Bad Boy Karthik: నాగశౌర్య సినిమాను ఎత్తేశారు... వారానికే థియేటర్ల నుంచి 'బ్యాడ్ బాయ్ కార్తీక్' అవుట్

Bad Boy Karthik Result Responce: 'బ్యాడ్ బాయ్ కార్తీక్' సినిమాకు ఎంత బ్యాడ్ రెస్పాన్స్ వచ్చిందనేది చెప్పడానికి ఇది మరొక ఉదాహరణ. థియేటర్ల నుంచి వారానికే సినిమాను ఎత్తేశారు.

థియేటర్లలో 'బ్యాడ్ బాయ్ కార్తీక్' రిజల్ట్ చూశాక నాగశౌర్య తప్పకుండా తాను చేయబోయే సినిమాల కథల ఎంపికలో జాగ్రత్త వహించాలి.

Source : ABPLIVE AI

బహుశా నాగశౌర్య తన కెరీర్‌లో ఇంతటి దారుణమైన పరాజయాన్ని ఎప్పుడూ చూసి ఉండరు. కొత్త హీరోలు సైతం థియేటర్లకు ప్రేక్షకులను రప్పిస్తున్న సమయంలో... డజనుకు పైగా సినిమాలు చేసిన హీరో, ఖాతాలో మంచి హిట్స్, కటౌట్ పెట్టుకున్న హీరో సినిమా 'బ్యాడ్ బాయ్ కార్తీక్'పై ప్రేక్షకులు కనెత్తి చూడకపోవడం దారుణం. అంతకంటే దారుణం ఏమిటంటే... వారానికి థియేటర్లలో నుంచి ఈ సినిమాను ఎత్తేశారు.

మల్టీప్లెక్స్‌లలో నో బ్యాడ్ బాయ్ షోస్!
'బ్యాడ్ బాయ్ కార్తీక్'కు మొదటి రోజు విమర్శకుల నుంచి విపరీతమైన నెగిటివ్ రివ్యూలు వచ్చాయి. మిక్స్డ్ టాక్ అసలు లేదు. క్రిటిక్స్ అందరూ సినిమాను చీల్చి చెండాడారు. అసలే సినిమాకు బజ్ లేదని అనుకుంటే... వచ్చిన రివ్యూలు సైతం ఇంపాక్ట్ చూపించాయి. దాంతో రెండో రోజు నుంచి థియేటర్ల వైపు ప్రేక్షకులు కన్నెత్తి చూడటం మానేశారు.

'బాడ్ బాయ్ కార్తీక్'కు మొదటి రోజు సైతం ఏమంత గొప్ప రెస్పాన్స్ లేదు. సినిమా ఆక్యుపెన్సీ ఐదు శాతానికి మించలేదు. దాంతో నోరెళ్లబెట్టాయి ట్రేడ్ వర్గాలు. ఈ మధ్య కాలంలో యంగ్ హీరోల సినిమాలు వేటికీ ఇంత దారుణమైన రెస్పాన్స్ రాలేదని పేర్కొన్నాయి. రెండో రోజు నుంచి కొన్ని ప్రాంతాలలో ఆ మాత్రం ఆక్యుపెన్సీ కూడా లేదు. వసూళ్ల గురించి ఎంత తక్కువ మాట్లాడుకుంటే అంత మంచిది. లక్షల్లోపే కలెక్ట్ చేసిందీ సినిమా. 

ఆక్యుపెన్సీతో సంబంధం లేకుండా మొదటి రోజు నుంచి సింగిల్ స్క్రీన్ థియేటర్ యాజమాన్యాలు సినిమాను ప్రదర్శించాయి. మల్టీప్లెక్సులు షోస్ షెడ్యూల్ చేశాయి. టికెట్స్ తెగిన చోట సినిమాను ప్రదర్శించారు. తెగని చోట క్యాన్సిల్ చేశారు. లేటెస్ట్ అప్డేట్ ఏమిటంటే... శుక్రవారం కొత్త సినిమాలు రావడంతో 'బ్యాడ్ బాయ్ కార్తీక్' షోస్ షెడ్యూల్ చేయడం మానేశాయి మల్టీప్లెక్సులు. ఈ సినిమాతో పాటు విడుదలైన 'పాపం ప్రతాప్', 'తిమ్మరాజుపల్లి టీవీ'లకు మాత్రం షోస్ షెడ్యూల్ చేశాయి. హైదరాబాద్ సిటీ విషయానికి వస్తే... సప్తగిరి 70 ఎంఎంలో తప్ప మరొక థియేటర్‌లో సినిమా లేదు. అదీ పరిస్థితి.

నాగశౌర్యకు ఇదొక మేలుకొలుపు!?
'బ్యాడ్ బాయ్ కార్తీక్' ఫలితాన్ని నాగశౌర్యకు ఒక మేలుకొలుపుగా ట్రేడ్ పండితులు చెబుతున్నారు. ప్రేక్షకులు ఎటువంటి సినిమాలను కోరుకుంటున్నారనేది ఇప్పటికి అయినా అర్థం చేసుకోవాలని చెబుతున్నారు. ప్రతి హీరోకి ఒక ప్రైమ్ టైమ్ అనేది ఉంటుంది. యంగ్ కాబట్టి నాగశౌర్యకు మంచి ఎక్స్‌పరిమెంట్స్ చేసే అవకాశం ఉంది. కానీ, ఆయన రొటీన్ కథలను ఎంపిక చేసుకుని బోల్తా పడుతున్నారు. మూడేళ్ళ క్రితం విడుదలైన 'రంగబలి', ఇప్పుడీ 'బ్యాడ్ బాయ్ కార్తీక్... బ్యాక్ టు బ్యాక్ ఫ్లాప్స్ ఎదుర్కొన్నారు. నెక్స్ట్ ఏం చేస్తారో? ప్రస్తుతం ఆయన చేతిలో రెండు సినిమాలు ఉన్నట్టు తెలుస్తోంది. అవి ఎలా ఉంటాయో? వెయిట్ అండ్ సీ.