Buchi Babu Sana: సారీ లేడీస్... 'పెద్ది'లో ఆ సీన్స్ డిలీట్ చేస్తున్నా - దర్శకుడు బుచ్చి ట్వీట్

Buchi Babu Sana Apology Tweet: మహిళలకు 'పెద్ది' దర్శకుడు బుచ్చిబాబు సానా క్షమాపణలు చెప్పారు. విమర్శలకు కారణమైన జాన్వీ కపూర్ సీన్స్ డిలీట్ చేస్తున్నట్లు 'ఎక్స్'లో ట్వీట్ చేశారు.

మహిళలకు బుచ్చిబాబు క్షమాపణలు... 'పెద్ది'లో జాన్వీ ఎక్స్‌పోజింగ్ సీన్స్ డిలీట్

Source : https://www.youtube.com/watch?v=sF2dj7ycZvA

రామ్ చరణ్ 'పెద్ది' సినిమాలోని రొమాంటిక్ సన్నివేశాలపై తీవ్రమైన విమర్శలు వస్తున్నాయి. ముఖ్యంగా హీరోయిన్ జాన్వీ కపూర్ రోల్ 'అచ్చియమ్మ'ను తెరపై చూపించిన తీరు పట్ల మహిళలు మండిపడ్డారు. సోషల్ మీడియాలో అసంతృప్తి వ్యక్తం చేశారు. జాన్వీ డ్రస్‌లేంటి? బాడీ పార్ట్స్ మీద కెమెరా యాంగిల్స్ ఏంటి? అంటూ ఆగ్రహం వ్యక్తం చేశారు. ఇంత నెగిటివిటీ ఊహించలేదని ఓ ఇంటర్వ్యూలో పేర్కొన్న బుచ్చిబాబు... ఇప్పుడు మహిళలు అందరికీ క్షమాపణలు చెబుతూ 'ఎక్స్' వేదిక ట్వీట్ చేశారు. విమర్శలకు కారణమైన జాన్వీ కపూర్ (ఎక్స్‌పోజింగ్) సీన్స్ డిలీట్ చేస్తున్నట్టు పేర్కొన్నారు.

మహిళాలకు బుచ్చి క్షమాపణలు...
సారీ చెప్పడంతో పాటు సీన్స్ డిలీట్!
ప్రేక్షకుల మనోభావాలను గౌరవిస్తూ... సోషల్ మీడియా వేదికగా మహిళలకు బహిరంగ క్షమాపణలు చెప్పారు 'పెద్ది' దర్శకుడు బుచ్చిబాబు సానా. తన 'ఎక్స్' (ట్విట్టర్) ఖాతాలో ఆయన స్పందిస్తూ... ''సినిమా అనేది ప్రేక్షకులు అందరినీ అలరించడానికి, ప్రేరేపించడానికి, వారితో అనుసంధానం కావడానికి ఉండాలి తప్ప... ఎవరినీ అవమానించేలా లేదా అసౌకర్యానికి గురిచేసేలా ఉండకూడదు'' అన్నారు. 

'పెద్ది'లోని కొన్ని సన్నివేశాల పట్ల మహిళలు అసౌకర్యంగా ఫీల్ అవ్వడంతో ఆ వివాదాస్పద సన్నివేశాలను సినిమా నుంచి తొలగించినట్లు బుచ్చిబాబు తెలిపారు. ఇంకా ఆయన మాట్లాడుతూ... ''మారుతున్న కాలానికి అనుగుణంగా బాధ్యతాయుతమైన కథలను అందించాల్సిన అవసరం ఉంది. ప్రతి మహిళను గౌరవించాలి. తెరపై మహిళల పాత్రలను హుందాగా చూపించాడానికి నేను కట్టుబడి ఉన్నాను'' అని వెల్లడించారు. ఒక్క జాన్వీ కపూర్ పాత్రపై మాత్రమే కాదు... శృతి హాసన్ చేసిన ఐటమ్ సాంగ్ లిరిక్స్, బుచ్చిబాబు స్క్రీన్ ప్లే మీద కూడా విమర్శలు వచ్చాయి.

As a filmmaker, I believe cinema should entertain, inspire, and connect with audiences. It should never make anyone feel uncomfortable or disrespected. We have heard the feedback regarding certain scenes in Peddi and have taken it seriously.

I have always had immense respect for…

— BuchiBabuSana (@BuchiBabuSana) June 6, 2026

జాన్వీ కపూర్ పాత్రపై విమర్శలను పక్కన పెడితే... బాక్స్ ఆఫీస్ బరిలో 'పెద్ది' భారీ వసూళ్లు సాధిస్తోంది. రెండు రోజుల్లో 150 కోట్ల రూపాయల క్లబ్బులో చేరింది. మెగా పవర్ స్టార్ రామ్ చరణ్ కథానాయకుడిగా బుచ్చిబాబు సానా దర్శకత్వం వహించిన 'పెద్ది' సినిమాను వృద్ధి సినిమాస్ పతాకంపై వెంకట సతీష్ కిలారు ప్రొడ్యూస్ చేశారు. ఏఆర్ రెహమాన్ సంగీతం అందించారు. 'ఉప్పెన' తర్వాత బుచ్చిబాబు సానా దర్శకత్వం వహించిన చిత్రమిది.