Bigg Boss 6 telugu: ‘ఏమైనా కానీ తగ్గేదేలే’ అంటూ బురదలో తడిసి ముద్దయిన రేవంత్, ఇనయా వర్సెస్ శ్రీహాన్ గొడవ మళ్లీ రాజుకుందిగా

Bigg Boss 6 telugu: బిగ్‌బాస్ నామినేషన్లు చాలా వాడీ వేడిగా జరిగాయి.

(Image credit: Star maa)

Bigg Boss 6 telugu: బిగ్‌బాస్ ఎంటర్టైన్మెంట్ నామినేషన్ల రోజు పీక్ స్టేజీలో ఉంటుంది. వీకెండ్లో నాగార్జున ఎపిసోడ్ కన్నా నామినేషన్ ఎపిసోడ్ కోసం ఎదురు చూసే వాళ్లే అధికం. గత రెండు వారాలుగా చప్పగా సాగి నామినేషన్ ఎపిసోడ్ ఈసారి మళ్లీ రాజుకుంది. ముఖ్యంగా ఇనయా సూర్య చుట్టూ తిరగడం మానేసి మళ్లీ శ్రీహాన్‌పై కాలు దువ్వడం ప్రారంభించింది. వీరిద్దరూ చాలా రోజుల తరువాత మళ్లీ గొడవపడ్డారు. తిట్టుకున్నారు. ఇక ఈరోజు విడుదలైన రెండో ప్రోమోలో ఏముందంటే...

బిగ్‌బాస్ ఈసారి నామినేట్ అయిన సభ్యులకు బురద స్నానాలు చేయించారు. నామినేట్ అయిన వారు ఓ కుర్చీలో కూర్చుంటే షవర్ నుంచి బురద పడేలా ఏర్పాటు చేశారు. ఇక  నామినేషన్లో రేవంత్ శ్రీసత్యను నామినేట్ చేశాడు. తరువాత సూర్య బాలాదిత్యను నామినేట్ చేశాడు. ఆయన ఎక్కువ శాతం బ్యాటరీని వాడుకుని, మిగతా వారి గురించి ఆలోచించలేదని చెప్పి నామినేట్ చేసినట్టు చెప్పాడు. ఇక తరువాత ఇనయా పాత శత్రువు శ్రీహాన్‌నే నామినేట్ చేసింది. శ్రీహాన్ ఆమె మాటలు వినేందుకు కూడా ఇష్టపడలేదు. ‘నువ్వు నన్ను చూసి భయపడుతున్నావా?’ అంది ఇనయా. దానికి శ్రీహాన్ ‘ఏయ్’ అన్నాడు. దానికి ఇనయా ‘ఏయ్ అంటే భయపడాలా?’అంటూ గట్టిగా అరిచింది. వీరిద్దరి మధ్య మళ్లీ గొడవ రాజుకుంది. 

అరవకు ఆదిరెడ్డి
అర్జున్, ఆదిరెడ్డిని నామినేట్ చేశాడు. అర్జున్ మెల్లగా మాట్లాడుతున్న ఆదిరెడ్డి యథావిధిగా హైపర్ అయిపోయాడు. అర్జున్ అరవకండి అని చెప్పాక తగ్గాడు. రాజ్ వాసంతిని నామినేట్ చేశాడు. ‘నువ్వు నిజంగానే నామినేషన్లకు భయపడుతున్నావనిపిస్తుంది’ అన్నాడు. దానికి వాసంతికి చాలా కోపం వచ్చేసింది. ‘నామినేషన్లకు భయపడితే జుట్టు ఎందుకు కత్తిరించుకుంటా’ అంటూ కోప్పడింది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by STAR MAA (@starmaa)

నీయవ్వ తగ్గేదేలే...
ఇక రేవంత్‌ను ఈరోజు ఎక్కువమందే నామినేట్ చేశారు. దీంతో చివరికి ఆయన చొక్కా విప్పేసి బురద కింద కూర్చున్నాడు. ‘ఎవరన్నా రానీ,ఏమైనా కానీ నీయవ్వ తగ్గేదేలే’ అంటూ డైలాగ్ వేశాడు.