Balan The Boy: తెలుగు డబ్బింగ్ ఇంత ఘోరమా? మినిమమ్ కేర్ తీసుకోరా బాలన్?

Balan The Boy Telugu Trailer: 'మంజుమ్మేల్ బాయ్స్' దర్శకుడు చిదంబరం నుంచి వస్తున్న తాజా సినిమా 'బాలన్: ది బాయ్'. తాజాగా ట్రైలర్ విడుదలైంది. అందులో తెలుగు డబ్బింగ్ వరస్ట్ ఉందని విమర్శలు వస్తున్నాయి.

Balan The Boy Release Date: తెలుగులోనూ జూన్ 19న 'బాలన్ ది బాయ్' విడుదల కానుంది.

Source : https://www.youtube.com/watch?v=6J1QH64L_Xc

Show Quick Read

Key points generated by AI, verified by newsroom

• చిదంబరం 'బాలన్ ది బాయ్' తెలుగులో విడుదల సిద్ధమైంది.
• తెలుగు ట్రైలర్ డబ్బింగ్ నాణ్యతపై తీవ్ర విమర్శలు వెల్లువెత్తాయి.
• ప్రేక్షకుల అసంతృప్తి సినిమాపై ఆసక్తిని తగ్గించే అవకాశం ఉంది.
• తల్లి, కొడుకు చుట్టూ తిరిగే కథ, జూన్ 19న విడుదల.

చిదంబరం (Director Chidambaram) పేరు తెలుగు ప్రేక్షకులకు తెలుసో లేదో గానీ ఆయన దర్శకత్వంలో వచ్చిన 'మంజుమ్మేల్ బాయ్స్' (Manjummel Boys) అయితే తప్పకుండా తెలిసే ఉంటుంది. ఆయన దర్శకత్వంలో వస్తున్న తాజా సినిమా 'బాలన్ ది బాయ్' (Balan The Boy). తెలుగులోనూ 'మంజుమ్మేల్ బాయ్స్' హిట్ కావడంతో, ఇప్పుడీ 'బాలన్ ది బాయ్'ను కూడా తెలుగులో విడుదల చేయడానికి రెడీ అయ్యారు. లేటెస్టుగా తెలుగు ట్రైలర్ విడుదల చేశారు. అయితే ఆ ట్రైలర్ డబ్బింగ్ విషయంలో విమర్శలు వస్తున్నాయి. తెలుగు ప్రేక్షకుల నుంచి అసంతృప్తి వ్యక్తం అవుతోంది. 

తెలుగు డబ్బింగ్... మినిమమ్ కేర్ తీసుకోరా?
'బాలన్ ది బాయ్'లో చిదంబరం చెప్పాలనుకున్న కథపై గానీ, ఆయన చూపించిన విజువల్స్ మీద గానీ ఎటువంటి అభ్యంతరాలు లేవు. గ్రిప్పింగ్ స్టోరీతో సినిమా తీశారని అర్థం అవుతోంది. అయితే తెలుగు డబ్బింగ్ మాత్రం అసలు బాలేదని చెప్పాలి. డబ్బింగ్ ఆర్టిస్టులతో చెప్పించారా? లేదంటే ఏఐ ఉపయోగించారా? అనే సందేహాలు సైతం వ్యక్తం అయ్యాయి.

డబ్బింగ్ సినిమాలకు తెలుగు ప్రేక్షకులు వ్యతిరేకం కాదు. మోహన్ లాల్, మమ్ముట్టి వంటి స్టార్ హీరోలు నటించిన సినిమాలే కాదు... కొత్తవాళ్ళతో తెరకెక్కిన 'ప్రేమలు' వంటి సినిమాలను కూడా బాగా ఆదరించారు. అయితే ఇటువంటి వరస్ట్ డబ్బింగ్ ఉండటం అంటే తెలుగు ప్రేక్షకులకు గౌరవం ఇవ్వనట్టే. ట్రైలర్ చూసి సినిమాకు రావాలనుకున్న ప్రేక్షకులు సైతం ఆగిపోతారు.

'బాలన్: ది బాయ్' కథ విషయానికి వస్తే... ఓ చిన్న పిల్లాడు, అతని తల్లి చుట్టూ సినిమా తిరుగుతుంది. వాళ్ళిద్దరి జీవితంలో జరిగిన ఓ ఘటన వల్ల ఏమైంది? ఇద్దరి జీవితం ఎన్ని మలుపులు తిరిగింది? అనేది సినిమా కథగా తెలుస్తోంది. ఈ చిత్రానికి సుషిన్ శ్యామ్ సంగీత దర్శకుడు. వివేక్ హర్షన్ ఎడిటింగ్, షైజు ఖలీద్ సినిమాటోగ్రఫీ బాధ్యతలు నిర్వహించారు. కెవిఎన్ ప్రొడక్షన్స్ పతాకంపై వెంకట్ కె నారాయణ నిర్మించారు. జూన్ 19న థియేటర్లలో విడుదల కానుందీ సినిమా.