Saif Ali Khan Injured: 'దేవర' విలన్ సైఫ్ అలీ ఖాన్ మీద దాడి... బలమైన కత్తిపోట్లు, తీవ్ర గాయాలతో ఆసుపత్రికి

Saif Ali Khan Attacked: బాలీవుడ్ నటుడు సైఫ్ అలీ ఖాన్ మీద దాడి జరిగింది. కత్తిపోటు గాయాలతో ఆయన ఆసుపత్రి పాలు అయ్యారు. 

బాలీవుడ్ నటుడు సైఫ్ అలీ ఖాన్

Source : https://www.instagram.com/saifalikhan_online/

ముంబైలో జరిగిన ఒక ఘటన గురువారం ఉదయం హిందీ సినిమా ఇండస్ట్రీ అంతా ఉలిక్కిపడేలా చేసింది. ప్రముఖ నటుడు సైఫ్ అలీ ఖాన్ మీద దాడి జరిగింది.

ఇంట్లోకి చొరబడి దాడి చేసిన అగంతకుడు
బాలీవుడ్ నటుడు సైఫ్ అలీ ఖాన్, స్టార్ హీరోయిన్ కరీనా కపూర్ దంపతులు ముంబైలోని బాంద్రాలో నివాసం ఉంటున్నారు. కట్టుదిట్టమైన సెక్యూరిటీ ఉండే ఆ ఇంటిలోకి గురువారం ఉదయం తెల్లవారుజామున ఒక అగంతకుడు చొరబడ్డాడు. సైఫ్ అలీ ఖాన్ మీద కత్తితో దాడి చేశాడు. ఈ ఘటనలో ఆయనకు గాయాలు అయ్యాయి. హుటాహుటిన ఆయనను ఆసుపత్రికి తీసుకువెళ్లినట్లు తెలిసింది.

గురువారం తెల్లవారుజామున సుమారు రెండు గంటల సమయంలో ఘటన జరిగినట్లు తెలిసింది. పని మనిషితో ఎవరో గొడవ పడుతుంటే... సర్ది చెప్పడానికి సైఫ్ మధ్యలోకి వెళ్లారని, ఇద్దరి మధ్య గొడవలో ఇంటికి వచ్చిన అగంగతుకు సైఫ్ మీద దాడి చేశారని ప్రాథమిక సమాచారం అందుతోంది.

ముంబైలోని లీలావతి ఆస్పత్రిలో సైఫ్ అలీ ఖాన్ చికిత్స పొందుతున్నారు. ఆయన మెడ వెనుక భాగంలో 10 సెంటీమీటర్ల లోతైన కత్తిపోటును గుర్తించారు. అలాగే, ఎడమ చేతి మీద బలమైన కత్తి గాటు కూడా ఉందట. ఆయన వీపు మీద బలంగా కత్తితో దాడి చేయడంతో తీవ్ర గాయమైందని సమాచారం అందుతోంది. ప్రస్తుతం సైఫ్ అలీ ఖాన్ (Saif Ali Khan Injured)కు సర్జరీ జరుగుతోందని లీలావతి ఆస్పత్రి వర్గాలు తెలిపాయి. ఘటన జరిగిన సమయంలో కరీనా కపూర్, తైమూర్ ఇంటిలో లేరని తెలుస్తోంది.

Bollywood actor Saif Ali Khan injured in knife attack by intruder at his house in Mumbai; hospitalised: Police

— Press Trust of India (@PTI_News) January 16, 2025

సైఫ్ ఇంటిలోకి చొరబడిన ఆ దొంగ (అగంతకుడు) ఎవరు? సైఫ్ పని మనిషితో ఎందుకు గొడవ పడ్డాడు? అతను దొంగతనం చేయడానికి వచ్చాడా? లేదంటే ఇతర కారణాలు ఏమైనా ఉన్నాయా? అనేది తెలియాల్సి ఉంది. 

'దేవర'తో తెలుగుకు పరిచయమైన సైఫ్!
మాజీ క్రికెటర్ మన్సూర్ అలీ ఖాన్ పటౌడీ, ఒకప్పటి బాలీవుడ్ అందాల తార షర్మిల ఠాగూర్ దంపతుల కుమారుడు సైఫ్ ఆలీ ఖాన్. పటౌడి వారసుడికి నటన మీద ఆసక్తి ఉండడంతో హిందీ సినిమాల్లోకి వచ్చారు.‌ ఎన్టీఆర్ హీరోగా కొరటాల శివ దర్శకత్వం వహించిన పాన్ ఇండియా సినిమా దేవరతో తెలుగు చిత్ర సీమకు సైఫ్ పరిచయం అయ్యారు.

తనకంటే వయసులో పెద్దదైన అమృతతో ప్రేమలో పడి పెళ్లి చేసుకున్నారు. సైఫ్ అమృత ఇద్దరు పిల్లలు... ఇబ్రహీం అలీ ఖాన్, సరే అలీ ఖాన్. సారా కథానాయకుల నటిస్తుండగా త్వరలో ఇబ్రహీం హీరోగా పరిచయం కావడానికి రెడీ అవుతున్నారు. అమృత విడాకుల తర్వాత కరీనాను పెళ్లి చేసుకున్నారు సైఫ్. వాళ్ళిద్దరికీ కలిగిన సంతానమే తైమూర్.