మీడియాలో వచ్చిన వార్తలు చూసి బాధపడ్డా. ఆ ఘటనతో నాకు ఎలాంటి సంబంధం లేదు. మంగ్లీ, ఆమెపై కంప్లైంట్ చేసిన లాయర్ సుబ్బారావు ఇద్దరూ నాకు పరిచయం ఉన్న వ్యక్తులు కావడంతో సమస్యను శాంతియుతంగా పరిష్కరించుకోవాలని, బాధితులకు న్యాయం జరిగేలా చూడమని మాత్రమే సూచించా. అంతకు మించి ఇందులో ఎలాంటి పాత్ర పోషించలేదు.

మరో విషయం క్లారిటీ ఇవ్వాలనుకుంటున్నా. ఈ కేసుకు సంబంధించి కూడా నా పేరు నిందితుడిగా ఎక్కడా ప్రస్తావించలేదు. అలాగే, ఈ కేసు పెట్టిన సుబ్బారావు మీడియా ముందు మాట్లాడుతూ... నాకు ఈ వ్యవహారంలో ఎలాంటి సంబంధం లేదని స్పష్టంగా చెప్పారు. నిజానిజాలు తెలుసుకోకుండానే నా పేరును ఈ వ్యవహారంతో కలిపి ప్రచారం చేయడం బాధాకరం. పోలీసులు కూడా నాకు ఏం సంబంధం లేదనే చెప్పారు. ఓ వ్యక్తి కుటుంబ పరువు, మర్యాద... ఇలాంటి వార్తల వల్ల ఎఫెక్ట్ అవుతాయనే విషయాన్ని గుర్తించుకోవాలి అని నా రిక్వెస్ట్.' అంటూ రాసుకొచ్చారు.

ఒకరిపై ఒకరు కంప్లైంట్స్

ముందుగా లాయర్ సుబ్బారావు సింగర్ మంగ్లీపై కంప్లైంట్ చేయగా... మంగ్లీ సహా ఆమె సోదరుడితో పాటు మరో ముగ్గురిపై పంజాగుట్ట పీఎస్‌లో కేసు నమోదైంది. మైక్రో ఫైనాన్స్ పేరిట రూ.10 కోట్ల మేర ఆమె మోసం చేశారని కొందరు తనకు చెప్పగా... ఈ విషయం తెలుసుకునేందుకు మంగ్లీని సంప్రదిస్తే తనను అవమానకరంగా మాట్లాడారని లాయర్ తెలిపారు. డబ్బులు ఆఫర్ చేశారని.... అందుకు అంగీకరించకుంటే బెదిరింపులకు పాల్పడ్డారని సుబ్బారావు ఫిర్యాదులో పేర్కొన్నారు.

మరోవైపు, సింగర్ మంగ్లీ సైతం లాయర్ సుబ్బారావుపై నార్సింగి పీఎస్‌లో కంప్లైంట్ చేశారు. తమతో లాయర్ అమర్యాదగా మాట్లాడారని... తనను కలవాలని ఒత్తిడి చేశారంటూ ఫిర్యాదులో పేర్కొన్నారు. తనను అప్రతిష్ట పాలు చేస్తానని బెదిరించారని... ఆయన తీరుతో తన ఫ్యామిలీ మెంబర్స్ తీవ్ర మానసిక ఒత్తిడికి లోనైనట్లు తెలిపారు. దీనిపై కూడా పోలీసులు కేసు నమోదు చేసి విచారిస్తున్నారు. 

ఈ క్రమంలో లాయర్ కంప్లైంట్‌లో డైరెక్టర్ వేణు ఊడుగుల పేరు కూడా ఉన్నట్లు ప్రచారం సాగింది. దీనిపైనే ఆయన తాజాగా క్లారిటీ ఇచ్చారు. ఈ కేసుతో తనకు ఎలాంటి సంబంధం లేదని చెప్పారు. 

మరిన్ని చదవండి

కొరియన్ కనకరాజు కంసామీద సాంగ్ - కొరియన్ లాంగ్వేజ్ విత్ క్యూట్ లవ్ లిరిక్స్