Ali Reza: 'బిగ్ బాస్' ఎంత పెద్ద దెబ్బ కొట్టింది బాసూ? రెండేళ్లు బ్యాన్!

Ali Reza - Big Boss Telugu: 'బిగ్ బాస్' షోలోకి వెళ్లి వచ్చిన తర్వాత చాలా మందికి అవకాశాలు వచ్చాయి. కానీ, అలీ రెజా మాత్రం అవకాశాలను కోల్పోవలసి వచ్చింది.

అలీ రెజా

Big Boss Effect On Ali Reza: 'బిగ్ బాస్' రియాలిటీ షో చాలా మందిని ఫేమస్ చేసింది. ఆ షోలోకి వెళ్లి వచ్చిన తర్వాత చాలా మందికి సినిమాల్లో అవకాశాలు వచ్చాయి. వాళ్ళ కెరీర్‌కు షో హెల్ప్ అయ్యింది. అయితే... హైదరాబాదీ కుర్రాడు అలీ రెజాకు మాత్రం మైనస్ అయ్యింది. అతడి కెరీర్ మీద పెద్ద దెబ్బ కొట్టింది. అసలు, ఏమైంది? అనే వివరాల్లోకి వెళితే...

'బిగ్ బాస్' హౌస్‌లోకి వెళ్ళడానికి ముందు తెలుగులో అలీ రెజా సీరియల్స్ చేశారు. కొన్ని సినిమాలు కూడా చేశారు. 'ధ్రువ' సినిమాలో రామ్ చరణ్ స్నేహితుల్లో ఒకరిగా నటించారు. అయితే... 'బిగ్ బాస్' హౌస్‌ (మూడో సీజన్, 2019) లోకి వెళ్లి వచ్చిన తర్వాత అక్కినేని నాగార్జున 'వైల్డ్ డాగ్' మినహా మరో సినిమాలో కనిపించలేదు. ఎందుకు అంటే... అతడి మీద తెలుగు తెలుగు సినిమా ప్రొడ్యూసర్స్ కౌన్సిల్ రెండేళ్లు బ్యాన్ విధించింది. అందువల్ల, సినిమాల్లో కనిపించడం తగ్గింది. 'అలీతో సరదాగా' కార్యక్రమంలో ఈ విషయాన్నీ అలీ రెజా చెప్పారు. అతడు చెప్పిన దాని ప్రకారం... తప్పు అతడి వైపు కూడా ఉంది.

telugu film producers council bans Ali Reza: 'బిగ్ బాస్ 3'లో కంటెస్టెంట్‌గా వెళ్ళడానికి ముందు ఒక సినిమా చేస్తున్నారు. అతడు హౌస్‌లోకి వెళ్ళడంతో ఆ సినిమా చిత్రీకరణకు అంతరాయం కలిగింది. దాంతో వాళ్ళు నిర్మాతల మండలిలో కంప్లయింట్ చేశారని తెలుస్తోంది. అలీ రెజాపై రెండేళ్లు బ్యాన్ విధించడానికి అదే కారణం అని సమాచారం. ఆ సినిమా ఏది? ఎవరు కంప్లయింట్ చేశారు? అనేది 'అలీతో సరదాగా' (Alitho Saradaga) షోలో అతడు చెబుతాడో? లేదో? చూడాలి. అతడితో పాటు నటుడు అమిత్ కూడా ఈ వారం షోలో సందడి చేయనున్నారు. 'పరువం వానగా...' పాటను అమిత్ విజిల్స్ రూపంలో పాడటం విశేషం. 

ప్రస్తుతం అలీ రెజాకు సినిమాలు వస్తున్నాయి. ఆది సాయికుమార్ 'CSI Sanatan' సినిమాలో నటిస్తున్నారు. కృష్ణవంశీ 'రంగ మార్తాండ' (Krishna Vamshi RangaMarthanda Movie) సినిమాలో ఒక రోల్ చేశారు. మరికొన్ని సినిమాలు ప్రకటించాల్సి ఉంది.