Pushpa 2 Teaser: ‘పుష్ప 2’ టీజర్‌‌పై ఆలియా భట్ కామెంట్స్ - అల్లు అర్జున్ స్పందన ఇదే!

Pushpa The Rule Teaser: అల్లు అర్జున్ బర్త్ డే సందర్భంగా ‘పుష్ప 2’ టీజర్ రిలీజ్ అవ్వడంతో ఫ్యాన్స్‌తో సహా సెలబ్రిటీలు సైతం దీనిని ప్రశంసిస్తున్నారు. ఆలియా భట్ కూడా టీజర్‌ను షేర్ చేసింది.

Image Credit: Alia Bhatt and Pushpa/Instagram

Alia Bhatt Shares Pushpa The Rule Teaser: ఐకాన్ స్టార్ అల్లు అర్జున్ తన 42వ పుట్టినరోజును సెలబ్రేట్ చేసుకుంటున్నాడు. ఈ సందర్భంగా ఫ్యాన్స్‌ను ఖుషీ చేయడం కోసం వారంతా ఎంతగానో ఎదురుచూస్తున్న ‘పుష్ప 2’ టీజర్‌ను మేకర్స్ రిలీజ్ చేశారు. టీజర్‌లో లేడీ గెటప్‌లో అల్లు అర్జున్ ఊచకోత మాత్రమే ఉంది. ఇక బన్నీ బర్త్ డేకు విషెస్ చెప్తూ.. చాలామంది సినీ సెలబ్రిటీలు సైతం ‘పుష్ప 2’ టీజర్‌ను తమ సోషల్ మీడియాలో షేర్ చేస్తున్నారు. అందులో ఆలియా భట్ కూడా ఒకరు. ‘ఆర్ఆర్ఆర్’తో తెలుగు ప్రేక్షకులకు, టాలీవుడ్ సెలబ్రిటీలకు ఆలియా దగ్గరయ్యింది. ఇక తన మూవీ టీజర్‌ను ఈ భామ షేర్ చేయడంపై బన్నీ రియాక్ట్ అయ్యాడు.

టీజర్ అద్భుతంగా ఉంది..

ఏప్రిల్ 8న సోషల్ మీడియాలో మొత్తం బన్నీ బర్త్ డే విషెస్‌తోనే నిండిపోయింది. టాలీవుడ్ నుంచి బాలీవుడ్ వరకు ఎంతోమంది సెలబ్రిటీలకు తనకు పుట్టినరోజు శుభాకాంక్షలు చెప్తున్నారు. సెలబ్రిటీలు మాత్రమే కాదు.. ఫ్యాన్స్ కూడా తన బర్త్ డేను ఒక పండగలాగా సెలబ్రేట్ చేస్తున్నారు. ఇక ఫ్యాన్స్‌ను మరింత ఖుషీ చేయడం కోసం ‘పుష్ప 2’ టీజర్‌ను కూడా రిలీజ్ చేశారు మేకర్స్. ఈ టీజర్ తనకు చాలా నచ్చడంతో ఆలియా భట్.. దీనిని తన సోషల్ మీడియాలో షేర్ చేసింది. ‘హ్యాపీ బర్త్ డే అల్లు అర్జున్. టీజర్ అద్భుతంగా ఉంది’ అంటూ తన అభిప్రాయన్ని బయటపెట్టింది. ఇక తన సినిమా టీజర్‌కు ప్రశంసలు రావడంతో అల్లు అర్జున్ స్పందించాడు.

సోషల్ మీడియా ఫ్రెండ్స్..

ఆలియా భట్ ఇన్‌స్టాగ్రామ్ స్టోరీని అల్లు అర్జున్ రీషేర్ చేశాడు. ‘చాలా థాంక్స్ డియర్. టీజర్ నీకు అద్భుతంగా అనిపించినందుకు సంతోషం’ అంటూ రిప్లై ఇచ్చాడు. ఇక ఆలియా భట్.. ‘పుష్ప 2’ను షేర్ చేయడం, దానికి బన్నీ రిప్లై ఇవ్వడం ప్రస్తుతం సోషల్ మీడియాలో వైరల్ అవుతోంది. అయినా ఆలియా, అల్లు అర్జున్ మధ్య ఓపెన్‌గా సోషల్ మీడియా సంభాషణ జరగడం ఇదేమి మొదటిసారి కాదు. ఈ బాలీవుడ్ భామ సినిమాల అప్డేట్స్ బయటికి వచ్చినప్పుడు కూడా బన్నీ సోషల్ మీడియా ద్వారా విషెస్ చెప్తూనే ఉంటాడు. అలాగే గతేడాది ఇద్దరికీ నేషనల్ అవార్డ్స్ వచ్చినప్పుడు కూడా వీరు ఇలాగే కంగ్రాట్స్ చెప్పుకున్నారు.

అనుకున్నట్టుగానే టీజర్..

మెగా హీరోలతో పాటు ఎన్‌టీఆర్, నాని లాంటి ఇతర స్టార్లు సైతం అల్లు అర్జున్ బర్త్ డేకు విషెస్ తెలిపారు. ఇక సినిమాల విషయానికొస్తే.. ప్రస్తుతం బన్నీ, సుకుమార్ కాంబినేషన్‌లో ‘పుష్ప 2’ గురించే ప్రేక్షకులు వెయ్యి కళ్లతో ఎదురుచూస్తున్నారు. ఇప్పటివరకు ఈ మూవీ నుంచి పెద్దగా అప్డేట్స్ రాకపోవడంతో అల్లు అర్జున్ బర్త్ డే సందర్భంగా కచ్చితంగా ‘పుష్ప 2’ నుంచి ఏదో ఒక అప్డేట్ వస్తుందని ఫ్యాన్స్ భావించారు. అనుకున్నట్టే మూవీ టీజర్ విడుదలయ్యింది. ఇక ఈ టీజర్‌తో మాస్ జాతర మొదలయ్యిందని బన్నీ ఫ్యాన్స్ సంతోషిస్తున్నారు. పైగా ఇందులో అల్లు అర్జున్.. అమ్మాయిగా చీర కట్టుకొని లేడీ గెటప్‌లో అందరినీ ఆశ్చర్యపరిచాడు.