Shivaji: శోభా, ప్రియాంక కాళ్లకు మొక్కిన అశ్వినీ - తప్పుచేస్తే పీకేయండి అంటూ శివాజీ ఫైర్

బిగ్ బాస్ సీజన్ సెవెన్ కు సంబంధించి తాజా ప్రోమో విడుదలైంది. ఈ ప్రోమోలో అశ్విని, ప్రియాంక, శోభల మధ్య మాటల యుద్ధం జరిగింది

Photo Credit : Star Maa/Youtube

బిగ్ బాస్‌లో అందరూ ఆసక్తిగా ఎదురుచూసే నామినేషన్స్ రోజు రానే వచ్చింది  బిగ్ బాస్ 7 సోమవారం (నవంబర్ 6) ఎపిసోడ్ కి సంబంధించి ఇప్పటికే ఓ ప్రోమో విడుదలైంది. ఈ ప్రోమోలో నామినేషన్స్ ప్రక్రియ రసవత్తరంగా జరిగింది. ఈ వారం నామినేషన్స్ బిగ్ బాస్ సామ్రాజ్యంలో జరుగుతాయని శోభ, రతిక, ప్రియాంక, అశ్విని నలుగురు ఉమెన్ కంటెస్టెంట్లు రాజమాతలుగా వ్యవహరించాలని బిగ్ బాస్ సూచించారు. దీంతో నామినేషన్ ప్రక్రియను అమర్ ప్రారంభించాడు. తన మొదటి నామినేషన్ బోలేకు వేశాడు. ఆ తర్వాత గౌతమ్ శివాజీని నామినేట్ చేస్తూ రీసన్స్ చెప్పాడు.

అనంతరం ప్రశాంత్, గౌతమ్ ని నామినేట్ చేశాడు. ఈ క్రమంలో ఇరు కంటెస్టెంట్స్ మధ్య వాగ్వాదం చోటుచేసుకుంది. ఇక ఇప్పుడు బిగ్ బాస్ నుంచి మరో ప్రోమో విడుదలైంది. ఈ ప్రోమోలో అశ్విని మిగతా ఉమెన్ కంటెంట్స్ తో ఆర్గివ్ చేస్తూ వారిపై అరిచింది. అలాగే శివాజీ సైతం కంటెస్టెంట్స్ అందరిపై ఫైర్ అయ్యాడు. ఒకసారి ప్రోమోని గమనిస్తే.. గౌతమ్ తన నామినేషన్ లో భాగంగా.." నా క్యారెక్టర్ గురించి, నా డాక్టర్ ప్రొఫెషన్ గురించి మీరు అక్కడ మాట్లాడం నచ్చలేదు" అని శివాజీతో అంటే, "డాక్టర్ను డాక్టర్ అనకపోతే ఏమైనా బూతు మాట మాట్లాడతారా" అని శివాజీ గౌతమ్ పై ఫైర్ అయ్యాడు.

తర్వాత భోలే అమర్ ని నామినేట్ చేస్తూ.. "నీకు నువ్వు వీక్ అవ్వి వచ్చావని తనతో అన్నావ్" అని బోలే అంటుండగా మధ్యలో ప్రియాంక కలగజేసుకొని, ‘‘అమర్ మిమ్మల్ని వీక్ అనలేదు’’ అని చెబుతుంటే భోలే ఆమెపై సీరియస్ అయ్యాడు. "మధ్యలో మీరొచ్చి విషయాన్ని కప్పిపుచ్చుతున్నారు. అది వద్దమ్మా.. నేను అమర్ ని నామినేట్ చేసినప్పుడు ప్రతిసారి ఏంటిది? మీరు ఇద్దరు బడ్డీస్ అని అలా చేస్తున్నావా? అని భోలే ప్రియాంకతో అన్నాడు.. "బడ్డీస్ బడ్డీస్ ఎక్కడి నుంచి వస్తాయి ఇన్ని మాటలు మీకు" అని భోలేపై ప్రియాంక అరుస్తుంది. "మీతో మాట్లాడుతున్నప్పుడు అశ్విని మాట్లాడింది కదా!" అని ప్రియాంక చెప్పగా." నీలాగా నేను మాట్లాడలేదు కదా" అని అశ్విని బదులిస్తుంది.

"నాలాగా నువ్వు మాట్లాడుకోవడం ఎప్పటికీ నేర్చుకోలేవు" అంటూ ప్రియాంక రిప్లై ఇస్తుంది. దాంతో సీరియస్ అయినా బోలె, "మహారాణి పొడిపించావు కదా! ఒకసారి చాలదా, నువ్వు అసలు అరవకు" అంటూ ఆమెపై ఫైర్ అవుతాడు. దాంతో ప్రియాంక అరవద్దు ఏంటి? అని మళ్లీ బోలేపై ఆగ్రహం వ్యక్తం చేస్తుంది. ఆ తర్వాత అశ్విని.." ప్రతిసారి నేను నోరు ఎత్తితే చాలు ప్రాబ్లం అయిపోతుంది ఇక్కడ. నువ్వు చాలా గ్రేట్, మేమిక్కడ కూర్చున్న వాళ్ళమంతా వేస్ట్ అంతేగా?" అని ప్రియాంక పై ఫైర్ అవుతుంది. దాంతో ప్రియాంక, శోభ ఇద్దరూ అశ్విని పై ఫైర్ అవగానే అశ్విని వాళ్ళిద్దరి కాళ్ళు మొక్కుతుంది.

దాంతో శోభ, ప్రియాంక ఇద్దరు అశ్విని పై గట్టిగా అరవగానే "నేను ఇక్కడ నుంచి వెళ్ళిపోతాను" అంటూ ఏడుస్తుంది. ఈ సంఘటన తర్వాత అర్జున్ "నామినేషన్ మాదైతే మధ్యలో మీరు కొట్టుకోవడం ఏంటి?" అంటూ గౌతమ్ తో సెటైరికల్ గా చెప్తాడు. "ప్రేక్షకుల్ని నేను కోరుకునేది ఏందంటే, నేను తప్పుడు నా బిడ్డను అయితే తీసి పడేయండి? అది ఎవడైనా సరే పీకేయండి? అని చెబుతున్నా, అది శివాజీ అయినా అంతే? అని ఆడియన్స్ ని రిక్వెస్ట్ చేస్తున్నా" అంటూ శివాజీ చెప్తుండగా మధ్యలో రతిక ఏదో మాట్లాడ్డానికి ప్రయత్నిస్తే "నేను యాక్సెప్ట్ చేశానమ్మ, ఇక వదిలేయ్.. వదిలేయండి.." అంటూ శివాజీ కోపంతో ఇంట్లోకి వెళ్లిపోవడంతో ప్రోమో ఎండ్ అవుతుంది.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial