AP Election Results 2024 Winners LIVE: వైసీపీ ఘోర పరాభవం - కేవలం 10 స్థానాల్లోనే విజయం

AP Assembly Election Results 2024 Winners LIVE: ఏపీలో టీడీపీ బీజేపీ జనసేన కూటమి ప్రభంజనం సృష్టిస్తోంది. మొత్తం 64 స్థానాల్లో కూటమి అభ్యర్థులు గెలుపొందగా.. 72 స్థానాల్లో ఆధిక్యంలో ఉన్నారు.

Background

Andhra Pradesh Assembly Election Results 2024 Winners LIVE: ఏపీలో కూటమి అభ్యర్థులు ప్రభంజనం సృష్టిస్తున్నారు. మొత్తం 64 స్థానాల్లో విజయం సాధించగా.. 72 స్థానాల్లో ఆధిక్యంలో ఉన్నారు. అటు ఎంపీ స్థానాల్లోనూ 16 చోట్ల కూటమి అభ్యర్థులు ఆధిక్యంలో ఉన్నారు. టీడీపీ అధినేత చంద్రబాబు ఆధిక్యంలో కొనసాగుతున్నారు. జనసేనాని పవన్ కల్యాణ్ పిఠాపురం 71 వేలకు పైగా ఓట్ల మెజార్టీతో గెలుపొందారు. మంగళగిరి నుంచి టీడీపీ జాతీయ ప్రధాన కార్యదర్శి నారా లోకేశ్ సైతం విజయం సాధించారు. అటు, పులివెందులలో సీఎం జగన్ 59 వేల ఓట్ల మెజార్టీతో విజయం సాధించారు. ఈ ఫలితాలతో టీడీపీ శ్రేణులు సంబరాల్లో మునిగి తేలుతున్నారు. 

22:07 PM (IST)  •  04 Jun 2024

AP Election Results 2024 Winners LIVE: ఏపీలో కూటమి విజయంపై చంద్రబాబు ఫుల్ హ్యాపీ, ప్రధాని మోదీకి ధన్యవాదాలు

ఏపీలో ఎన్డీఏ కూటమి ఘన విజయంపై టీడీపీ అధినేత చంద్రబాబు స్పందించారు. ఆంధ్ర ప్రదేశ్ గెలిచింది! ఆంధ్ర ప్రదేశ్ ప్రజలు గెలిచారు అని ట్వీట్ చేశారు. ఈరోజు నా గుండె కృతజ్ఞతతో నిండిపోయింది. తమ కూటమి విజయం కోసం అఖండ మెజారిటీ ఇచ్చి ఆశీర్వదించినందుకు రాష్ట్ర ప్రజలకు ధన్యవాదాలు తెలిపారు. ఎన్డీఏ కూటమి రాష్ట్రాన్ని పునర్ నిర్మిస్తుందన్నారు. 

Thank you, @narendramodi Ji! On behalf of the people of Andhra Pradesh, I congratulate you on the NDA's victory in the Lok Sabha and Andhra Pradesh Assembly Elections. Our people of Andhra Pradesh have blessed us with a remarkable mandate. This mandate is a reflection of their… https://t.co/H6JRSTzYEr

— N Chandrababu Naidu (@ncbn) June 4, 2024

ప్రధాన మంత్రి నరేంద్ర మోడీ, హోం మంత్రి అమిత్ షా, జేపీ నడ్డాలకు చంద్రబాబు ధన్యవాదాలు తెలిపారు. ఏపీ భవిష్యత్తు పట్ల పవన్ కళ్యాణ్, ఏపీ బీజేపీ అధ్యక్షురాలు పురందేశ్వరి తమ నిబద్ధత చూపించారని కొనియాడారు. కూటమి నాయకులు, కార్యకర్తల కృషి, అంకిత భావం, ధైర్యంగా పోరాడిన ఫలితం ఎన్నికల్లో అఖండ విజయం. ఈ అద్భుతమైన విజయాన్ని అందించిన అందర్నీ అభినందించారు. 

Andhra Pradesh has won!
The people of Andhra Pradesh have won!

Today, my heart is filled with gratitude. I thank the people of our state for blessing the TDP-JSP-BJP alliance with an overwhelming mandate to serve them. Together, we have won a battle to reclaim our state, and…

— N Chandrababu Naidu (@ncbn) June 4, 2024

 

20:21 PM (IST)  •  04 Jun 2024

ఏపీలో అత్యధిక మెజార్టీ ఎవరికో తెలుసా?

AP Election Results 2024 Winners LIVE: విశాఖ జిల్లా గాజువాకలో టీడీపీ అభ్యర్థి పల్లా శ్రీనివాసరావు భారీ మెజార్టీ సాధించారు. రాష్ట్రంలోనే అత్యధికంగా 94,058 ఓట్ల మెజార్టీతో.. వైసీపీ అభ్యర్థి, మంత్రి గుడివాడ అమర్నాథ్‌పై గెలుపొందారు. ఇక ఇదే జిల్లాలోని భీమిలిలో టీడీపీ అభ్యర్థి గంటా శ్రీనివాసరావు 92,401 ఓట్ల మెజారిటీతో ఘన విజయం సాధించారు. ఇది రాష్ట్రంలోనే రెండో అత్యదిక మెజార్టీ.