Bigg Boss Telugu 8 Day 15 Promo: చెత్త నామినేషన్లు... కిరాక్ సీత, యష్మి గౌడ, మణికంఠ మధ్య గొడవలతో హీటెక్కిన బిగ్ బాస్

Bigg Boss 8 Telugu Promo Today: బిగ్ బాస్ 8 తెలుగు డే 15కు సంబంధించిన మొదటి ప్రోమో తాజాగా రిలీజ్ అయ్యింది. ఈ ప్రోమోలో నామినేట్ వేయాలి అనుకున్న వారిపై చెత్తను వేసి, రీజన్ చెప్పాల్సి ఉంటుంది.

బిగ్ బాస్ 8 తెలుగు డే 15 ప్రోమో

Source : https://x.com/StarMaa/status/1835542121085808800?t=wF8x-MLAWu1BcEzI_tZduQ&s=08

బిగ్ బాస్ సీజన్ 8 ఇప్పుడు 15వ ఎపిసోడ్ కు చేరుకుంది. ఈ వీకెండ్ శేఖర్ బాషా ఊహించని విధంగా హౌస్ నుంచి ఎలిమినేట్ అయ్యారు. ఇక ఎప్పటిలాగే సోమవారం ఉదయం 15వ రోజుకు సంబంధించిన ప్రోమో రిలీజ్ చేశారు. అందులో చెత్త వేసి హౌస్ మేట్స్ ను నామినేట్ చేయాలంటూ బిగ్ బాస్ షాక్ ఇచ్చారు. ఈ సందర్భంగా హౌస్ మేట్స్ మధ్య జరిగిన ఆర్గ్యుమెంట్స్ తో బిగ్ బాస్ హౌస్ హీటెక్కింది. 

కిరాక్ సీత డామినేషన్ కామెంట్స్ 
ముందుగా ప్రోమోలో కిరాక్ సీత నామినేషన్ ప్రాసెస్ లో మొదలుపెట్టినట్టుగా చూపించారు. అందులో ఆమె డామినేటింగ్ వాయిస్ లాగా అనిపించింది అని చెప్పగా, యష్మి గౌడ "ఎవ్వరూ డామినేట్ చేయలేదు" అంటూ సమర్ధించుకుంది. అలాగే పృథ్వీ కూడా "నేను ఒక టీంలో ఆడినప్పుడు అవతలి టీంను ఎలాగైనా ఓడించాలని ఆడతాను" అని చెప్పగా, సీత "ఎవరైనా ఎగ్జామ్లో ఆన్సర్ రాస్తుంటే కమాన్ అంటే అది రైట్ అని, సైలెంట్ గా ఉంటే రాంగ్ అని అర్థమవుతుంది" అంటూ స్ట్రాంగ్ కౌంటర్ ఇచ్చింది. "గేమ్ ఆడుతున్నప్పుడు మాట్లాడొద్దని ఏమైనా రూల్ ఉందా" అంటే.. "ఇది జస్ట్ కామన్ సెన్స్" పృథ్వీ అంటూ సీత ఫైర్ అయ్యింది. ఆ తర్వాత పృథ్వీపై చెత్త వేసి సీత అతన్ని నామినేట్ చేసినట్టుగా చూపించారు ప్రోమోలో. 

నాగ మణికంఠ ఫేక్.. యష్మి గౌడ ఫైర్ 
ఆ తర్వాత నాగ మణికంఠ "ఎవరు గిన్నెలు కడుగుతున్నారు, ఎవరు కడగట్లేదు" అంటూ యష్మి గౌడతో గొడవ పడుతున్నట్టుగా ప్రోమోలో చూపించారు. అయితే యస్మి మధ్యలో కల్పించుకోవడంతో నాగ మణికంఠ సీరియస్ అయ్యాడు. "అది నీ పని అయినా కాకపోయినా అందులో కల్పించుకుంటావు" అంటూ మణికంఠ చెప్పడంతో, "ఒక ఫ్రెండ్ లాగా నువ్వు నా దగ్గరికి వస్తావు చూడు.. అన్నీ ఫేక్" అనేసింది. దీంతో నాగ మణికంఠతో సీరియస్ ఆర్గ్యుమెంట్ నడిచింది యష్మి గౌడకి. అలాగే నాగ మణికంఠ పృథ్వి మధ్య కూడా నామినేషన్ లో సీరియస్ గా గొడవ జరిగినట్టు చూపించారు. ఆ తర్వాత విష్ణు ప్రియ ప్రేరణను నామినేట్ చేసినట్టుగా చూపించగా, ఆమె "చాలామంది దేనికి సెన్సిటివ్ అవుతున్నారు, దేనికి సెన్సిటివ్ అవ్వట్లేదు నాకు తెలియట్లేదు" అంటూ తన బాధను వెళ్లగక్కింది. ఇక చివరిగా నాగ మణికంఠ పృథ్వి, యష్మి గౌడపై చెత్త వేసి నామినేట్ చేసినట్టుగా ప్రోమోలో కనిపించింది. అలాగే "నేను ఒక చెత్త బుట్టలోని బాటిల్ తీస్తే చాలా పెద్ద గొడవ అయింది. అందరూ నాపై చెత్త వేసి నామినేట్ చేయండి" అని చెప్పగానే, విష్ణు ప్రియ ఆమెను నామినేట్ చేసినట్టుగా చూపించారు. చూస్తుంటే ఈరోజుటి ఎపిసోడ్ నామినేషన్ పరంగా ఫుల్ సీరియస్ గా ఉండబోతుందని తెలుస్తోంది. ఈ వీకెండ్ అందరో కలిసి యష్మి గౌడ, పృథ్వీలనే టార్గెట్ చేసినట్టుగా ఉన్నారు. యష్మి, పృథ్వీ, ప్రేరణతో పాటు ఇంకెవరెవరు ఈ వీకెండ్ నామినేషన్ లిస్ట్ లో చేరతారో చూడాలి.