Thalapathy 69: దళపతి విజయ్ లాస్ట్ సినిమాలో విలన్‌గా బాబీ డియోల్ - హీరోయిన్లుగా వాళ్లిద్దరూ?

Thalapathy 69 Cast: దళపతి విజయ్ కథానాయకుడిగా కెవిఎన్ ప్రొడక్షన్స్ సంస్థ ఓ భారీ సినిమా నిర్మిస్తోంది. హెచ్. వినోద్ దర్శకత్వం వహిస్తున్న ఆ సినిమాలో విలన్, హీరోయిన్, ఇతర నటీనటుల వివరాలు వెల్లడించారు.

విజయ్, బాబీ డియోల్

Source : https://x.com/KvnProductions

తమిళనాడులో అగ్ర కథానాయకుడు, ప్రజల్లో విపరీతమైన పాపులారిటీ కల ద‌ళ‌ప‌తి విజ‌య్ (Thalapathy Vijay) రాజకీయాల్లో అడుగు పెట్టారు. రాబోయే ఎన్నికల్లో పోటీ  చేసేందుకు ఇప్పటి నుండి సన్నద్ధం అవుతున్నారు. అయితే... చివరగా ఓ సినిమా చేసేందుకు ఆయన పచ్చజెండా ఊపిన సంగతి తెలిసిందే. విజయ్ లాస్ట్ సినిమా ప్రొడ్యూస్ చేసే అవకాశం కె.వి.ఎన్‌. ప్రొడ‌క్ష‌న్స్ సంస్థ సొంతం చేసుకుంది. ఆ సినిమాలో హీరోయిన్, విలన్, ఇతర నటీనటుల వివరాలను ఇవాళ వెల్లడించారు. 

ప్రతినాయకుడిగా హిందీ స్టార్ బాబీ డియోల్...
కథానాయికగా బుట్ట బొమ్మ పూజ, మమిత!
విజయ్ కథానాయకుడిగా రూపొందుతున్న 69వ చిత్రమిది (Thalapathy 69 Movie). ఈ సినిమాకు హెచ్. వినోద్ దర్శకత్వం వహించనున్నారు. తెలుగు, తమిళ, హిందీ భాషల్లో తెరకెక్కిస్తున్నారు. కె.వి.ఎన్‌. ప్రొడ‌క్ష‌న్స్ పతాకం మీద వెంకట్ కె నారాయణ ప్రొడ్యూస్ చేస్తున్నారు. జగదీష్ పళనిస్వామి, లోహిత్ సహ నిర్మాతలు.

'దళపతి 69'లో ప్రతినాయకుడిగా బాలీవుడ్ స్టార్ బాబీ డియోల్ నటించనున్నట్లు ఈ రోజు అనౌన్స్ చేశారు. తమిళ హీరోతో ఆయనకు రెండో చిత్రమిది. 'కంగువా'లో ఆయన నటించిన సంగతి తెలిసిందే. 'యానిమల్'తో ఆయనకు ఫేమ్ వచ్చిన తర్వాత సౌత్ సినిమా ఇండస్ట్రీ నుంచి ఆయనకు బోలెడు ఆఫర్లు వెళ్లాయి. వాటిలో కొన్ని మాత్రమే ఎంపిక చేసుకుంటున్నారు. 

100% official now, Super happy & excited to announce that @thedeol joins #Thalapathy69 cast 🔥#Thalapathy69CastReveal#Thalapathy @actorvijay sir #HVinoth @anirudhofficial @Jagadishbliss @LohithNK01 pic.twitter.com/KKCfaQZtON

— KVN Productions (@KvnProductions) October 1, 2024

'దళపతి 69'లో బాబీ డియోల్ (Bobby Deol) విలన్ కాగా... విజయ్ జంటగా నటించే అవకాశం బుట్ట బొమ్మ పూజా హెగ్డే (Pooja Hegde)తో పాటు మలయాళ బ్యూటీ, 'ప్రేమలు' ఫేమ్ మమితా బైజుకు దక్కింది. ఇంకా ఈ సినిమాలో ప్రియమణి, విలక్షణ నటుడు ప్రకాష్ రాజ్ కీలక పాత్రల్లో నటించనున్నారు.

అక్టోబ‌ర్ 2025లో 'దళపతి 69' గ్రాండ్ రిలీజ్!
Thalapathy 69 Release: దళపతి 69 సినిమా అనౌన్స్ చేసిన రోజే విడుదల విషయం గురించి చిత్ర నిర్మాణ సంస్థ స్పష్టమైన ప్రకటన చేసింది. వచ్చే ఏడాది అక్టోబర్ నెలలో సినిమాను విడుదల చేయనున్నట్లు తెలిపింది. ఈ చిత్రానికి అనిరుధ్ రవిచందర్ సంగీత దర్శకుడు. ఇండియన్ సినిమా హిస్టరీలో ఈ సినిమా ఒక ల్యాండ్ మార్క్ అయ్యేలా తెరకెక్కించడానికి దర్శకుడు హెచ్ వినోద్ సన్నాహాలు చేస్తున్నారు.