Kamal Haasan: ‘బిగ్ బాస్’కు కమల్ బై.. బై.. కారణం ఇదేనట, మరి నెక్ట్స్ ఎవరు?

గత ఏడు సంవత్సరాలుగా తమిళ బిగ్ బాస్ షోకు హోస్టుగా వ్యవహరిస్తున్న కమల్ హాసన్.. ఈసారి చేయడం లేదని చెప్పారు. సినిమా కమిట్మెంట్స్ కారణంగా ఈ సీజన్ నుంచి తప్పుకుంటున్నట్లు వెల్లడించారు.

‘బిగ్ బాస్‘ నుంచి తప్పుకున్న కమల్

Source : Kamal Haasan/Instagram

Kamal Hassan Will Not Host Bigg Boss Tamil Seaon 8: బిగ్ బాస్ రియాలిటీ షో గురించి పెద్దగా పరిచయం అవసరం లేదు. దేశ వ్యాప్తంగా పలు భాషల్లో ఈ రియాలిటీ షో కొనసాగుతోంది. భాష ఏదైనా ఈ షోకు మాంచి క్రేజ్ ఉంటుంది. ఏటా ఈ షోపై వివాదాలు చెలరేగినా, ప్రేక్షకుల నుంచి ఆదరణ ఏమాత్రం తగ్గడం లేదు. మరికొద్ది రోజుల్లో తెలుగు, తమిళ భాషల్లో 8వ సీజన్ బిగ్ బాస్ షో ప్రారంభం కానుంది. ఈ నేపథ్యంలో తమిళ బిగ్ బాస్ హోస్ట్ కమల్ హాసన్ షాకింగ్ న్యూస్ చెప్పారు. ఇప్పటి వరకు ఏడు సీజన్లు అద్భుతంగా నడిపించిన ఆయన, ఈసారి ఆ షో చేయడం లేదని వెల్లడించారు. అధికారికంగా ఈ విషయాన్ని వెల్లడిస్తూ ఆయన సోషల్ మీడియాలో పోస్టు పెట్టారు.

సినిమాల కమిట్మెంట్స్ కారణంగానే తప్పుకుంటున్నా-కమల్ హాసన్

ఏడు సంవత్సరాలుగా బిగ్ బాస్ తో కొనసాగుతున్న తన ప్రయాణం ఈ ఏడాది కొనసాగించలేకపోతున్నట్లు కమల్ హాసన్ తెలిపారు. “ఏడు సంవత్సరాల కిందట మొదలైన మా ప్రయాణంలో చిన్న బ్రేక్. సినిమా కమిట్మెంట్స్ కారణంగా రాబోయే బిగ్ బాస్ షోకు హోస్టుగా చేయడం లేదు. ఈ విషయాన్ని మీతో పంచుకునేందుకు చాలా బాధగా ఉంది. ఈ షో ద్వారా ప్రతి ఇంటికి చేరుకున్నందుకు చాలా సంతోషంగా ఉంది. మీరు నా మీద ఎంతో ప్రేమ చూపించారు. బిగ్ బాస్ తమిళ షోను బెస్ట్ షోగా నిలిపారు. ఈ షో హోస్టుగా ఎన్నో కొత్త విషయాలను నేర్చుకున్నాను. ఈ షోలో భాగం అయిన ప్రతి ఒక్కరికి థ్యాంక్స్” అని చెప్పుకొచ్చారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Kamal Haasan (@ikamalhaasan)

తమిళ షో కొత్త హోస్టు ఎవరు?

తమిళ బిగ్ బాస్ హోస్టుగా ఈసారి తాను చేయడం లేదని కమల్ చెప్పడంతో.. కొత్త హోస్టు ఎవరు? అనే విషయంపై సర్వత్రా ఆసక్తి నెలకొంది. ఏ హీరో ఈ షోకు హోస్టుగా ఉంటే బాగుంటుంది? అని సోషల్ మీడియాలో చర్చిస్తున్నారు. త్వరలోనే ఈ షో కొత్త హోస్టు ఎవరు అనే విషయాన్ని విజయ్ టీవీ అధికారికంగా ప్రకటించే అవకాశం ఉంది. ఇక తెలుగులో మాత్రం రాబోయే షోకు నాగార్జున్ హోస్టుగా వ్యవహరించనున్నారు. ఇప్పటికే ఈ షోకు సంబంధించి స్టార్ మా కీలక అప్ డేట్స్ ఇచ్చింది. ఈ షోకు సంబంధించి ప్రోమోను కూడా రన్ చేస్తోంది.

వరుస సినిమాలతో కమల్ బిజీ

కమల్ హాసన్ రీసెంట్ గా ‘కల్కి 2898 AD’లో కనిపించారు. కాంప్లెక్స్ చీఫ్ యాస్కిన్ అనే నెగెటివ్ పాత్రలో కనిపించారు. ప్రస్తుతం ‘కల్కి 2898 AD’ తర్వాత భాగంలో నటిస్తున్నారు. అటు ‘ఇండియన్ 3’లోనూ నటిస్తున్నారు. మరోవైపు ‘థగ్ లైఫ్’ అనే మూవీ చేస్తున్నారు. ఇప్పటికే ఈ సినిమాకు సంబంధించి విడుదలైన ఫస్ట్ లుక్ ప్రేక్షకులను ఓ రేంజిలో ఆకట్టుకుంది. మణిరత్నం దర్శకత్వం వహిస్తున్న ఈ పాన్ ఇండియన్ మూవీ కోసం ప్రేక్షకుల ఎంతగానో ఎదురుచూస్తున్నారు.