Balakrishna NTR Multi Starrer : బాబాయ్ బాలకృష్ణ, అబ్బాయ్ ఎన్టీఆర్ మల్టీస్టారర్ - ఫ్యాన్స్ వెయిటింగ్ ఇక్కడ

Will NTR, Balakrishna Act Together? : బాబాయ్ బాలకృష్ణ, అబ్బాయ్ ఎన్టీఆర్ కలిసి సినిమా ఎప్పుడు చేస్తారు? వాళ్ళిద్దర్నీ స్క్రీన్ మీద చూడాలని నందమూరి ఫ్యాన్స్ వెయిట్ చేస్తున్నారు.

కళ్యాణ్ రామ్, బాలకృష్ణ, ఎన్టీఆర్

తెలుగులో మల్టీస్టారర్ సినిమాలు అరుదు. 'ఆర్ఆర్ఆర్ : రౌద్రం రణం రుధిరం' (RRR Movie) సినిమా కంటే ముందు కొన్ని మల్టీస్టారర్స్ వచ్చాయి. అయితే, ఆ సినిమాల్లో ఒక సీనియర్ స్టార్ హీరో, మరో యంగ్ స్టార్ కలిసి నటించారు. ప్రజెంట్ టాలీవుడ్ టాప్ యంగ్ స్టార్ హీరోలు ఎవరూ కలిసి మల్టీస్టారర్ చేయలేదు. ఒక విధంగా 'సీతమ్మ వాకిట్లో సిరిమల్లె చెట్టు' ప్రేక్షకుల దృష్టిని ఆకర్షించిన క్రేజీ మల్టీస్టారర్ అని చెప్పుకోవాలి. ఇప్పుడు తెలుగులో ఫ్యామిలీ మల్టీస్టారర్స్ కొన్ని వస్తున్నాయి.

కొణిదెల, అక్కినేని మల్టీస్టారర్స్ వచ్చేశాయ్
సినిమా రిజల్ట్ పక్కన పెడితే కొణిదెల ఫ్యామిలీ మల్టీస్టారర్ ప్రేక్షకుల ముందుకు వచ్చింది. 'ఆచార్య' సినిమాలో మెగాస్టార్ చిరంజీవి, ఆయన తనయుడు మెగా పవర్ స్టార్ రామ్ చరణ్ నటించారు. గురు శిష్యులుగా కనిపించారు.

అక్కినేని ఫ్యామిలీ మల్టీస్టారర్ సినిమాల గురించి అయితే చెప్పాల్సిన అవసరం లేదు. 'మనం'లో మూడు తరాల హీరోలు కనిపించారు. అక్కినేని నాగేశ్వరరావు, ఆయన తనయుడు కింగ్ నాగార్జున, మనవడు నాగ చైతన్య కలిసి నటించారు. అతిథి పాత్రలో అఖిల్ మెరిశారు. 'సోగ్గాడే చిన్ని నాయనా', 'బంగార్రాజు' సినిమాల్లో తండ్రీ కుమారులు నాగార్జున, నాగచైతన్య నటించారు. ఇప్పుడు నాగార్జున, అఖిల్ మల్టీస్టారర్ ప్లానింగులో ఉందని టాలీవుడ్ టాక్.

ఓటీటీలో దగ్గుబాటి మల్టీస్టారర్
Rana Naidu Web Series : విక్టరీ వెంకటేష్, ఆయన అన్నయ్య కుమారుడు రానా నటించిన వెబ్ సిరీస్ 'రానా నాయుడు'. దగ్గుబాటి హీరోలు కలిసి నటించడం ఇదే తొలిసారి. తెలుగులో వస్తున్న ఫ్యామిలీ మల్టీస్టారర్స్ అభిమానులకు ఆనందాన్ని ఇస్తున్నాయి. ఒక్క నందమూరి అభిమానులకు తప్ప! అందుకని, వాళ్ళు బాబాయ్ - అబ్బాయ్ మల్టీస్టారర్ కోసం వెయిట్ చేస్తున్నారు. 

బాలకృష్ణ, ఎన్టీఆర్ కలిసి నటించేది ఎప్పుడు?
నట సింహం బాలకృష్ణ, యంగ్ టైగర్ ఎన్టీఆర్ కలిసి ఓ సినిమా చేస్తే చూడాలని ఉందని నందమూరి అభిమానులు చెబుతున్నారు. తమ కోరిక తీరేది ఎప్పుడో అని వెయిట్ చేస్తున్నారు. బాబాయ్, అబ్బాయ్ కలిసి నటిస్తే ఆ సినిమాకు వచ్చే క్రేజ్ మామూలుగా ఉండదు. 

బాలకృష్ణతో కలిసి కళ్యాణ్ రామ్ నటించారు. 'ఎన్టీఆర్' బయోపిక్‌లో తండ్రి పాత్రలో బాలకృష్ణ నటించారు. కళ్యాణ్ రామ్ కూడా ఆయన తండ్రి హరికృష్ణ పాత్రలో నటించారు. వాళ్ళిద్దరూ పూర్తి స్థాయిలో ఒక్క మల్టీస్టారర్ సినిమాలు చేసినా... నందమూరి బ్రదర్స్ ఎన్టీఆర్, కళ్యాణ్ రామ్ నటించినా బావుంటుందని అభిమానులు కోరుకుంటున్నారు. ఆ కోరిక ఎప్పుడు నెరవేరుతుందో? వెయిట్ అండ్ సి!

ప్రస్తుతం నందమూరి హీరోలు అందరూ తమ తమ సినిమాలతో బిజీ బిజీగా ఉన్నారు. అనిల్ రావిపూడి దర్శకత్వంలో బాలకృష్ణ ఓ సినిమా చేస్తున్నారు. దాని తర్వాత రాజకీయ నేపథ్యంలో ఓ సినిమా చేసే అవకాశాలు ఉన్నాయని వినికిడి. 'ఆర్ఆర్ఆర్' తర్వాత మళ్ళీ ఆ స్థాయి విజయం కోసం ఎన్టీఆర్ చూస్తున్నారు. కొరటాల శివ దర్శకత్వంలో సినిమాను త్వరలో సెట్స్ మీదకు తీసుకు వెళ్లనున్నారు. ఆ తర్వాత 'కెజియఫ్' ఫేమ్ ప్రశాంత్ నీల్ దర్శకత్వంలో సినిమా ఓకే చేశారు. కళ్యాణ్ రామ్ 'డెవిల్' సినిమా చేస్తున్నారు.