Bigg Boss 6 Telugu: మీకు షోపై ఇంట్రెస్ట్ లేకపోతే వెళ్లిపోండి, మెయిన్ డోర్ ఓపెన్ చేసిన బిగ్బాస్
Bigg Boss 6 Telugu: ఇంట్లో కంటెస్టెంట్లకు గట్టి షాక్ ఇచ్చిన బిగ్ బాస్.
Bigg Boss 6 Telugu: పాత సీజన్లతో పోలిస్తే బిగ్బాస్ 6 సీజన్ అంతగా ప్రేక్షకులను అలరించడం లేదు. నిజంగా చెప్పాలంటే ఈ పాటికే ఎవరో ఒకరికి ఆర్మీ రెడీ అయిపోతుంది. గతంతో బిగ్ బాస్ 4లో అభిజిత్ - అఖిల్ ఫైట్ పీక్ స్టేజీలో హిట్ అయ్యింది. అలాగే బిగ్ బాస్ 5లో సన్నీ - షన్ను గొడవలే హైలైట్ అయిపోయాయి. ప్రేక్షకులు కూడా రెండు వర్గాలుగా విడిపోయారు. ఇక బిగ్బాస్ ఓటీటీ కూడా సీజన్ 6తో పోలిస్తే హిట్ అనే చెప్పాలి. బిందు మాధవి - నటరాజ్ మాస్టర్ మధ్య జరిగిన గొడవలు బాగానే హైలైట్ అయ్యాయి. కానీ సీజన్ 6 మాత్రం చాలా చప్పగా సాగుతోంది. కొత్తగా విడుదలైన ప్రోమోలో ఇది స్పష్టంగా కనిపించింది. బిగ్బాస్కు కూడా ఈ విషయం అర్థమైనట్టే కనిపిస్తోంది.
ఇక ప్రోమోలో ఏముందంటే... కెప్టెన్సీ కంటెండర్ల టాస్కును ఇచ్చాడు బిగ్బాస్. అందులో హిట్ అయిన సినిమా పాత్రలను ఇంటి సభ్యులకు ఇచ్చారు బిగ్బాస్. ప్రోమోను బట్టి రాజశేఖర్ ఛత్రపతిలో ప్రభాస్లా, ఇక గీతూ పుష్పలో శ్రీవల్లిలా, కీర్తి రాములమ్మలా, గీతూ చిరంజీవి, ఇనయా అతిలోక సుందరి శ్రీదేవిలా, శ్రీహాన్ చెన్నకేశవరెడ్డిలా... ఇలా ఒక్కొక్కరూ ఒక్కో హిట్ పాత్రలో కనిపించారు. కానీ క్రియేట్ చేసిన ఫన్ పెద్దగా పేలలేదు. ఏవో చిన్న చిన్న డైలాగులు వేస్తూ నెట్టుకొచ్చారు. కాసేపటికే కూర్చుని రెస్ట్ తీసుకోవడం మొదలు పెట్టారు. ఎలాంటి స్కిట్లు ప్రదర్శించలేదు. తమకు ఇచ్చిన పాత్రలు కూడా పక్కన పడేసి రిలాక్స్ అవ్వసాగారు. దీంతో బిగ్బాస్ ఒళ్లు మండినట్టు కనిపిస్తోంది. అందరినీ గార్డెన్ ఏరియాలో వరుసగా నిల్చోమని చెప్పారు.
ఇంటి సభ్యులంతా వరుసగా నిల్చున్నాక దిమ్మదిరిగే షాక్ ఇచ్చాడు బిగ్ బాస్. ‘మీకు ఈ షో పట్ల ఆసక్తి లేదని మీకు అనిపిస్తే వెంటనే ప్రధాన ద్వారం నుంచి బయటికి వెళ్లండి’ అని చెప్పాడు బిగ్ బాస్. అంతేకాదు ప్రధాన ద్వారం డోర్లు ఓపెన్ చేశారు. దీంతో ఇంటి సభ్యులు షాక్ అయ్యారు.
View this post on Instagram
టాప్ హెడ్ లైన్స్
ట్రెండింగ్ వార్తలు
