SBI Scholarship: పేద విద్యార్థులకు SBI బంపర్ ఆఫర్ - 20 లక్షల స్కాలర్ షిప్ - ఇవిగో పూర్తి డీటైల్స్

ASHA Scholarship 2025: SBI ప్లాటినమ్ జూబ్లీ ఆశా స్కాలర్‌షిప్ 2025ను ఎస్‌బీఐ ప్రకటించింది. పేద విద్యార్థులకు ₹20 లక్షల వరకు స్కాలర్‌షిప్.. అర్హతలు, అప్లికేషన్ పూర్తి వివరాలు

పేద విద్యార్థులకు SBI బంపర్ ఆఫర్ - 20 లక్షల స్కాలర్ షిప్ - ఇవిగో పూర్తి డీటైల్స్

Source : x

SBI announces SBI Platinum Jubilee ASHA Scholarship 2025:  పేద విద్యార్థుల చదువులకు బాసటగా నిలిచి, వారి కలలను నెరవేర్చడానికి స్టేట్ బ్యాంక్ ఆఫ్ ఇండియా (SBI) ఫౌండేషన్ మరోసారి ముందుకు వచ్చింది. ప్లాటినమ్ జూబ్లీ ఆశా స్కాలర్‌షిప్ 2025 (Platinum Jubilee Asha Scholarship 2025)ను ప్రకటించింది.  దేశవ్యాప్తంగా 23,230 మంది ప్రతిభావంతులైన విద్యార్థులకు ఆర్థిక సాయం అందించనుంది. 2026 ఆర్థిక సంవత్సరంలో ఈ కార్యక్రమం కోసం రూ. 90 కోట్లు కేటాయించినట్టు SBI ఫౌండేషన్ తెలిపింది. 2022లో ప్రారంభమైన ఈ స్కాలర్‌షిప్, వెనుకబడిన విద్యార్థులకు విద్యను అందుబాటులోకి తీసుకురావడం ద్వారా   దీర్ఘకాలిక దేశ నిర్మాణానికి దోహదపడుతోంది. 

"ప్లాటినమ్ జూబ్లీ వేడుకల సందర్భంగా ఈ స్కాలర్‌షిప్ ప్రకటించడం గర్వకారణం. పేదరికం నుంచి వచ్చిన విద్యార్థుల ఉన్నత చదువుల ఆకాంక్షలను నెరవేరుస్తాం" అని  SBI చైర్మన్ సీఎస్ శెట్టి ప్రకటించారు. 

స్కాలర్‌షిప్ కేటగిరీలు   అర్హతలు
ఈ స్కాలర్‌షిప్ తొమ్మిదో తరగతి నుంచి పోస్ట్ గ్రాడ్యుయేషన్ వరకు వివిధ స్థాయిల్లో చదివే విద్యార్థులకు వర్తిస్తుంది. కేటగిరీల వారీగా అర్హతలు ఇలా ఉన్నాయి:

 స్కూల్ స్టూడెంట్స్ (క్లాస్ 9-12) 
  - భారతీయులై ఉండాలి.
  - గత విద్యా సంవత్సరంలో 75% మార్కులు లేదా 7.0 సీజీపీఏ సాధించాలి (SC/STకు 10% సడలింపు: 67.5% లేదా 6.3 సీజీపీఏ).
  - కుటుంబ వార్షిక ఆదాయం ₹3 లక్షలకు మించకూడదు.
  - 50% స్లాట్లు మహిళలకు, 50% SC/STకు (25% SC, 25% ST) రిజర్వ్.

 అండర్ గ్రాడ్యుయేట్ (UG),  పోస్ట్ గ్రాడ్యుయేట్ (PG)  స్టూడెంట్స్ 
  - భారతీయులై, గత సంవత్సరంలో 75% మార్కులు సాధించాలి (SC/ST సడలింపు).
  - కుటుంబ ఆదాయం రూ. 6 లక్షలకు మించకూడదు. 

 మెడికల్ స్టూడెంట్స్  , ఐఐటీ స్టూడెంట్స్ , ఐఐఎం స్టూడెంట్స్  ,  టాప్ ఐఐఎమ్‌లలో చదివే వారికి, అదే అర్హతలు ఉంటే దరఖాస్తు చేసుకోవచ్చు. మాస్టర్స్ లేదా అంతకంటే ఎక్కువ కోర్సులు విదేశాల్లో చదివే వారికి లేదా అక్కడ అడ్మిషన్ ఆఫర్ పొందినవారికి కూడా ఇస్తారు.
 
స్కాలర్‌షిప్ మొత్తం కోర్సు, స్థాయి ఆధారంగా మారుతుంది. ఏటా ₹15,000 నుంచి ₹20 లక్షల వరకు అందుతుంది. కోర్సు పూర్తయ్యే వరకు రెన్యూవల్ అవుతుంది, కానీ విద్యార్థులు కనీస అర్హత మార్కులు  సాధించాలి. 
- స్కూల్ స్టూడెంట్స్: ₹15,000 (వన్-టైమ్ లేదా ఏటా).
- UG/PG: ₹50,000 నుంచి ₹70,000.
- మెడికల్/ఐఐటీ/ఐఐఎం/ఓవర్‌సీస్: ₹20 లక్షల వరకు.

  అప్లికేషన్ ప్రాసెస్
- అధికారిక వెబ్‌సైట్: www.sbiashascholarship.co.in లేదా www.buddy4study.com/page/sbi-asha-scholarship-program ద్వారా అప్లై చేయాలి.
- స్టెప్స్: 
  1. 'Apply Now' క్లిక్ చేయండి.
  2. ఈమెయిల్/మొబైల్ ద్వారా రిజిస్టర్ చేయండి.
  3. అప్లికేషన్ ఫామ్ ఫిల్ చేయండి.
  4. డాక్యుమెంట్లు అప్‌లోడ్ చేయండి.
  5. టెర్మ్స్ అండ్ కండిషన్స్ అంగీకరించి సబ్‌మిట్ చేయండి.
 డెడ్‌లైన్: నవంబర్ 15, 2025.

 అవసరమైన  డాక్యుమెంట్లు
- మార్క్‌షీట్ (గత సంవత్సరం).
- ఐడెంటిటీ ప్రూఫ్ (ఆధార్ కార్డు).
- ఇన్‌కమ్ ప్రూఫ్ (ఫామ్ 16A/ఇన్‌కమ్ సర్టిఫికెట్/సాలరీ స్లిప్స్).
- అడ్మిషన్ ప్రూఫ్ (అడ్మిషన్ లెటర్/ఐడీ కార్డు/బోనఫైడ్ సర్టిఫికెట్).
- ఫీ రసీదు.
- బ్యాంక్ అకౌంట్ డీటెయిల్స్.
- పాస్‌పోర్ట్ సైజ్ ఫోటో.
- క్యాస్ట్ సర్టిఫికెట్ (SC/STకు అప్లికబుల్).

 సెలక్షన్ ప్రాసెస్
- అకడమిక్ మెరిట్, ఫైనాన్షియల్ బ్యాక్‌గ్రౌండ్ ఆధారంగా ఇనిషియల్ షార్ట్‌లిస్టింగ్.
- షార్ట్‌లిస్టెడ్ క్యాండిడేట్స్‌తో టెలిఫోనిక్ ఇంటర్వ్యూ.
- డాక్యుమెంట్ వెరిఫికేషన్ తర్వాత ఫైనల్ సెలక్షన్.

 కాంటాక్ట్ డీటెయిల్స్
- ఈమెయిల్: sbiashascholarship@sbifoundation.co.in
- హెల్ప్‌లైన్: 011-430-92248 (ఎక్స్‌ట్-303), సోమవారం నుంచి శుక్రవారం వరకు 9 AM - 6 PM.

ఈ స్కాలర్‌షిప్ విద్యార్థుల భవిష్యత్తును మార్చే అవకాశం. అర్హులైన వారు తప్పకుండా అప్లై చేయండి. మరిన్ని వివరాలు అధికారిక సైట్‌లో చూడవచ్చు.

మరిన్ని చదవండి

8వ తరగతి అర్హతతో టీజీఆర్టీసీలో ఉద్యోగాలు - ఇలా దరఖాస్తు చేసుకోండి !

పాల ప్యాకెట్లకే పైసల్లేవు, 3 కోట్లు ఎక్కడ నుంచి తెస్తాం సార్- TGPSC గ్రూప్ 1 ర్యాంకర్ తల్లి ఆవేదన