అక్షయ్ కుమార్ నటించిన ‘సర్‌ఫిరా’ శుక్రవారం థియేటర్లలో విడుదల అయింది.

సూర్య హీరోగా నటించిన ‘ఆకాశం నీ హద్దురా’ హిందీ రీమేక్ ఇది.

దీన్ని సూర్యనే స్వయంగా నిర్మించారు కూడా.

ఒరిజినల్‌కు దర్శకత్వం వహించిన సుధ కొంగర హిందీ రీమేక్‌ను కూడా తెరకెక్కించారు.

కానీ ఈ సినిమా ఓపెనింగ్స్ చాలా దారుణంగా ఉన్నాయని ట్రేడ్ పండితులు చెబుతున్నారు.

మొదటి రోజు ఈ సినిమా కేవలం రూ.2-3 కోట్ల నెట్ మాత్రమే సాధిస్తుందని అంచనా వేస్తున్నారు.

అక్షయ్ కుమార్ గత కొంతకాలంగా ఫ్లాప్స్‌తో సతమతం అవుతున్నారు.

దీంతో తన సినిమాలకు మినిమం ఓపెనింగ్స్ కూడా రావడం లేదు.

‘సర్‌ఫిరా’కు మంచి రివ్యూస్ వస్తున్నాయి. ప్రేక్షకులు రెస్పాన్స్ కూడా బాగుంది.

మరి వీకెండ్‌లో ఈ సినిమా ఏమైనా పుంజుకుంటుందేమో చూడాలి.