Bhoot Bangla Release Date: సమ్మర్‌లో అక్షయ్ కుమార్ హారర్ కామెడీ... 'భూత్ బంగ్లా' రిలీజ్ డేట్ ఫిక్స్

Akshay Kumar's Bhoot Bangla Release Date: అక్షయ్ కుమార్ హీరోగా ప్రియదర్శన్ దర్శకత్వం వహిస్తున్న 'భూత్ బంగ్లా' సినిమా విడుదల తేదీ ప్రకటించారు. ఈ చిత్రం కోసం అభిమానులు ఆసక్తిగా ఎదురు చూస్తున్నారు.

భూత్ బంగ్లా విడుదల తేదీ ఖరారైంది

Source : imdb

అక్షయ్ కుమార్ హీరోగా నటించిన సినిమా 'భూత్ బంగ్లా'. ఈ సంవత్సరం హిందీ ప్రేక్షకులు ఎక్కువగా ఎదురు చూస్తున్న సినిమాల్లో ఇదొకటి. ఇదొక హారర్ కామెడీ. అక్షయ్ కుమార్, ప్రియదర్శన్ 14 సంవత్సరాల తర్వాత మళ్లీ కలిసి చేస్తున్న చిత్రమిది. ఈ కాంబోలో గతంలో కూడా అనేక హిట్ చిత్రాలు వచ్చాయి. కాబట్టి అభిమానులలో ఈ సినిమాపై చాలా ఆసక్తి ఉంది. ఈ రోజు నిర్మాతలు చివరకు 'భూత్ బంగ్లా' విడుదల తేదీ ప్రకటించారు. ఈ సినిమా ఎప్పుడు థియేటర్లలోకి వస్తుందో ఇక్కడ తెలుసా?

మే 15న థియేటర్లలోకి 'భూత్ బంగ్లా'
ప్రియదర్శన్ దర్శకత్వం వహించిన, అక్షయ్ కుమార్ నటించిన రాబోయే చిత్రం 'భూత్ బంగ్లా' విడుదల తేదీ ఖరారైంది. ఈ ప్రాజెక్ట్ ప్రకటించినప్పటి నుండి, అభిమానులు మూవీ రిలీజ్ కోసం ఆసక్తిగా ఎదురు చూస్తున్నారు. ఈ సినిమా మే 15, 2026న థియేటర్లలోకి రానుంది. చిత్ర నిర్మాతలు సోషల్ మీడియాలో అధికారికంగా అనౌన్స్‌ చేశారు. అక్షయ్ పోస్టర్‌ షేర్ చేస్తూ 'భూత్ బంగ్లా' విడుదల తేదీని ప్రకటించారు. పోస్టర్‌తో పాటు "బంగ్లా నుండి ఒక వార్త వచ్చింది! మే 15, 2026న భూత్ బంగ్లా థియేటర్లలో విడుదలవుతోంది" అని రాశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Balaji Motion Pictures (@balajimotionpictures)

భూత్ బంగ్లా రిలీజ్ డేట్ అనౌన్స్‌ చేయడంతో అక్షయ్ ఫ్యాన్స్‌లో ఉత్సాహం పెరిగింది. అక్షయ్ కుమార్‌తో హారర్ కామెడీ మాస్టర్ ప్రియదర్శన్ మరోసారి కలిసి సినిమా చేయడంతో అభిమానులు సంతోషంగా ఉన్నారు. 'భూత్ బంగ్లా'పై చాలా ఆశలు పెట్టుకున్నారు.

'భూత్ బంగ్లా'లో ఎవరెవరు ఉన్నారు?
'భూత్ బంగ్లా'లో అక్షయ్ కుమార్‌తో పాటు టబు, పరేష్ రావల్, రాజ్‌పాల్ యాదవ్, జిస్సు సేన్‌గుప్తా, అస్రాని, వామికా గబ్బి కూడా నటించారు. ప్రియదర్శన్ ఐకానిక్ కామెడీ సినిమాలలో నటించిన చాలా మంది ఇందులోనూ నటిస్తున్నారు. ఈ సినిమా షూటింగ్ రాజస్థాన్, జైపూర్, హైదరాబాద్‌ సిటీతో సహా అనేక లొకేషన్స్‌లో జరిగింది.

ప్రియదర్శన్ దర్శకత్వం వహించిన 'భూత్ బంగ్లా'ను శోభా కపూర్, ఏక్తా ఆర్ కపూర్, అక్షయ్ కుమార్ నిర్మిస్తున్నారు. ఫారా షేక్, వేదాంత్ బాలి సహ నిర్మాతలు. ఈ చిత్రానికి ఆకాష్ ఎ కౌశిక్ కథ రాయగా, రోహన్ శంకర్, అభిలాష్ నాయర్, ప్రియదర్శన్ స్క్రీన్ ప్లే రాశారు. డైలాగ్స్‌ను రోహన్ శంకర్ రాశారు.