Kadapa Voting Percentage: కడప జిల్లాలో పోలింగ్ ప్రశాంతం - ఓటింగ్ శాతం ఎంతంటే?

AP Election 2024 Polling Percentage: కడప జిల్లాలో పోలింగ్ ప్రశాంతంగా ముగిసింది. సోమవారం సాయంత్రం 5 గంటలకు 73.33 శాతం పోలింగ్ నమోదైనట్లు ఎన్నికల సంఘం అధికారులు తెలిపారు.

కడప జిల్లా పోలింగ్ శాతం వివరాలు

AP Election 2024 Polling Percentage: కడప జిల్లాలో పోలింగ్ శాంతియుతంగా ముగిసింది. చిన్న చిన్న గొడవలు మినహా పోలింగ్ ప్రశాంతంగా సాగింది. ఎలాంటి అవాంఛనీయ ఘటనలు జరగకుండా పోలీసులు పటిష్ట బందోబస్తు ఏర్పాట్లు చేశారు. సోమవారం సాయంత్రం 5 గంటల వరకూ 73.33 శాతం పోలింగ్ నమోదైనట్లు ఎన్నికల సంఘం ప్రకటించింది. 2019 ఎన్నికల్లో జిల్లాలో 79.20 శాతం ఓటింగ్ నమోదైంది. నియోజకవర్గాల వారీగా పోలింగ్ శాతాలు ఓసారి పరిశీలిస్తే..

	నియోజకవర్గం	2024 పోలింగ్ శాతం (5 PM వరకు )	2019 పోలింగ్ శాతం
1	బద్వేల్ అసెంబ్లీ నియోజకవర్గం	73.25 శాతం	76.3 శాతం
2	మైదుకూరు అసెంబ్లీ నియోజకవర్గం	78.19 శాతం	81.3 శాతం
3	కమలాపురం అసెంబ్లీ నియోజకవర్గం	75.16 శాతం	81.9 శాతం
4	జమ్మలమడుగు అసెంబ్లీ నియోజకవర్గం	78.55 శాతం	85.7 శాతం
5	పులివెందుల అసెంబ్లీ నియోజకవర్గం	75.80 శాతం	89.5 శాతం
6	ప్రొద్దుటూరు అసెంబ్లీ నియోజకవర్గం	72.26 శాతం	76.9 శాతం
7	కడప అసెంబ్లీ నియోజకవర్గం	60.12 శాతం	62.8 శాతం