Priyanka Mohan: 'AI' ఇమేజెస్ వైరల్ - 'OG' హీరోయిన్ ప్రియాంక మోహన్ స్ట్రాంగ్ వార్నింగ్

Priyanka Mohan AI Warning: 'OG' హీరోయిన్ ప్రియాంక మోహన్ 'AI' ఫేక్ ఫోటోలు వైరల్ అవుతుండగా ఆమె స్ట్రాంగ్ వార్నింగ్ ఇచ్చారు. అలాంటి ఫోటోలు షేర్ చెయ్యడం ఆపాలంటూ రిక్వెస్ట్ చేశారు.

ప్రియాంక మోహన్ స్ట్రాంగ్ వార్నింగ్

Source : https://www.instagram.com/p/DMMwubopS8a/?hl=en&img_index=6

Priyanka Mohan Strong Warning About Her AI Fake Images: హీరోయిన్ ప్రియాంక మోహన్ సోషల్ మీడియా వేదికగా స్ట్రాంగ్ వార్నింగ్ ఇచ్చారు. రీసెంట్‌గా ఆమె నటించిన 'ఓజీ' సినిమాలో ఓ కాస్ట్యూమ్‌తో కొందరు ఫేక్ 'AI' ఇమేజ్‌లు సృష్టించి సోషల్ మీడియాలో షేర్ చేశారు. ప్రస్తుతం అవి వైరల్ అవుతుండగా... నెటిజన్లు అవి చూసి ఒక్కసారిగా షాక్ అయ్యారు. తాజాగా ఈ 'ఏఐ' ఇమేజెస్‌పై ప్రియాంక ఆగ్రహం వ్యక్తం చేశారు. 

అవి షేర్ చెయ్యొద్దు

'OG'లో ఓ కాస్ట్యూమ్ తీసుకుని దాన్ని AI సాయంతో మార్ఫింగ్ చేసి సోషల్ మీడియాలో షేర్ చేశారని తెలిసిన ప్రియాంక ఈ ట్రెండ్ గురించి ఆందోళన వ్యక్తం చేశారు. అలాంటి ఫోటోలు షేర్ చెయ్యొద్దని నెటిజన్లను కోరారు. 'నన్ను తప్పుగా చిత్రీకరించే కొన్ని AI జనరేటెడ్ ఫోటోలు సోషల్ మీడియాలో సర్క్యులేట్ అవుతున్నాయి. దయచేసి ఈ ఫేక్ ఫోటోలను షేర్ చేయడం ఆపండి.

AIని నైతిక సృజనాత్మకత కోసం మాత్రమే ఉపయోగించాలి. ఇలాంటి తప్పుడు సమాచారం కోసం కాదు. మనం ఏం క్రియేట్ చేస్తున్నామో ఒక్కసారి ఆలోచించుకోవాలి. ఎలాంటి వాటిని ఇతరులతో పంచుకుంటున్నాం అనే దాని గురించి జాగ్రత్తగా ఉండండి. అందరికీ ధన్యవాదాలు.' అంటూ ఆమె పోస్ట్ చేశారు.

Some AI-generated images falsely depicting me have been circulating. Please stop sharing or spreading these fake visuals. AI should be used for ethical creativity and not misinformation. Let’s be mindful of what we create and what we share. Thank you.

— Priyanka Mohan (@priyankaamohan) October 10, 2025

నెటిజన్ల సపోర్ట్

ప్రియాంక పోస్టుకు నెటిజన్లు సపోర్ట్ ఇస్తున్నారు. AIను మంచి కోసం మాత్రమే ఉపయోగించాలని ఇలాంటి వాటికి ఉపయోగించడం, ఫేక్ వీడియోలు, ఫేక్ ఫోటోలు సృష్టించడం మానుకోవాలని వార్నింగ్ ఇస్తున్నారు. ఒకరి ఆనందం వేరొకరిని బలి చేయడం ఏంటంటూ ప్రశ్నిస్తున్నారు. సైబర్ పోలీసులు, ప్రభుత్వాలు 'ఏఐ' వినియోగంపై దృష్టి సారించాలని కోరుతున్నారు. ఫేక్ ఫోటోలు సృష్టించే వారిపై కఠిన చర్యలు తీసుకోవాలని కోరుతున్నారు.

నాని 'గ్యాంగ్ లీడర్' సినిమాతో టాలీవుడ్ ఎంట్రీ ఇచ్చిన ప్రియాంక మోహన్... ఆ తర్వాత 'శ్రీకారం', 'సరిపోదా శనివారం' మూవీస్‌లో తన నటనతో మెప్పించారు. రీసెంట్‌గా పవర్ స్టార్ పవన్ కల్యాణ్ గ్యాంగ్ స్టర్ డ్రామా 'OG'లో నటించారు.