మరో స్టార్ హీరో సినిమాలో ఛాన్స్ కొట్టేసిన మిల్కీ బ్యూటీ, ఇంతకీ ఆ హీరో ఎవరంటే..!

ఈ మధ్యే జైలర్ లో రజినీ కాంత్ పక్కన నటించిన తమన్నా.. మరో స్టార్ హీరోతో సినిమాకు రెడీ అయినట్టు తెలుస్తోంది. అజిత్ తో కలిసి గతంలో వీరం చిత్రంతో కనిపించిన తమన్నా.. మరోసారి ఆయనతో స్ర్కీన్ షేర్ చేసుకోనుంది.

తమన్నా భాటియా(Image Credits: Tamannaah Bhatia/Instagram)

Tamannaah Bhatia : ఇటీవలే 'లస్ట్ స్టోరీస్ 2(Lust Stories)' అనే వెబ్ సిరీస్ తో బోల్డ్ క్యారెక్టర్ లో కనిపించి, హాట్ డోస్ ను మరింత పెంచేసిన మిల్కీ బ్యూటీ తమన్నాకు.. మరోసారి ఓ స్టార్ హీరోతో నటించే అవకాశాన్ని చేజిక్కించుకున్నట్టు తెలుస్తోంది. ఇంతకీ ఆ హీరో ఎవరా అనుకున్నారా.. ఆయనే అజిత్(Ajith). గతంలో ఆయనతో 'వీరం' చిత్రంలో తమన్నా కనిపించగా.. ఈ మూవీ ఎంతటి భారీ విజయాన్ని సొంతం చేసుకుందో ప్రత్యేకించి చెప్పాల్సిన అవసరం లేదు. ఇదిలా ఉండగా తాజాగా తమన్నా, అజిత్ సినిమాలో నటించనున్నట్టు సోషల్ మీడియాలో జోరుగా ప్రచారం సాగుతోంది. ఇప్పటివరకూ సెట్స్ మీదకు వెళ్లని ఈ మూవీకి 'విడాముయిర్చి(vidamuyarchi)' అనే టైటిల్ ను ఖరారు చేశారు. 

లైకా ప్రొడక్షన్స్ సంస్థ నిర్మిస్తోన్న 'విడాముయిర్చి' సినిమాకు ప్రముఖ దర్శకుడు విఘ్నేష్ శివన్ దర్శకత్వం వహిస్తారని ప్రారంభంలో వార్తలు వినిపించినా.. ఆ తర్వాత మాత్రం కొన్ని కారణాల వల్ల మగిల్ తిరుమేణిని ఎంపిక చేశారు. ఇక ఈ సినిమా మే నెలలో స్టార్ట్ అవుతుందని అప్పట్లో ప్రచారం జరిగింది. కానీ అది కూడా కొన్ని రీజన్స్ వల్ల ఎక్స్టెండ్ అయింది. రీసెంట్ గా అందిన సమాచారం ప్రకారం ఈ చిత్రం ఆగస్టులో లో సెట్స్ పైకి రానున్నట్టు తెలుస్తోంది. 

అయితే ఈ సినిమాలో అజిత్ సరసన హీరోయిన్ త్రిషను తీసుకుందామనుకున్నారు. కానీ ఈ సమయంలోనే ఆమె విజయ్ దళపతి హీరోగా వస్తోన్న 'లియో'లో ఛాన్స్ రావడం, ఆ తర్వాత ఆమె తెలుగుతో పాటు మళయాళ భాషల్లోనూ అవకాశాలు రావడం.. ఆ తర్వాత నటుడు టోవినో థామస్ కు జంటగా 'ఐడెంటీ' సినిమా ఒప్పుకోవడం.. ఇలా అన్నీ వెంట వెంటనే జరిగిపోయాయి. దీంతో ఈ లెక్కన చూస్కుంటే త్రిష డేట్స్ ఇప్పట్లో ఖాళీగా లేవని తెలుస్తోంది. అంటే ఈ సినిమాలో త్రిష నటించకపోవచ్చని స్పష్టమవుతోంది. దీంతో తాజాగా తమన్నా పేరు వినిపిస్తోంది. అదే గనక నిజమైతే అజిత్ తో తమన్నా మరోసారి రొమాన్స్ చేయనుందని సినీ ప్రేక్షకులు భావిస్తున్నారు.

ఇక ఇటీవలే సూపర్ స్టార్ రజినీ కాంత్ లేటెస్ట్ సినిమా 'జైలర్' లో నటించిన తమన్నా.. ఈ మధ్య విడుదలైన 'కావాలయా' అనే సాంగ్ తో అందర్నీ అలరించింది. ఇక ఈ సినిమాను ఆగస్టులో ప్రేక్షకుల ముందుకు తీసుకువచ్చేందుకు మేకర్స్ సన్నాహాలు చేస్తున్నారు. సూపర్ స్టార్ రజనీకాంత్ ను ఈ సినిమాతో సరికొత్తగా చూపించబోతున్న నెల్సన్.. ఈ మూవీతో ఆయనకు బ్లాక్ బస్టర్ అందిస్తారని రజినీ ఫ్యాన్స్ ఆశాభావం వ్యక్తం చేస్తున్నారు. 

ఇక 'లియో' సినిమా విషయానికొస్తే ఈ మూవీ ఇటీవలే షూటింగ్ పూర్తి చేసుకుంది. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ చిత్రం.. అక్టోబర్ 19న ప్రేక్షకుల ముందుకు రానుంది. భారీ బడ్జెట్ తో రూపుదిద్దుకున్న ఈ సినిమాపై ఇప్పటికే భారీ అంచనాలు నెలకొన్నాయి.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial