Amardeep Chowdary : ఒకే ఒక్క ఛాన్స్ ప్లీజ్ - నానికి 'అష్టా చెమ్మా' నాకు 'సుమతీ శతకం'... హీరో అమర్దీప్ చౌదరి రిక్వెస్ట్
Amardeep Chowdary Reaction : బిగ్ బాస్ ఫేం అమర్దీప్ చౌదరి హీరోగా ఎంట్రీ ఇస్తున్న ఫస్ట్ మూవీ 'సుమతీ శతకం'. శుక్రవారం సినిమా రిలీజ్ కానుండగా... ప్రీ రిలీజ్ ఈవెంట్లో ఇంట్రెస్టింగ్ కామెంట్స్ చేశారు.
Amardeep Chowdary Speech In Sumathi Sathakam Pre Release Event : 'జానకి కలగనలేదు' సీరియల్తో ఫుల్ ఫేమ్ సంపాదించుకుని ఆ తర్వాత రియాలిటీ షోస్, బిగ్ బాస్తో ఫుల్ పాపులారిటీ సంపాదించుకున్నారు అమర్దీప్ చౌదరి. ఆయన హీరోగా ఎంట్రీ ఇస్తున్న మూవీ 'సుమతీ శతకం' శుక్రవారం ప్రేక్షకుల ముందుకు రానుంది. ఈ క్రమంలో ప్రీ రిలీజ్ ఈవెంట్లో ఇంట్రెస్టింగ్ కామెంట్స్ చేశారు.
ఒక్క ఛాన్స్ ప్లీజ్...
తాను యూట్యూబర్గా కెరీర్ ప్రారంభించి ఆ తర్వాత సీరియళ్లు, చిన్న చిన్న సినిమాలతో ఈ స్థాయికి వచ్చినట్లు తెలిపారు అమర్దీప్. 'నా వెనుక ఏ బ్యాగ్రౌండ్ లేదు. నా కష్టం, టాలెంటే నా గ్రౌండ్. వచ్చిన ప్రతీ ఒక్క అవకాశాన్ని వినియోగించుకుంటూ వచ్చాను. అలా నాకు వచ్చిన గొప్ప అవకాశం సుమతీ శతకం. నేచరల్ స్టార్ నానికి అష్టా చెమ్మా మూవీతో ఎలాంటి హిట్ అయితే వచ్చిందో అలాగే ఈ మూవీతో నాకు వైబ్ వస్తుందని నమ్ముతున్నా.
ఒక్క ఛాన్స్ ప్లీజ్. ఒకే ఒక్క ఛాన్స్ ఇచ్చి చూడండి. నేనేంటో చూపిస్తా. నేను ఇష్టపడి ప్రాణం పెట్టి చేసిన సినిమా సుమతీ శతకం. నాకు వేరే ఆప్షన్ లేదు. నేను ఈ సినిమాతోనే బయటకు రావాలి. నేను రాత్రికి రాత్రే పెద్ద హీరో అయిపోతాను అని చెప్పను. కానీ ఈ మూవీతో నేను నిలబడగలను అని మాత్రం చెప్తా. నా కంటే మించిన ఆర్టిస్టులు ఉన్నా మా ప్రొడ్యూసర్స్ నన్ను ఎంచుకోవడం చాలా హ్యాపీగా అనిపించింది. సుమతీ శతకం అందరికీ నచ్చుతుంది. ఎక్కడా బోర్ కొట్టదు. చాలా ఎంటర్టైనింగ్గా ఉంటుంది.' అంటూ చెప్పారు.
Also Read : రామ్ చరణ్ 'పెద్ది' ఎఫెక్ట్ - అఖిల్ అక్కినేని 'లెనిన్' వాయిదా పడనుందా?
'రవితేజ నా ఇన్స్పిరేషన్'
మాస్ మహారాజ రవితేజ తన ఇన్స్పిరేషన్ అని చెప్పారు అమర్ దీప్. 'నేనేదో పాపులర్ కావడానికి రవితేజ పేరు వాడుకోవడం లేదు. ఆయన నాకు గురువు. ఆయనంటే నాకు ప్రాణం. చిన్నప్పటి నుంచి ఆయన సినిమాలు చూసి పెరిగా. ఇన్స్పిరేషన్గా తీసుకున్నా. దేవున్ని వరం కావాలని మాత్రమే అడుగుతాం. కానీ ఇది కావాలి అని డిమాండ్ చేయం.' అని అన్నారు. 'సుమతీ శతకం' సినిమాలో అన్నీ పాత్రలు హీరోయేనని... అందరూ సపోర్ట్ చేయాలని రిక్వెస్ట్ చేశారు.
టికెట్స్ రేట్స్ ఇవే
టికెట్ రేట్స్ అందరికీ అందుబాటులోనే ఉంటాయని నిర్మాతలు తెలిపారు. మల్టీ ఫ్లెక్సుల్లో 150, సింగిల్ స్క్రీన్లలో 100 రూపాయలు ఉంటుందని... సినిమాలో మంచి ఎంటర్టైన్మెంట్ అందిస్తామని... అందరూ ఎంజాయ్ చేయాలని చెప్పారు.
ఎంఎం నాయుడు దర్శకత్వం వహించిన మూవీలో అమర్ దీప్ సరసన సాయిలీ చౌదరి హీరోయిన్గా నటించారు. కొమ్మాలపాటి శ్రీధర్ సమర్పణలో విజన్ మూవీ మేకర్స్ బ్యానర్పై కొమ్మాలపాటి సాయి సుధాకర్ నిర్మించారు. బిగ్ బాస్ ఫేం టేస్టీ తేజ కీలకపాత్ర పోషించారు. యూత్ ఫుల్ ఫ్యామిలీ ఎంటర్టైనర్గా సినిమా ప్రేక్షకుల ముందుకు రానుంది.
Before You Go
Who Is Podarillu Serial Heroine Kruthika? | హీరోయిన్ కృతిక బ్యాక్గ్రౌండ్ తెలుసా?
టాప్ హెడ్ లైన్స్
ట్రెండింగ్ వార్తలు
