Pushpa 2: కళ్లు చెదిరే యాక్షన్ సీక్వెన్స్ తో క్లైమాక్స్- ‘పుష్స 2‘ నుంచి సాలిడ్ అప్ డేట్ ఇచ్చిన మేకర్స్!

‘పుష్ప 2’ సినిమాకు సంబంధించి మేకర్స్ కీలక అప్ డేట్ ఇచ్చారు. ప్రస్తుతం క్లైమాక్స్ సీన్స్ షూట్ చేస్తున్నట్లు వెల్లడించారు. అద్భుతమైన యాక్షన్ సన్నివేశాలు చిత్రీకరిస్తున్నట్లు తెలిపారు.

‘పుష్ప 2‘లో అల్లు అర్జున్

Source : Pushpa/Instagram

Pushpa 2 Climax Shooting: గత కొంతకాలంగా ‘పుష్ప 2’ సినిమాకు సంబంధించి  వస్తున్న ఊహాగానాలకు ఎట్టకేలకు మేకర్స్ చెక్ పెట్టారు. అల్లు అర్జున్, సుకుమార్ మధ్య విభేదాలు ఉన్నాయంటూ కొద్ది రోజులుగా వార్తలు వస్తున్నాయి. బన్నీ గడ్డం తీసేసి, విదేశాలకు వెళ్లిపోయారంటూ ఊహాగానాలు వినిపించాయి.  ఒకానొక సమయంలో ‘పుష్ప 2’ షూటింగ్ నిలిచిపోయిందంటూ వార్తలు వచ్చాయి. ప్రస్తుత పరిస్థితులలో సినిమా విడుదల వాయిదా పడటం ఖాయమనే టాక్ వినిపించింది. ఈ నేపథ్యంలో మేకర్స్ కీలక అప్ డేట్ ఇచ్చారు. సినిమా షూటింగ్ కు సంబంధించి అదిరిపోయే విషయాన్ని వెల్లడించారు. ప్రస్తుతం క్లైమాక్స్ షూట్ చేస్తున్నట్లు వివరించారు.  

క్లైమాక్స్ షూటింగ్ గురించి చిత్ర నిర్మాణ సంస్థ కీలక అప్ డేట్

తాజాగా ‘పుష్ప 2: ది రూల్’ షూటింగ్ గురించి చిత్ర నిర్మాణ సంస్థ మైత్రి మూవీ మేకర్స్ కీలక విషయాన్ని వెల్లడించింది. క్లైమాక్స్ కోసం యాక్షన్ సీక్వెన్స్ షూటింగ్ జరుగుతున్నట్లు తెలిపింది. డిసెంబర్ 6న ఈ సినిమా ప్రపంచ వ్యాప్తంగా విడుదల కాబోతోందని స్పష్టం చేసింది. ఈ మేరకు జాతర ఫైట్ కు సంబంధించి చిన్న క్లిప్ ను సోషల్ మీడియాలో షేర్ చేసింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Pushpa (@pushpamovie)

బన్నీ ఫ్యాన్స్ ఫుల్ ఖుషీ

‘పుష్ప 2’ గురించి రకరకాల వార్తలు వచ్చిన నేపథ్యంలో తాజా ప్రకటన విని అభిమానులు ఫుల్ ఖుషీ అవుతున్నారు. అంతేకాదు, ఇన్ని రోజులు వచ్చిన వార్తలు నిజం కాదని తెలియడంతో సంతోషం వ్యక్తం చేస్తున్నారు. క్లైమాక్స్ షూటింగ్ జరుగుతుందని తెలియడంతో కచ్చితంగా ముందుగా అనుకున్నట్లుగానే డిసెంబర్ 6న సినిమా విడుదల కావడం పక్కా అని సంతోషం వ్యక్తం చేస్తున్నారు. ‘పుష్ప’ సినిమాకు మించి ఈ చిత్రం సక్సెస్ కావడం ఖాయమని భావిస్తున్నారు.  

డిసెంబర్ 6న ‘పుష్ప 2’ విడుదల

వాస్తవానికి ‘పుష్ప 2’ సినిమా ఆగష్టు 15న విడుదలకావాల్సి ఉంది. కానీ, షూటింగ్ ఆలస్యం కావడం, నిర్మాణాంతర పనులలో జాప్యం కారణంగా వాయిదా పడింది. డిసెంబర్ 6న విడుదల చేయబోతున్నట్లు మేకర్స్ ప్రకటించారు. దర్శకుడు సుకుమార్ కారణంగానే సినిమా షూటింగ్ ఆలస్యం అయినట్లు వార్తలు వచ్చాయి. అయితే, అన్నీ కేవలం ఊహాగానాలు మాత్రమేనని ఇండస్ట్రీలో టాక్ వినిపించింది. 

2021లో వచ్చిన అద్భుత విజయాన్ని అందుకున్న ‘పుష్ప’ సినిమాను మించి ఈ సినిమాను చిత్రీకరిస్తున్నారు మేకర్స్. ప్రతి సీన్ విషయంలో దర్శకుడు ప్రత్యేక శ్రద్ధ తీసుకుంటున్నారు. ఈ నేపథ్యంలోనే షూటింగ్ అనుకున్న సమయానికంటే ఆలస్యం అవుతున్నట్లు తెలిసింది. సినిమా షూటింగ్ ఆలస్యం కావడం పట్ల బన్నీ అసంతృప్తి వ్యక్తం చేసినట్లు ఊహాగానాలు వినిపించాయి.

మొత్తంగా సినిమా క్లైమాక్స్ కు చేరడంతో అందరూ సంతోషం వ్యక్తం చేస్తున్నారు. సుకుమార్ దర్శకత్వం వహిస్తున్న ఈ సినిమాలో బన్నీకి జోడీగా రష్మిక మందన్న హీరోయిన్ గా నటిస్తోంది. మలయాళీ నటుడు ఫహద్ ఫాసిల్ కీలక పాత్ర పోషిస్తున్నారు. దేవిశ్రీ ప్రసాద్ సంగీతం అందిస్తున్నారు. ఇప్పటికే ఈ సినిమాకు సంబంధించి విడుదలైన రెండు పాటలు బాగా పాపులర్ కావడంతో పాటు మూవీపై అంచనాలు పెంచాయి. మైత్రి మూవీ మేకర్స్ సంస్థ ఈ సినిమాను ప్రతిష్టాత్మకంగా నిర్మిస్తోంది.