HDFC Badhte Kadam Scholarship: 'బడ్తే కదమ్ స్కాలర్‌షిప్‌'తో విద్యార్థుల చదువులు ముందుకు

ప్రతిభావంతులైన పేద విద్యార్థులకు ఆర్థిక చేయూత అందుతోంది. ఈ స్కాలర్‌షిప్ ప్రోగ్రామ్ ఇంటర్ లేదా డిగ్రీ చదువుతూ, పోటీపరీక్షలకు సన్నద్ధమయ్యే విద్యార్థుల కోసం ఉద్దేశించింది.

HDFC - బడ్తే కదమ్ స్కాలర్‌షిప్‌తో విద్యార్థుల చదువులు ముందుకు

హెచ్‌డీఎఫ్‌సీ బ్యాంక్‌ 2022-23 విద్యా సంవత్సరానికిగాను అర్హులైన విద్యార్థుల నుంచి కింది స్కాలర్‌షిప్‌ల కోసం దరఖాస్తులు కోరుతోంది. ఈ స్కాలర్‌షిప్ పథకం ద్వారా సమాజంలోని అణగారిన వర్గాలకు చెందిన ప్రతిభావంతులైన పేద విద్యార్థులకు ఆర్థిక చేయూత అందుతోంది. ఈ స్కాలర్‌షిప్ ప్రోగ్రామ్ ఇంటర్ లేదా డిగ్రీ చదువుతూ, పోటీపరీక్షలకు సన్నద్ధమయ్యే విద్యార్థుల కోసం ఉద్దేశించింది. ఇంటర్ నుంచి డిగ్రీ చదివే భారతీయ విద్యార్థులు ఈ స్కాలర్‌షిప్ కోసం దరఖాస్తు చేసుకోవచ్చు. 

మొత్తంగా 5 రకాల కేటగిరీలుగా స్కాలర్‌షిప్ అందజేస్తారు. వీటిలో 10, 12వ తరగతులు చదువుతున్న విద్యార్థులు, జనరల్ డిగ్రీ విద్యార్థులు, ప్రొఫెషనల్ డిగ్రీ విద్యార్థులు, దివ్యాంగ విద్యార్థులు, పోటీపరీక్షలకు సన్నద్ధమవుతున్న విద్యార్థులకు స్కాలర్‌షిప్ అందజేస్తారు.

ఇంటర్, డిగ్రీ, డిప్లొమా/ఐటీఐ, ఒకేషనల్ కోర్సులు చదువుతున్న దివ్యాంగులు దరఖాస్తు చేసుకోవచ్చు. నీట్, జేఈఈ, క్లాట్, ఎన్‌ఐఎఫ్‌టీ లాంటి ప్రవేశపరీక్షలకు శిక్షణ తీసుకుంటున్న విద్యార్థులు కూడా దరఖాస్తు చేసుకోవడానికి అర్హులు. కోచింగ్ తీసుకుంటున్న విద్యార్థులు అకడమిక్ పరీక్షలొ కనీసం 80 శాతం మార్కులు కలిగి ఉండాలి.

కుటుంబ వార్షిక ఆదాయం రూ.6 లక్షలకు మించకూడదు. దివ్యాంగులైతే రూ.8 లక్షలకు మించకూడదు. ఏ విధమైన సంక్షోభంలో (సింగిల్ పేరెంట్, అనాదలు, కుటుంబంలో ప్రాణాంతక అనారోగ్యం,etc.) ఉన్న విద్యార్థులకు ప్రత్యేక పరిగణలోకి తీసుకుంటారు.

స్కాలర్‌షిప్ మొత్తం:  10, 12వ తరగతులు చదువుతున్న విద్యార్థులకు రూ.18,000; జనరల్ డిగ్రీ విద్యార్థులకు రూ.30,000; ప్రొఫెషనల్ డిగ్రీ విద్యార్థులకు రూ.1,00,000; దివ్యాంగ విద్యార్థులకు (10, 12 తరగతులు, ఐటీఐ, డిప్లొమా) విద్యార్థులకు రూ.24,000, పోటీపరీక్షలకు సన్నద్ధమవుతున్న విద్యార్థులకు రూ.72,000 స్కాలర్‌షిప్‌గా ఇస్తారు. 

దరఖాస్తు విధానం: ఆన్‌లైన్ ద్వారా

చివరితేది: 30-09-2022.

Notification & Online Aplication  

 

 

పేద విద్యార్థుల జీవితాల్లో ‘పరివర్తనం’ - హెచ్‌డీఎఫ్‌సీ పరివర్తన్‌ స్కాలర్‌షిప్‌

హెచ్‌డీఎఫ్‌సీ బ్యాంక్‌ 2022-23 విద్యా సంవత్సరానికిగాను అర్హులైన విద్యార్థుల నుంచి కింది స్కాలర్‌షిప్‌ల కోసం దరఖాస్తులు కోరుతోంది. ఈ స్కాలర్‌షిప్ పథకం ద్వారా సమాజంలోని అణగారిన వర్గాలకు చెందిన ప్రతిభావంతులైన పేద విద్యార్థులకు ఆర్థిక చేయూత అందుతోంది. ఈ స్కాలర్‌షిప్ ప్రోగ్రామ్ 1వ తరగతి నుండి డిగ్రీ, పీజీ ప్రోగ్రామ్‌లను అభ్యసించే పాఠశాల విద్యార్థుల కోసం ఉద్దేశించింది. 

HDFC ECS స్కాలర్‌షిప్ పథకం కింద, వ్యక్తిగత/కుటుంబ సంక్షోభం లేదా ఏదైనా ఇతర ఆర్థిక సమస్యల కారణంగా చదువుకు అయ్యే ఖర్చును భరించలేక, ఆగిపోయే ప్రమాదం ఉన్న విద్యార్థులకు వారి చదువుల కోసం రూ.75,000 వరకు ఆర్థిక సహాయం అందుతోంది. భారతదేశంలోని ప్రముఖ బ్యాంకింగ్ మరియు ఫైనాన్షియల్ సర్వీస్ ప్రొవైడర్ అయిన HDFC బ్యాంక్, తన ఫ్లాగ్‌షిప్ ప్రోగ్రామ్ - ఎడ్యుకేషనల్ క్రైసిస్ స్కాలర్‌షిప్ (ECS)లో భాగంగా ఈ స్కాలర్‌షిప్‌ను ప్రవేశపెట్టింది. బ్యాంక్ తన సామాజిక చొరవ - పరివర్తన్‌లో భాగంగా విద్య మరియు జీవనోపాధి శిక్షణ రంగంలో వివిధ ప్రాజెక్టులను చేపడుతోంది.
పూర్తి వివరాల కోసం క్లిక్ చేయండి..