Bhaag Saale Song : ప్రియదర్శికి చుక్కలు చూపిస్తోన్న నభా నటేష్ - ఫన్నీగా ‘భాగ్ సాలే’ సాంగ్, పెద్ద సైకోలా ఉందే!

ప్రియదర్శి, నభా నటేష్ జంటగా నటిస్తున్న తాజా చిత్రం ‘డార్లింగ్’. తర్వలో విడుదలకు రెడీ అవుతున్న ఈ సినిమాకు సంబంధించి మరో పాట విడుదలైంది. ‘భాగ్ సాలే‘ అంటూ సాగిన ఈ పాట ఫుల్ ఫన్నీగా ఆకట్టుకుంటుంది.

‘డార్లింగ్‘ మూవీలో నభా నటేష్, ప్రియదర్శి

Source : Saregama Telugu/Youtube

Darling Movie Bhaag Saale Song: టాలీవుడ్ యంగ్ హీరో ప్రియదర్శి, హాట్ బ్యూటీ నభా నటేష్ హీరో, హీరోయిన్లుగా నటిస్తున్న లేటెస్ట్ మూవీ ‘డార్లింగ్‘. రొమాంటిక్ కామెడీ ఎంటర్ టైనర్ గా తెరకెక్కిన ఈ సినిమాకు అశ్విన్ రామ్ దర్శకత్వం వహించారు. ప్రైమ్‌షో ఎంటర్‌టైన్‌మెంట్‌ బ్యానర్ గా కె నిరంజన్ రెడ్డి, చైతన్య ఈ సినిమాను నిర్మించారు. జులై 19న ఈ సినిమా ప్రపంచ వ్యాప్తంగా విడుదలకు రెడీ అవుతోంది.  ఈ నేపథ్యంలో మేకర్స్ అదిరిపోయే ప్రమోషనల్ కంటెంట్ తో సినిమాపై మంచి బజ్ క్రియేట్ చేస్తున్నారు. రీసెంట్ గా విడుదల చేసిన ట్రైలర్ సైతం సినిమాపై భారీగా అంచనాలు పెంచింది. ఫుల్ ఫన్నీగా కట్ చేసిన ఈ ట్రైలర్ చూసి కచ్చితంగా ప్రియదర్శి ఖాతా మరో సాలిడ్ హిట్ పడినట్లేనని ప్రేక్షకులు భావిస్తున్నారు.

ఆకట్టుకుంటున్న ‘భాగ్ సాలే’ సాంగ్

తాజాగా ఈ సినిమాకు సంబంధించి ‘భాగ్ సాలే‘ అనే పాటను మేకర్స్ విడుదల చేశారు. స్ల్పిట్ పర్సనాలిటీతో బాధపడే నభా నటేష్, ప్రియదర్శిని ఎలా టార్చర్ పెడుతుంది? అనేది ఫుల్ ఫన్నీగా చూపించారు. కాసర్ల శ్యామ్ రాసిన ఈ పాటను మంగ్లీ అద్భుతంగా పాడింది. వింత వింత పద్దతులతో దర్శిని నభా చిత్ర విచిత్రంగా ఇబ్బందులు పెడుతుంది. పూర్తి స్థాయిలో ఫన్నీగా కొనసాగిన ఈ పాట ఆడియెన్స్ ను బాగా ఆకట్టుకుంటుంది. ప్రస్తుతం సోషల్ మీడియాలో బాగా వైరల్ అవుతోంది. ట్రైలర్ సూపర్ గా ఉంటే, ‘భాగ్ సాలే‘ సాంగ్ మరింత ఆకట్టుకుంటుందని నెటిజన్లు కామెంట్స్ పెడుతున్నారు. 

స్ల్పిట్ పర్సనాలిటీ డిజార్డర్‌తో బాధపడే యువతి పాత్రలో నభా

ఇక ‘డార్లింగ్‘ సినిమాలో నభా నటేష్ స్ల్పిట్ పర్సనాలిటీ డిజార్డర్‌తో బాధపడే అమ్మాయిగా యాక్ట్ చేస్తోంది. ట్రైలర్ తో పాటు ‘భాగ్ సాలే‘ పాటలో స్ల్పిట్ పర్సనాలిటీ కలిగిన యువతిగా అలరించింది.  ఈ సినిమాలో ప్రియదర్శితో కలిసి పని చేయడం చాలా బాగుందని చెప్పింది. తమ ఇద్దరి మధ్య కెమిస్ట్రీ బాగా వర్కౌట్ అయ్యిందని వెల్లడించింది. దర్శి కామెడీ టైమింగ్ చాలా నేచురల్‌ గా ఉంటుందని వెల్లడించింది. ‘డార్లింగ్‘ విడుదల కోసం వెయిట్ చేస్తున్నట్లు వెల్లడించింది.   

ఓవర్సీస్ లో 350 థియేటర్లలో విడుదల

అటు ‘డార్లింగ్‘ చిన్న సినిమాగా తెరకెక్కినా, పెద్ద చిత్రాల మాదిరిగా విడుదలకు రెడీ అవుతోంది. ఈ సినిమా అమెరికాతో పాటు పలు దేశాల్లో విడుదల అవుతోంది. అమెరికాలోనే 200 థియేటర్లలో రిలీజ్ కాబోతోంది. ఓవర్సీస్ మొత్తంగా 350 థియేటర్లలో విడుదల అవుతున్నట్లు తెలుస్తోంది. ఈ సినిమాకు మంచి బజ్ ఏర్పడటంతో మంచి సక్సెస్ అందుకుంటుందని సినీ విశ్లేషకులు అభిప్రాయపడుతున్నారు.  ‘బలగం‘ సినిమాతో మంచి హిట్ అందుకున్న దర్శి, ఈ సినిమాతో మరోసారి మంచి సక్సెస్ అందుకుంటాడని చెప్తున్నారు. అటు నభా నటేష్ కు కూడా ఈ సినిమా మరింత కలసి వచ్చే అవకాశం ఉందంటున్నారు.